ჭდე: Rafael Benitez

რატომ გაუშვა პერესმა ანჩელოტი? ვინ მეთაურობდა გუნდს გასახდელში?

Posted on by ბექა დოგრაშვილი

როგორც ესპანური გამოცემა “მარკა” წერს, მადრიდის “რეალის” პრეზიდენტმა ფლორენტინო პერესმა მთავარი მწვრთნელის პოსტიდან კარლო ანჩელოტი იმიტომ გაუშვა, რომ ის გუნდს მხოლოდ ფორმალურად ხელმძღვანელობდა, სინამდვილეში კი გასახდელში კრიშტიანუ რონალდუ და სერხიო რამოსი ლიდერობდნენ.

წყაროს თანახმად, კლუბის პრეზიდენტსა და აწ უკვე ყოფილ თავკაცს შორის გამართული ბოლო შეხვედრის მთავარი თემა სწორედ ეს საკითხი გახლდათ. პერესი უკმაყოფილო იყო იმით, რომ იტალიელი სპეციალისტი გუნდს სათანადოდ ვერ მეთაურობდა.

“რეალის” მთავარი მწვრთნელის პოსტზე რაფაელ ბენიტესი ინიშნება, რომელსაც უკვე მიეცა პირველი დავალება: გუნდს ერთპიროვნულად იგი უნდა ხელმძღვანელობდეს, რონალდუსა და რამოსს მის ფუნქციებში ჩარევის შესაძლებლობა არ უნდა მიეცეთ. პერესის დავალებაა, რომ გუნდში იერარქია რაც შეიძლება მალე აღდგეს.

 

CalcioNapoli24: ბენიტესი “რეალთან” ორწლიან კონტრაქტს გააფორმებს

Posted on by ბექა დოგრაშვილი

ინტერნეტპორტალი calcionapoli24.it იუწყება, რომ “ნაპოლის” მთავარი მწვრთნელი რაფაელ ბენიტესი მადრიდის “რეალში” გადასვლასთან ახლოსაა.

შეგახსენებთ, რომ მადრიდული კლუბის თავკაცის პოსტი ვაკანტური ორშაბათს გახდა, როცა “რეალის” ხელმძღვანელობამ კარლო ანჩელოტი გაათავისუფლა.

წყაროს ცნობით, მომავალ ორშაბათს ფეხბურთის 55 წლის ესპანელი სპეციალისტი “სამეფო კლუბის” ხელმძღვანელობას შეხვდება და კონტრაქტის დეტალებს განიხილავს.

გავრცელებული ინფორმაციის თანახმად, რაფა ბენიტესი “რეალთან” ორწლიან შრომით ხელშეკრულებას გააფორმებს.

“სამეფო კლუბის” მთავარი მწვრთნელის პოსტზე მეორე კანდიდატად დორტმუნდის “ბორუსიას” ყოფილ თავკაც იურგენ კლოპს ასახელებენ.

 

“ლივერპულის” ფანების ნაწილი როჯერსის გათავისუფლებას და ბენიტესის დაბრუნებას მოითხოვს

Posted on by ბექა დოგრაშვილი

ინგლისის პრემიერლიგის 35-ე ტურში “ლივერპულსა” და “ქუინს პარკ რეინჯერსს” შორის გამართულ შეხვედრაში მერსისაიდული გუნდის ქომაგების ნაწილმა ბრენდან როჯერსის გათავისუფლების მოთხოვნით აქცია ჩაატარა.

მატჩის მიმდინარეობისას “ენფილდს” საფრენმა აპარატმა გადაუფრინა, რომელსაც ბანერი ჰქონდა გამობმული – წარწერით: “Rodgers Out, Rafa In”.

ქომაგთა ჯგუფი როჯერსის გათავისუფლებასა და გუნდის მთავარი მწვრთნელის პოსტზე რაფაელ ბენიტესის დაბრუნებას მოითხოვს, რომელიც ამჟამად “ნაპოლის” თავკაცობს.

 

ბენიტესი “ნაპოლის” პრეზიდენტს შეხვდა

Posted on by ბექა დოგრაშვილი

“ნაპოლის” მთავარი მწვრთნელი რაფაელ ბენიტესი ორშაბათს კლუბის პრეზიდენტ აურელიო დე ლაურენტისს შეხვდა. მხარეებმა ახალი კონტრაქტის გაფორმების შესაძლებლობა განიხილეს.

იტალიური პრესის ცნობით, “ნაპოლის” ხელმძღვანელობამ ბენიტესს კლუბის სამომავლო გეგმები გააცნო, რამაც ესპანელ სპეციალისტზე განსაკუთრებული შთაბეჭდილება მოახდინა.

მანამდე გავრცელებული ინფორმაციის თანახმად, ბენიტესი ზაფხულში “ნაპოლის” დატოვებას აპირებდა, თუმცა, როგორც ჩანს, ესპანელ სპეციალისტს კიდევ ერთხელ მოუწევს დაფიქრება.

 

ბენიტესს ინგლისში დაბრუნება სურს

Posted on by ბექა დოგრაშვილი

“ნაპოლის” მთავარი მწვრთნელის პოსტზე რაფაელ ბენიტესის მომავალი კითხვის ნიშნის ქვეშ დგას.

გავრცელებული ინფორმაციის თანახმად, ფეხბურთელის ესპანელი სპეციალისტი ნეაპოლიტანურ კლუბთან კონტრაქტის გახანგრძლივებას არ ჩქარობს. არადა, მხარეებს შორის გაფორმებულ ხელშეკრულებას ვადა მომდევნო წლის ზაფხულს ეწურება. სხვადასხვა წყაროების ცნობით, ბენიტესს ინგლისში დაბრუნება სურს, სადაც ამ დრომდე ცხოვრობს მისი ოჯახი.

“ნაპოლის” ხელმძღვანელობა აპირებს, რაც შეიძლება მალე მიიღოს ბენიტესისგან პასუხი, რათა 2013 წელს ჩავარდნილ მდგომარეობაში არ აღმოჩნდნენ, როცა კლუბის თავკაცის პოსტი ვალტერ მაცარიმ დატოვა.

 

ბენიტესი: „ნაპოლი“ სკუდეტოსთვის ბრძოლაში ფავორიტი არ არის“

Posted on by ბექა დოგრაშვილი

„ნაპოლის“ მთავარი მწვრთნელი რაფაელ ბენიტესი ნეაპოლიტანურ კლუბს სკუდეტოსთვის ბრძოლაში ფავორიტად არ თვლის.

„ყველა ამბობს, რომ „ნაპოლი“ ტიტულისთვის ბრძოლაში ფავორიტია, თუმცა ეს ასე არ გახლავთ. პირველ რიგში, უნდა დავასახელოთ „იუვენტუსი“ და „რომა“, რომლებმაც წინა სეზონში გვაჯობეს. აქვეა „მილანი“, „ინტერი“ და „ფიორენტინა“.

მხოლოდ იმის თქმა შემიძლია, რომ ჩვენ ძლიერი გუნდი გვყავს. მეტოქეებს პატივს ვცემთ და მხოლოდ ჩვენი გუნდის თამაშზე ვფიქრობთ“, – ციტირებს რაფა ბენიტესის სიტყვებს „ტუტომერკატო“.

შეგახსენებთ, რომ გასულ სეზონში „ნაპოლიმ“ ჩემპიონატი მესამე ადგილზე დაასრულა. ნეაპოლიტანურმა გუნდმა წინა სეზონში იტალიის თასი მოიგო.

 

ბენიტესი: „ჩვენი პრიორიტეტი ჩემპიონთა ლიგაზე მოხვედრაა“

Posted on by ბექა დოგრაშვილი

„ნაპოლის“ მთავარმა მწვრთნელმა რაფაელ ბენიტესმა გუნდის სასეზონო მიზნების შესახებ ისაუბრა. ფეხბურთის ესპანელი სპეციალისტის თქმით, ნეაპოლელთა მთავარი მიზანი ჩემპიონთა ლიგის ზონაში მოხვედრაა.

„ჩემპიონთა ლიგაზე თამაში ჩვენი პრიორიტეტია, თუმცა რაიმე ტიტულის მოგებაზეც უნდა ვიფიქროთ“, – აღნიშნა რაფა ბენიტესმა.

შეგახსენებთ, რომ იტალიის სერია A-ს XXII ტურში „ნაპოლი“ სტუმრად „ატალანტასთან“ ანგარიშით 0:3 განადგურდა.

„მარცხის მიზეზები და შედეგი მთავარი საკითხებია. წარუმატებლობა ჩვენი მხრიდან ძალისხმევის ნაკლებობამ გამოიწვია. იტალიის ჩემპიონატი ჩვენთვის ყველაზე მნიშვნელოვანია, თუმცა თასის გათამაშების ნახევარფინალში გავაღწიეთ და ფინალში თამაშსაც ვაპირებთ“, – ბენიტესის სიტყვებს Football Italia ციტირებს.

გეტყვით იმასაც, რომ იტალიის თასის ნახევარფინალურ ეტაპზე „ნაპოლის“ მეტოქედ „რომა“ ელის. დაპირისპირება ორი მატჩისგან შედგება და პირველი შეხვედრა რომში, 5 თებერვალს შედგება.

ბექა დოგრაშვილი

კლოპი: „შეგიძლიათ, ჩვენს შეხვედრას კრიზისულ გუნდთა მატჩი დაარქვათ, თუმცა ასე არაა“

Posted on by ბექა დოგრაშვილი

დღეს უეფას ჩემპიონთა ლიგის ჯგუფური ეტაპის V ტურის მატჩები გაიმართება. დორტმუნდის „ბორუსია“ „ნაპოლის“ მიიღებს. გერმანელთა თავკაცმა იურგენ კლოპმა განაცხადა, რომ „ნაპოლი“ „პარმასთან“ დამარცხების მიუხედავად, კრიზისში არ არის და  მის წინააღმდეგ გასამართ მატჩზე „დორტმუნდი“ სრულ კონცენტრაციას ახდენს.

„ზედიზედ სამი მატჩი წავაგეთ, თუმცა ამ შეხვედრებს შორის ჩვენი გუნდის რამდენიმე ფეხბურთელმა სანაკრებო გამარჯვებას მიაღწია, რამაც მათ დამატებითი იმპულსი უნდა შესძინოს. მაქვს შეგრძნება, რომ აუცილებლად მოსაპოვებელი ქულები დავკარგეთ. ეს ყველაფერი „ნაპოლის“ მხოლოდ იმ შემთხვევაში წაადგება, თუ მათ წინააღმდეგაც ცუდად ვითამაშებთ. სრულად ორიენტირებულნი ვართ ნეაპოლელებთან გასამართ მატჩზე.

„ნაპოლი“ „პარმასთან“ დამარცხდა, თუმცა არა მგონია, ვინმე მათ კრიზისზე ლაპარაკობდეს. შეგიძლიათ, ჩვენს შეხვედრას კრიზისულ გუნდთა მატჩი დაარქვათ, თუმცა მოედანზე ამას ვერავინ დაინახავს“, – აღნიშნა კლოპმა.

შეგახსენებთ, რომ ამ გუნდების პირველი დაპირისპირება ნეაპოლელებმა ანგარიშით 2:1 მოიგეს. მატჩი „ბორუსიასა“ და „ნაპოლის“ შორის ჩვენი დროით 23:45 საათზე დაიწყება.

ბექა დოგრაშვილი

ბენიტესი: „ბორუსია“ ექსტრაკლასის გუნდია“

Posted on by ბექა დოგრაშვილი

დღეს უეფას ჩემპიონთა ლიგის ჯგუფური ეტაპის V ტურის მატჩები გაიმართება. დიდ ინტერესს იწვევს დორტმუნდის „ბორუსიასა“ და „ნაპოლის“ შორის გასამართი შეხვედრა. ნეაპოლელთა მთავარმა მწვრთნელმა რაფაელ ბენიტესმა მატჩისწინა პრესკონფერენციაზე მეტოქე გუნდის მიმართ საქებარი სიტყვები არ დაიშურა.

„ექსტრაკლასის მეტოქე გვყავს. „ბორუსიას“ ვაფასებთ. ასეთი სიტყვები ამ გუნდმა წინა სეზონში ევროთასებზე ნაჩვენები თამაშის გამო დაიმსახურა. დამდეგი მატჩი იქნება იმის მაჩვენებელი, თუ რამდენად ვითარდება ჩემი გუნდი.

ყველა პოზიციაზე თავი კარგად უნდა წარმოვაჩინოთ. ნახევარმცველებისგან ველი, რომ მცველებს დაეხმარებიან. შეტევის დროს კი, მცველები შეეშველებიან თავდამსხმელებს. ჩემი გუნდისგან ერთიან მუშაობას ველი“, – განაცხადა რაფა ბენიტესმა.

შეგახსენებთ, რომ ამ გუნდების პირველი დაპირისპირება ნეაპოლელებმა ანგარიშით 2:1 მოიგეს. მატჩი „ბორუსიასა“ და „ნაპოლის“ შორის ჩვენი დროით 23:45 საათზე დაიწყება.

ბექა დოგრაშვილი

ბენიტესი: „იგუაინი – „ნაპოლის“ საუკეთესო მოთამაშეა“

Posted on by Alix

„ნაპოლის“ მთავარმა მწვრთვნელმა რაფაელ ბენიტესმა თავისი გუნდის თავდამსხმელი გონსალო იგუაინი შეაქო.

„თავის დროზე მარადონა გუნდის ყველა მოთამაშეზე ერთი თავით მაღლა იდგა“, – აღნიშნა ბენიტესმა.

„ჩვენი გუნდის იარაღი  – კოლექტიური მუშაობაა, მიუხედავად იმისა, რომ გონსალო იგუაინი დღევანდელი „ნაპოლის“ ყველაზე ეფექტურ ფეხბურთელად ითვლება. იგი არამხოლოდ გოლებს იტანს, არამედ გუნდის თამაშის ხარისხის გაუმჯობესებაშიც შეაქვს წვლილი“, – დაასრულა ესპანელმა სპეციალიტმა.

შეგახსენებთ, რომ ნეაპოლიტანური გუნდის მაისურით 14 ჩატარებულ შეხვედრაში სამხრეთ ამერიკელმა 8 გოლის გატანა მოახერხა.

ალექსანდრე მატევოსოვი

მასკერანო „ნაპოლიში“ გადასვლას არ აპირებს

Posted on by Alix
კატალონიის „ბარსელონას“ ნახევარმცველი ხავიერ მასკერანო ბოლო დროს გავრცელებულ ინფორმაციას გამოეხმაურა, რომლის თანახმადად, იგი უახლოეს მომავალში „ნაპოლიში“ გადავა, სადაც მისი ყოფილი თავკაცი რაფაელ ბენიტესი მუშაობს.
„ბენიტესთან კავშირი ყოველთვის მქონდა. ჯერ კიდევ „ბარსელონაში“ გადასვლამდე, „ინტერთან“ კონტრაქტის გაფორმასთან ახლოს ვიყავი. მაშინ, მილანურ კლუბში სწორედ ბენიტესი მუშაობდა. გადავიდოდი თუ არა ნეაპოლში? კატალონიაში ყველაფერი მაწყობს და ბენიტესმა ამის შესახებ კარგად იცის“, – განაცხადა არგენტინელმა მოთამაშემ.
ალექსანდრე მატევოსოვი

ბენიტესი: „თამაშით „რომას“ ვაჯობეთ“

Posted on by Alix

„ნაპოლის“ მთავარმა მწვრთვნელმა რაფაელ ბენიტესმა „რომასთან“ წაგებული შეხვედრის თაობაზე გააკეთა კომენტარი.

„პირველი 20 წუთი ჩვენთვის რთული გამოდგა. დარჩენილ დროში კი ყველაფერი გამოვასწორეთ. ვფიქრობ, „რომაზე“ უკეთესადაც კი ვითამაშეთ“, – აცხადებს ბენიტესი.

„მეორე ნახევარში ყველაფერს ვაკონტროლებდით, თუმცა ჩვენ კარში დანიშნულმა პენალტმა ყველაფერი შეცვალა. რთულია სახიფატო მომენტების შექმნა, როდესაც მეტოქე თავს მთელი გუნდით იცავს. ბევრმა უკვე აღნიშნა, რომ თერთმეტმეტრიანი მსაჯს არ უნდა დაენიშნა, რადგან ყოველ მატჩში მინიმუმ 50 მსგავსი მომენტი იქმნება“, – დაასრულა ესპანელმა სპეცილისტმა.

ალექსანდრე მატევოსოვი