ჭდე: AC Milan

ბერლუსკონი სუარესის „მილანში“ ნახვაზე ოცნებობს

Posted on by Alix

„მილანის“ მფლობელი სილვიო ბერლუსკონი საკუთარ გუნდში „ლივერპულის“ ურუგვაელი თავდამხმელის ლუის სუარესის ნახვაზე ოცნებობს, რის შესახებაც ცნობილი იტალიური გამოცემა „ტუტოსპორტი“ წერს.

სამხრეთ ამერიკელმა მერსესაიდელებთან კონტრაქტი ორი კვირი წინ გაახანგრძლივა და მისი სხვა კლუბში გადასვლა, ამ ეტაპზე, ნაკლებად სავარაუდოა

გაცილებით იაფი ალტერნატივა „როსონერითვის“ „მანჩესტერ სიტის“ ბოსნიელი ფორვარდი ედინ ჯეკო უნდა იყოს, რომელსაც, სხვათაშორის, „შავ-წითლებში“ გადასვლა რამდენიმე წლის წინაც შეეძლო.

ალექსანდრე მატევოსოვი

ვილაშ-ბოაში „მილანს“ ჩაიბარებს?

Posted on by Alix

მიმდინარე სეზონის დასრულების შემდეგ „პორტუს“, ლონდონის „ჩელსისა“ და „ტოტენჰემ ჰოტსპურის“ ყოფილმა მთავარმა მწვრთნელმა ანდრე ვილაშ-ბოაშმა, შესაძლოა, „მილანის“ თავკაცის პოსტზე მასიმილიანო ალეგრი შეცვალოს.

ევროპულ პრესაში გავრცელებული ინფორმაციით, „როსონერის“ ხელმძღვანელები პორტუგალიელ სპეციალისტს უკვე დაუკავშირდნენ კიდეც და მასთან შესაძლო კონტრაქტის დეტალებიც განიხილეს.

ცნობისთვის, ამჟამად „მილანი“ 19 ქულით სერია ა-ს მე-10 ადგილზე იმყოფება.

ალექსანდრე მატევოსოვი

მუნტარი: „მილანი“ სწორი გზით მიდის“

Posted on by Alix

„მილანის“ ნახევარმცველი სალი მუნტარი „რომასთან“ იტალიის სერია ა-ს მე-16 ტურის ფრედ 2:2 დასრულებული მატჩით კმაყოფილი დარჩა.

„რომა“ კარგად თამაშობდა, რაც მოსალოდნელი იყო. ვფიქრობ, მნიშვნელოვანი ქულა ავიღეთ, ამავე დროს, მოგების შანსიც კი გვქონდა. ასეთი შეხვედრის შემდეგ უახლოეს მატჩებში გუნდის კარგ თამაშში ეჭვი არ მეპარება. „მილანი“ სწორი გზით მიდის“, – განაცხადა განელმა შუახაზელმა.

შეგახსენებთ, რომ რომაულ კლუბთან შეხვედრაში მუნტარიმ გოლის გატანა მოახერხა.

ცნობისთვის, იტალიის ჩემპიონატის შემდეგი ტურის მატჩში „როსონერის“ მეტოქე თანაქალაქელი „ინტერი“ იქნება.

ალექსანდრე მატევოსოვი

გატუზო: „გარიგებულ მატჩებში მონაწილეობა არასდროს მიმიღია“

Posted on by Alix

„მილანის“ ექს-ფეხბურთელი ჯენარო გატუზო დღეს გავრცელებულ ინფორმაციას გამოეხმაურა, რომლის მიხედვითაც, იგი თავის დროზე გარიგებულ მატჩებში იღებდა მონაწილეობას.

„ამ ინფორმაციამ გამაბრაზა. ასეა თუ ისე, ნერვიულობის მიზეზი არ მაქვს, რადგან ჩემს რეპუტაციას დავიბრუნებ. არ მსურს, რომ ჩემს კარიერაში შავი ლაქა იყოს. ცხოვრებაში გარიგებულ მატჩებში არადროს მითამაშია“, – განაცხადა რინომ.

ცნობისთვის, სამართალდამცავებმა დღეს გატუზოს სახლი გაჩხრიკეს.

ალექსანდრე მატევოსოვი

ჩემპიონთა ლიგის მერვედფინალური ეტაპის წილისყრის შედეგები

Posted on by ბექა დოგრაშვილი

დასრულდა უეფას ჩემპიონთა ლიგის მიმდინარე გათამაშების მერვედფინალური ეტაპის წილისყრა. პროცედურაში მონაწილეობდნენ ტურნირის 2013/14 წლების სეზონის ფინალის ელჩი ლუიშ ფიგუ, უეფას გენერალური მდივანი ჯანი ინფანტინო და საშეჯიბრო კომიტეტის თავმჯდომარე ჯორჯო მარკეტი. 16 გუნდი 8 წყვილად განაწილდა.

წილისყრამ გუნდები შემდეგნაირად დააწყვილა.

„მანჩესტერ სიტი”–„ბარსელონა”
„ოლიმპიაკოსი”–„მანჩესტერ იუნაიტედი”
„მილანი”–„ატლეტიკო”
„ლევერკუზენი”–„პარი სენ-ჟერმენი”
„გალათასარაი”–„ჩელსი”
„შალკე”–„რეალი”
„ზენიტი”–„ბორუსია”
„არსენალი”–„ბაიერნი”

ბექა დოგრაშვილი

მონტოლივო: „თამაშის წესის დარღვევა არ მსურდა“

Posted on by Alix

ამსტერდამის „აიაქსთან“ უეფა-ს ჩემპიონთა ლიგის ჯგუფური ეტაპის ბოლო ტურის მატჩის 22-ე წუთზე გაგდებულმა რიკარდო მონტოლივომ განაცხადა, რომ აღნიშნულ ეპიზოდში მას თამაშის წესის დარღვევა არ სურდა და მსაჯმა მკაცრი გადაწყვეტილება მიიღო.

„რა თქმა უნდა, ლამაზად არ მოვიქეცი, თუმცა ბურთის ართმევა მინდოდა. უხეშად თამაში ნამდვილად არ მსურდა. გული დამწყდა, როდესაც გუნდი უმცირესობაში დავტოვე“, – განაცხადა „როსონერის“ კაპიტანმა.

ალექსანდრე მატევოსოვი

კაკა: „მილანი“ მენატრებოდა“

Posted on by Alix

„მილანის“ შემტევმა ნახევარმცველმა რიკარდო კაკამ კიდევ ერთხელ აღნიშნა, რომ „როსონერიში“ დაბრუნებით იგი კმაყოფილია.

„მილანში“ დაბრუნებაზე და დიდი ხნით დარჩენაზე ვოცნებობდი. „მილანელოს“ ატმოსფერო ძალიან მაკლდა. როდესაც „რეალში“ ვიყავი, „როსონერიში“ გატარებულ პერიოდს სიამოვნებით ვიხსენებდი. აქაური გარემო ნამდვილად მაკლდა“, – განაცხადა ბრაზილიელმა.

ალექსანდრე მატევოსოვი

გალიანი: „ზამთრის სატრანსფერო ფანჯრის დროს, შესაძლოა, სიურპრიზები შემოგთავაზოთ“

Posted on by Alix

„მილანის“ გენერალურმა დირექტორმა ადრიანო გალიანიმ „როსონერის“ სატრანსფერო გეგმებზე ისაუბრა.

„სატრანსფერო ბაზარი ძალიან საინტერესოა, რთულია რაიმეს დაზუსტებით თქმა. დღეისათვის, შემიძლია, გითხრათ, რომ ერთი ტრანსფერი ნამდვილად შედგება, ხოლო მეორეზე, რუსული კლუბისადმი პატივისცემის გამო იგივეს ვერ ვიტყვი. გარდა ამისა, შესაძლოა, რამდენიმე მოთამაშე გავცვალოთ და ყველაფერთან ერთად, გულშემატკივრებს სიურპრიზი შევთავაზოთ“, – განაცხადა გალიანიმ.

ალექსანდრე მატევოსოვი

გატუზო: „ბარბარა ბერლუსკონი? ქალების ადგილი ფეხბურთში არ არის“

Posted on by Alix

„მილანის“ ექს-მოთამაშემ და ამჟამად დამწყებმა მწვრთვნელმა ჯენარო გატუზომ „როსონერიში“ ბოლო დროს შქმნილი სიტუაცია შეაფასა.

შეგახსენებთ, გასულ კვირას გადაწყდა, რომ კლუბის გენერალური პრეზიდენტის ფუნქციებს ადრიანო გალიანისთან ერთად, სილვიო ბერლუსკონის ქალიშვილი ბარბარაც შეასრულებს, რის გამოც გალიანი „მილანელოდან“ წასვლასაც კი აპირებდა.

„კლუბში შექმნილი ვითარება? ვფიქრობ, ადრიანო გალიანი მეტ პატივისცემას იმსახურებს, რადგან წლების განმავლობაში იგი არამხოლოდ მუშაობდა, არამედ შესანიშნავ შედეგს აღწევდა“, – განაცხადა რინომ.

„ამ საკითხზე ბევრი საუბარი არ მსურს, თუმცა, ჩემი აზრით, ქალის ადგილი ფეხბურთში არ არის“, – დაასრულა მილანური კლუბის ყოფილმა ფეხბურთელმა.

ალექსანდრე მატევოსოვი

მიკა რიჩარდსი, შესაძლოა, „მილანში“ ვიხილოთ

Posted on by Alix

ევროპულმა პრესამ საკმაოდ საინტერესო ინფორმაცია გაავრცელა, რომლის მიხედვითაც, „მანჩესტერ სიტის“ მცველი მიკა რიჩარდსი ზამთრის სატრანსფერო ფანჯრის დროს, შესაძლოა, სხვა კლუბში გადავიდეს.

ერთ-ერთ კლუბად, რომელსაც „ქალაქელთა“ მცველის გადაბირების შანსები აქვს „მილანი“ სახელდება. მოგეხსენებათ, „შავ-წითლებს“ დაცვის ხაზში პრობლემები აქვთ, შესაბამისად, გამორიცხული არ არის მათ რიჩარდსთან კონტრაქტი გააფორმონ.

25 წლის მცველის ტრანსფერის ალბათობაც ისიც ზრდის, რომ მანჩესტერული კლუბის შემადგენლობაში მას თამაში არც თუ ისე ხშირად უწევს, რის გამოც მას მსოფლიოს ჩემპიონატზე გამგზავრების ნაკლები შანსი აქვს.

ალექსანდრე მატევოსოვი

ადრიანო გალიანი „მილანს“ ტოვებს

Posted on by ბექა დოგრაშვილი

„მილანის“ ვიცე-პრეზიდენტმა ადრიანო გალიანიმ განაცხადა, რომ 27-წლიანი მუშაობის შემდეგ კლუბს ტოვებს.

„თაობათა ცვლა სწორი მიდგომაა, თუმცა არა ამ გზით. ეს გაცილებით ელეგანტურად უნდა ვაკეთოთ“, – აღნიშნა გალიანიმ „სქაი სპორტ 24“-ის ეთერში.

„არავითარ შემთხვევაში არ დავრჩები პოსტზე და ამ გადაწყვეტლებას თავისი მიზეზები აქვს. ჩემმა რეპუტაციამ სერიოზული დარტყმა მიიღო და აქ იმისთვის არ დავრჩები, რომ ნელ ცეცხლში დავიწვა“, – განაცხადა გალიანიმ, რომელიც თანამდებობას 11 დეკემბერს, ამსტერდამის „აიაქსის“ წინააღმდეგ გასამართი მატჩის შემდეგ დატოვებს.

შეგახსენებთ, მანამდე „მილანის“ პრეზიდენტ სილვიო ბერლუსკონის ქალიშვილმა ბარბარა ბერლუსკონიმ განაცხადა, რომ გუნდს ახალი ფილოსოფია სჭირდება. თუმცა, მას საკადრო ცვლილებასთან დაკავშირებით სხვა რაიმე მინიშნება არ გაუკეთებია. ამის მიუხედავად, იტალიაში თვლიან, რომ გალიანის გადაწყვტილების მიზეზი მასსა და ბარბარა ბერლუსკონის შორის გაჩაღებული კონფლიქტია.

 

ბექა დოგრაშვილი

ქომაგებმა „მილანს“ სტადიონის გასასვლელი გადაუკეტეს

Posted on by ბექა დოგრაშვილი

„მილანსა“ და „ჯენოას“ შორის იტალიის სერია A-ს XIII ტურში გამართული მატჩის (1:1) შემდეგ, „როსონერის“ აღშფოთებულმა 300-მდე ქომაგმა სტადიონის გასასვლელი გადაკეტა და გუნდებს დაახლოებით 1 საათის განმავლობაში არენიდან გასვლის საშუალება არ მიეცათ. ფან-კლუბ Curva Sud-ის წევრები ფეხბურთელებთან შეხვედრას ითხოვდნენ.

ქომაგების ერთ-ერთ ბანერზე ასეთი რამ ეწერა: „საპნის ოპერას დაემსგავსეთ: მთელი ეპოქის წარმატება რამდენიმე თვეში დაანგრიეთ“.

როგორც მოგეხსენებათ, „მილანმა“ საკუთარ მოედანზე ათკაციან „ჯენოას“ ვერ მოუგო. „შავ-წითლები“ სატურნირო ცხრილში კიდევ უფრო ქვემოთ დაეშვნენ და ახლა 14 ქულით მე-11 პოზიცია აქვთ დაკავებული.

პროტესტანტებთან შესახვედრად ჯერ მარიო ბალოტელი გაემართა, თუმცა სამართალდაცავებმა ის აღშფოთებულ ქომაგებამდე არ მიუშვეს. მოგვიანებით ტიფოზებს კაკა და კრისტიან აბიატი შეხვდნენ. რამდენიმეწუთიანი საუბრის შემდეგ, ქომაგებმა უკან დაიხიეს და გუნდებს სტადიონიდან გამოსვლის საშუალება მიეცათ.

სხვათა შორის, მატჩის შემდეგ „მილანის“ მთავარმა მწვრთნელმა მასიმილიანო ალეგრიმ ასეთი რამ თქვა: „ვესაუბრე პრეზიდენტ ბერლუსკონის და ის კმაყოფილია ჩვენი გუნდის თამაშით. დარწმუნებით გეუბნებით, რომ ჩვენი ფეხბურთელები მოედანზე ყოველთვის მაქსიმუმს აკეთებენ“.

ბექა დოგრაშვილი