არგენტინის ნაკრების ყოფილმა თავდამსხმელმა გაბრიელ ომარ ბატისტუტამ განაცხადა, რომ მისთვის სამწუხარო იქნება, როდესაც ეროვნულ გუნდში გატანილი გოლების რაოდენობით მის რეკორდს ლიონელ მესი მოხსნის. ცნობისთვის, ბატისტუტამ თავის დროზე “ალბისელესტეს” რიგებში 56 ბურთის გატანა შეძლო, მესის კი დღესდღეობით ნაკრების ფორმით 49 გოლი აქვს გატანილი.
“ნაკრების საუკეთესო ბომბარდირი გავხდი, თუმცა ამის შესახებ თავადაც არ ვიცოდი. დილით გავიღვიძე და გავიგე, რომ დიეგო მარადონაზე მეტი გოლი გავიტანე. რა თქმა უნდა, სამწუხარო იქნება, როდესაც მესი ამ რეკორდს მოხსნის, თუმცა იგი უცხოპლანეტელია და არა – ამქვეყნიური ადამიანი”, – ციტირებს ბატისტუტას სიტყვებს FoxSports-ი.
