მიუნხენის “ბაიერნის” ნახევარმცველი მარიო გიოტცე გერმანიის სუპერთასზე დორტმუნდის “ბორუსიას” წინააღმდეგ გამართული მატჩის (0:2) მიმდინარეობისას ტრიბუნქვეშა გვირაბში ხურდებოდა, რათა ყოფილი გუნდის ქომაგების მხრიდან ზედმეტი ყურადღება არ მიეპყრო.
გთავაზობთ ფაქტის ამსახველ ვიდეომასალას.
13 აგვისტოს, “სიგნალ-იდუნა-პარკზე” გერმანიის სუპერთასისთვის ერთმანეთს დორტმუნდის “ბორუსია” და მიუნხენის “ბაიერნი” დაუპირისპირდნენ.
მატჩი იურგენ კლოპის გუნდის გამარჯვებით, ანგარიშით 2:0 დასრულდა. 23-ე წუთზე ანგარიში ჰენრიხ მხითარიანმა გახსნა, 62-ე წუთზე კი პიერ-ემერიკ ობამეიანგმა მანუელ ნოიერის კარში მეორე გოლი გაიტანა. “ბაიერნისთვის” წაგებასთან ერთად ცუდი ის მოხდა, რომ ხავი მარტინესმა ტრავმა მიიღო და მოედნის დატოვება საკაცით მოუხდა. სავარაუდოდ, ხვალ გახდება ცნობილი, რამდენად სერიოზულია დაზიანება.
აღსანიშნავია, რომ “ბორუსია” გერმანიის სუპერთასის მფლობელი ზედიზედ მეორედ გახდა, შარშანაც “ბაიერნი” დაამარცხა.
გერმანიის სუპერთასი
“ბორუსია” (დორტმუნდი) — “ბაიერნი” 2:0 (1:0)
“ბორუსია”: ლანგერაკი, პიშჩეკი, გინტერი, პაპასტატოპულოსი, შმელცერი (დურმი 46′), ჰოფმანი, კირხი (ბენდერი 85′), კელი, მხითარიანი, ობამეიანგი (რამოსი 63′), იმობილე.
მთავარი მწვრთნელი: იურგენ კლოპი.
“ბაიერნი”: ნოიერი, ალაბა, ბოატენგი, ხავი მარტინესი (დანტე 31′), როდე, ჰოიბიერგი (გიოტცე 59′), ბერნატი, მიულერი (ლამი 46′), გაუდინო, ლევანდოვსკი, შაქირი.
მთავარი მწვრთნელი: ხოსეპ გვარდიოლა.
გოლები: მხითარიანი 23′, ობამეიანგი 62′.
გაფრთხილებები: ჰოიბიერგი 45′, ბოატენგი 73′, ლამი 82′.
მთავარი მსაჯი: პეტერ გაგელმანი (ბრემენი).
დღეს გერმანიის სუპერთასის მატჩი გაიმართება. “სიგნალ-იდუნა-პარკზე” დორტმუნდის “ბორუსია” მიუნხენის “ბაიერნს” დაუპირისპირდება. საყოველთაო ყურადღების ცენტრშია ბუნდესლიგის გასული სეზონის საუკეთესო ბომბარდირი რობერტ ლევანდოვსკი, რომელმაც მიმდინარე სატრანსფერო პერიოდში “ბორუსიადან” “ბაიერნში” გადაინაცვლა.
პოლონელი თავდამსხმელის შესახენ კომენტარი გააკეთა “ბაიერნის” თავდამსხმელმა კლაუდიო პიზარომ.
“ლევანდოვსკი კარგი ფეხბურთელია, ბევრ გოლს იტანს. ის მანჯუკიჩისგან განსხვავებული მოთამაშეა. ვიმედოვნებ, მას საქმეები პირველივე სეზონში კარგად წაუვა”, – განაცხადა პიზარომ “ევროსპორტის” ეთერში.
თავად ლევანდოვსკი ამბობს, რომ “ბორუსიას” წინააღმდეგ გასამართი შეხვედრა მისთვის განსაკუთრებული იქნება.
“დორტმუნდში ვითამაშებთ, “ბორუსიას” მოედანზე. ამ კლუბში ოთხი შესანიშნავი წელიწადი გავატარე და დამდეგი მატჩი ჩემთვის განსაკუთრებულია. ახლა უკვე “ბაიერნის” ფორმით გავალ მინდორზე. რა თქმა უნდა, მინდა, რომ თასი მოვიგო. “ბორუსიას” სტადიონზე სტუმარი გუნდის რიგებში ვითამაშებ და გრძნობაც სხვანაირი მექნება.
ვიცი, რომ “ბორუსია” კვალვ სახიფათო მეტოქე იქნება. იურგენ კლოპი ყოველთვის ახერხებს მებრძოლ ფეხბურთელთა ერთ გუნდად შეკვრას. გერმანიის ჩემპიონატის მოგებისთვის “ბორუსიასთან” ერთად “შალკე” და ლევერკუზენის “ბაიერიც” შეგვეცილება”, – აღნიშნა ლევანდოვსკიმ.
მატჩი “ბორუსიასა” და “ბაიერნს” შორის დღეს, თბილისის დროით 20:00 საათზე დაიწყება.
ხვალ გამთენიისას მიუნხენის “ბაიერნსა” და MLS-ის ნაკრებს შორის აშშ-ში ამხანაგური შეხვედრა გაიმართება. მატჩისწინა პრესკონფერენციაზე ერთმანეთს ბავარიელთა ნახევარმცველი ფრანკ რიბერი და “ნიუ-იორკ რედ ბულსის” თავდამსხმელი ტიერი ანრი შეხვდნენ. ანრიმ თანამემამულის მიმართ საქებარი სიტყვები არ დაიშურა.
“რიბერი უანგაროდ თამაშობს. მაშინაც კი, როცა მას გოლის გატანა შეუძლია, თანაგუნდელისთვის პასის გაკეთებას ამჯობინებს. ვფიქრობ, რომ შარშან “ოქროს ბურთი” მისთვის უნდა მიეცათ, რადგან “ბაიერნმა” ყველა შესაძლო ტიტული მოიგო და ამაში რიბერიმ წვლილი დიდია. თუმცა, როგორც ხშირად ხდება, ფეხბურთშიც მეტ ყურადღებას ინდივიდუალისტებს ვაქცევთ. რიბერი ასეთი არ არის. ვაჟიშვილი რომ მყავდეს, ვეტყოდი, რომ რიბერის და ტომას მიულერის თამაშისთვის ეცქირა”, – ანრის სიტყვები “ფრანს ფუტბოლმა” გამოაქვეყნა.
ცნობისთვის, “ბაიერნსა” და MLS-ის ნაკრებს შორის ამხანაგური მატჩი ხვალ, თბილისის დროით დილის 05:30 საათზე დაიწყება.
“ლივერპულის” მეკარე პეპე რეინა უახლოეს პერიოდში მიუნხენის “ბაიერნში” გადავა. მხარეებს შორის შეთანხმება უკვე მიღწეულია.
გავრცელებული ინფორმაციის თანახმად, ბავარიელები ესპანელი კიპერის სანაცვლოდ 2,5 მილიონ ევროს გაიღებენ.
როგორც მოგეხსენებათ, “ენფილდროუდელთა” მთავარი მწვრთნელი ბრენდან როჯერსი გუნდის ძირითად მეკარედ ბელგიელ სიმონ მინიოლეს მოიაზრებს, რეინას კი “წითლებთან” მოქმედი კონტრაქტის გაწყვეტა სურდა.
შეგახსენებთ, რომ გასული სეზონი რეინამ იჯარის წესით “ნაპოლიში” გაატარა. 31 წლის მეკარემ ნეაპოლიტანურ კლუბში 43 მატჩი ჩაატარა და 46 გოლი გაუშვა.
პეპე რეინა მერსისაიდული გუნდის ღირსებას 2005 წლიდან იცავს.
ბრიტანული „დეილი ექსპრესის“ ცნობით, დორტმუნდის „ბორუსიას“ ნახევარმცველმა მარკო როისმა „ლივერპულში“ გადასვლაზე უარი თქვა, რითაც მიუნხენის „ბაიერნის“ შანსი გაიზარდა.
წყაროს თანახმად, გერმანელი ფეხბურთელი მომდევნო ზაფხულს შესაძლოა სწორედ ბავარიულ კლუბში აღმოჩნდეს.
„ბაიერნი“ მზად არის, როისის სანაცვლოდ 35 მილიონი ევრო გაიღოს. გერმანელი ფეხბურთელის შესაძლო ტრანსფერის გაჩარხვით თავად ხოსეპ გვარდიოლა არის დაინტერესებული, რომელიც როისის ნიჭს დიდად აფასებს.
მიუნხენის „ბაიერნმა“ გერმანიის რანგით მესამე დივიზიონის კლუბ „დუისბურგთან“ ამხანაგური მატჩი გამართა. შეხვედრა ფრედ, ანგარიშით 1:1 დასრულდა. მატჩს 24 ათასზე მეტი მაყურებელი დაესწრო.
ანგარიში ბავარიელთა ახალწვეულმა რობერტ ლევანდოვსკიმ 62-ე წუთზე გახსნა, თუმცა 8-წუთიანი ინტერვალის შემდეგ „დუისბურგმა“ გაათაბრა. აღსანიშნავია, რომ ეს პოლონელი ფეხბურთელისთვის „ბაიერნის“ რიგებში ჩატარებული პირველი მატჩი იყო.
„ბაიერნმა“ ამ შემადგენლობით ითამაშა: შტარკე, კონტენტო (შტეინჰარტი 55′), ბადშტუბერი (უოლტერი 86′), რაფინია (ბასტა 79′), ალაბა, ჰიობიერგი, გაუდინო, შოლი (ებერლეინი 46′), ბერნატი, სიგჰარტი (შვარცი 46′), ლევანდოვსკი (ტობიას შვაინშტაიგერი 86′).
„ლივერპულმა“ მიუნხენის „ბაიერნის“ ნახევარმცველ ჯერდან შაქირისთან პირადი კონტრაქტის დეტალებზე შეთანხმებას ვერ მიაღწია.
შესაბამისად, სულ უფრო მცირდება იმის ალბათობა, რომ შვეიცარიელმა ფეხბურთელმა მერსისაიდულ გუნდს მიაშუროს. შექმნილ ვითარებას ყურადღებით აკვირდება იტალიური „რომა“, რომელიც ფეხბურთელის ხელში ჩასაგდებად გაჩაღებულ ბრძოლაში ჩართვას აპირებს.
ტრანსფერის ღირებულება 15 მილიონ ევროდ ფასდება.
შეგახსენებთ, რომ ჯერდან შაქირის არასაკმარისი სათამაშო პრაქტიკის გამო „ბაიერნის“ დატოვება სურს.
მიუნხენის „ბაიერნის“ მცველმა ჰოლგერ ბადშტუბერმა 2012 წლის დეკემბრის შემდეგ პირველი მატჩი ჩაატარა.
შეგახსენებთ, რომ გერმანელმა ფეხბურთელმა 2012 წლის ბოლოს დორტმუნდის „ბორუსიასთან“ გამართულ შეხვედრაში მუხლის მძიმე ტრავმა მიიღო, რის გამოც წელიწადნახევარი გაუცდა.
პარასკევს ბადშტუბერმა „ბაიერნის“ ფან-კლუბ „რედ ბარუნსის“ წინააღმდეგ გამართულ ამხანაგურ მატჩში დაახლოებით 60 წუთი ითამაშა. მატჩი ბავარიული კლუბის გამარჯვებით, ანგარიშით 3:0 დასრულდა. გოლები დავიდ ალაბამ (ორჯერ) და დანიელ ჰაგლერმა გაიტანეს.
როგორც მოსალოდნელი იყო, დღეს მადრიდის „რეალმა“ ოფიციალურად დაადასტურა ტონი კროოსის ტრანსფერი.
გერმანელმა ნახევარმცველმა „სამეფო კლუბთან“ ექვსწლიან კონტრაქტს მოაწერა ხელი.
„რეალში“ გადავედი, რითაც ჩემი ოცნება ახდა. კრიშტიანუ რონალდუ დიდებული ფეხბურთელია, თუმცა ამ კლუბში მხოლოდ ის არ თამაშობს“, – ციტირებს კროოსის სიტყვებს ესპანური გამოცემა „ასი“.
ტრანსფერის დეტალები არ ხმაურდება. არაოფიციალური ინფორმაციით, მადრიდელებმა კროოსის სანაცვლოდ 30 მილიონი ევრო გაიღეს. ფეხბურთელი ჯამაგირის სახით წელიწადში 6 მილიონ ევროს მიიღებს.
„რეალი“ კროოსს თბილისის დროით 19:00 საათზე წარადგენს.
გერმანული გამოცემა „ბილდი“ იუწყება, რომ ხუთშაბათს, 17 ივლისს მადრიდის „რეალი“ ტონი კროოსს ოფიციალურად წარადგენს.
წყაროს ცნობით, „სამეფო კლუბი“ 24 წლის გერმანელი ნახევარმცველის სანაცვლოდ 25 მილიონ ევროს იხდის. გავრცელებული ინფორმაციის თანახმად, მხარეებს შორის ხუთწლიანი კონტრაქტი გაფორმდება, კროოსი წელიწადში ხელფასის სახით 12 მილიონ ევროს მიიღებს.
მიუხედავად ამისა, ფეხბურთელის აგენტი ფოლკერ შტრუგი ამბობს, რომ ჯერ არაფერია გადაწყვეტილი.
„კროოსის მომავალი ჯერ არ გადაწყვეტილა. მინდა, ამაში ყველა დაგარწმუნოთ. სამშაბათს ერთმანეთს შევხვდებით და სამომავლო გეგმებს დავსახავთ“, – აღნიშნა აგენტმა.
გასულ სეზონში კროოსმა მიუნხენის „ბაიერნის“ ფორმით ყველა ტურნირზე ერთად 49 მატჩი ჩაატარა და ოთხი გოლი გაიტანა.
ბრაზილიაში გამართულ მსოფლიოს ჩემპიონატზე ტონი კროოსმა შვიდივე შეხვედრა ჩაატარა, მხოლოდ ერთხელ შეცვალეს – მეოთხედფინალურ ეტაპზე საფრანგეთის ნაკრების წინააღმდეგ გამართულ მატჩში. მუნდიალზე გერმანელმა ფეხბურთელმა ორი გოლი გაიტანა და ოთხი საგოლე გადაცემა გააკეთა.
დღეს მიუნხენის „ბაიერნმა“ კლუბის ახალწვეული რობერტ ლევანდოვსკი წარადგინა.
როგორც მოგეხსენებათ, დორტმუნდის „ბორუსიას“ ყოფილმა თავდამსხმელმა ბავარიულ კლუბთან წინასწარ შეთანხმებას იანვარში მიაღწია. კონტრაქტი ძალაში უკვე შევიდა, პოლონელი ფეხბურთელი „ბაიერნის“ სრულფასოვანი წევრია.
„თავს მშვენივრად ვგრძნობ. კარგად დავისვენე, ძალები აღვიდგინე. ამ მასშტაბის მქონე კლუბში უკეთ თამაში შემიძლია“, – ლევანდოვსკის სიტყვებს „ბაიერნის“ ოფიციალური ვებგვერდი აქვეყნებს.
რობერტ ლევანდოვსკი „ბაიერნში“ 9-ნომრიანი მაისურით ითამაშებს.
