“მანჩესტერ იუნაიტედის” მთავარი მწვრთნელის აზრით, ოქროს ბურთი გერმანიის ნაკრების რომელიმე მოთამაშემ უნდა მოიგოს.
“ჩემი აზრით “ოქროს ბურთის” მოსაპოვებლად რომელიმე ტიტულის მოგებაა საჭირო. ყველაზე მნიშნვენლოვანი ტროფეი კი მსოფლიო თასია. ამიტომ, ვიმედოვნებ, რომ “ოქროს ბურთს” გერმანელი ფეხბურთელი მოიგებს” – განაცხადა ვან გაალმა.
მიუნხენის „ბაიერნის“ ნახერვარმცველის ჩაბი ალონსოს აზრით, მისი გუნდის მეკარემ მანუელ ნოიერმა „ოქროს ბურთის“ მოგება დაიმსახურა.
„თუ ნოიერი „ოქროს ბურთს“ მიიღებს, ეს სამართლიანი გადაწყვეტილება იქნება. იგი საუკეთესო მეკარეა, რომელთან ერთადაც თამაში მომიწია. გარდა ამისა, მანუელი აქტიური თავისი საჯარიმოს გარეთაცაა.
კრიშტიანუ რონალდუ ან მესი? თუ გუნდურ წარმატებაზე ვისაუბრებთ, მაშინ გერმენელებზე უკეთესი წელს არავინ იყო“, – განაცხადა ალონსომ.
ტურინის “იუვენტუსისა” და საფრანგეთის ნაკრების ახალგაზრდა ნახევარმცველმა პოლ პოგბამ საკუთარი ვარაუდი გამოთქვა, თუ ვის გადასცემენ “ოქროს ბურთს”. ფრანგი ფეხბურთელის თქმით, წელს საუკეთესო მოთამაშის წოდებას მადრიდის “რეალისა” და პორტუგალიის ეროვნული გუნდის ლიდერი კრიშტიანუ რონალდუ იმსახურებს.
“მგონია, რომ “ოქროს ბურთს” რონალდუს მისცემენ. ჩემი აზრით, ეს ყველაზე ლოგიკური არჩევანი იქნება. ასე ვთვლი მე და ასე თვლის ბევრი სხვა”, – ციტირებს პოგბას სიტყვებს L’ Equipe-ი.
შეგახსენებთ, რომ “ოქროს ბურთზე” წარდგენილ 23 ფეხბურთელს შორის პოლ პოგბაც მოხვდა.
“ოქროს ბურთის” დაჯილდოების საზეიმო ცერემონიალი 2015 წლის 12 იანვარს, შვეიცარიის ქალაქ ციურიხში ჩატარდება.
ჰოლანდიის ნაკრებისა და მიუნხენის „ბაიერნის“ ნახევარმცველმა არიენ რობენმა „ოქროს ბურთის“ მოგების პერსპექტივებზე ისაუბრა.
„ჩემი თავის შედარება სხვა ფეხბურთელებთან არ მიყვარს, თუმცა, როდესაც საუბარი მესისა და რონალდუზეა, უნდა აღვნიშნო, რომ ეს ორი ადამიანი ნამდვილი „მონსტრია“. ისინი ყველას სჯობიან, იმის გათვალისწინებითაც, რომ „ბაიერნში“ გერმანული ფეხბურთის ვარსკვლავები გამოდიან, რომლებმაც წელს მსოფლიო ჩემპიონატი მოიგეს“, – ციტირებს რობენის სიტყვებს ჟურნალი „France Football“-ი.
“მანჩესტერ იუნაიტედის” თავდამსხმელი უეინ რუნი თვლის, რომ მადრიდის “რეალის” ლიდერი კრიშტიანუ რონალდუ დღესდღეობით უფრო ძლიერია, ვიდრე “ბარსელონას” თავდამსხმელი ლიონელ მესი და “ოქროს ბურთიც” სწორედ პორტუგალიელმა ფეხბურთელმა უნდა მიიღოს.
“ვფიქრობ, რომ “ოქროს ბურთს” კვლავ რონალდუ მიიღებს. კრიშტიანუმ ბოლო ორი-სამი წელიწადი შესანიშნავად განვლო და მგონია, რომ იგი მესის მსოფლიოს საუკეთესო ფეხბურთელის წოდებისთვის ბრძოლაში აჯობებს. რთული იქნება, ამ ჯილდოს მოპოვებაში მას ვინმე შეეცილოს”, – განაცხადა რუნიმ “მანჩესტერ იუნაიტედის” სატელევიზიო ეთერში.
შეგახსენებთ, რომ უეინ რუნი ინგლისის ეროვნული ნაკრების კაპიტანია. ასე რომ, რონალდუს მისგან ერთი ხმა გარანტირებული აქვს.
“ოქროს ბურთის” დაჯილდოების საზეიმო ცერემონიალი 2015 წლის 12 იანვარს, შვეიცარიის ქალაქ ციურიხში ჩატარდება.
2014 წლის „ოქროს ბურთის“ კანდიდატთა შორის ლუის სუარესის არშეყვანას ბევრი საუბარი მოჰყვა. ამასთან დაკავშირებით ჟურნალისტებთან მიცემულ ინტერვიუში თავად ურუგვაელმაც გააკეთა.
„არასასიამოვნოა, რომ „ოქროს ბურთის“ შესაძლო მფლობელთა შორის არ შემიყვანეს. სჯობს, ამაზე არაფერი ვთქვა, წინააღმდეგ შემთხვევაში, პრობლემები გამიჩნდება“, – განაცხადა „ბარსელონას“ თავდამსხმელმა.
„ლივერპულის“ ნახევარმცველმა სტივენ ჯერარდმა ყოფილი თანაგუნდელის ლუის სუარესის „ოქროს ბურთს“ მოგების კანდიდატთა შორის არყოფნაზე ისაუბრა.
„ამის უბრალოდ არ მჯერა. ნუთუ ფეხბურთში პოლიტიკა ჩაერთო?
მან 31 გოლი გაიტანა და მსოფლიოს უძლიერესი საფეხბურთო ლიგის საუკეთესო მოთამაშედ დასახელდა, იგი კი „ოქროს ბურთის“ კანდიდატთა შორის არ შეიყვანეს. ეს რაღაც საოცრებაა.
ფაქტია, სუარესი კრიშტიანუ რონალდუსთან „ოქროს ბურთისთვის“ უნდა იბრძოდეს“, – განაცხადა ჯერარდმა.
“პარი სენ-ჟერმენის” თავდამსხმელ ზლატან იბრაჰიმოვიჩს “ოქროს ბურთის” მოგების იმედი არ აქვს.
“ვფიქრობ, გასული სეზონი ჩემს კარიერაში საუკეთესო იყო. სწორედ ასეთ თამაშს ვისახავ მიზნად. უკეთ და უკეთ ვთამაშობ, მაგრამ “ოქროს ბურთის” მოგების დიდი იმედი არ მაქვს. ამას მშვენივრად ვხვდები. მსოფლიოს ჩემპონატზე არ მითამაშია და რთულია, სხვებს კონკურენცია გავუწიო”, – ციტირებს იბრაჰიმოვიჩის სიტყვებს Tuttomercatoweb-ი.
შეგახსენებთ, რომ ორი დღის წინათ ფიფამ “ოქროს ბურთის” 23 ნომინანტი დაასახელა.
მადრიდის „რეალის“ მთავარი მწვრთნელი კარლო ანჩელოტი ფიფა-ს პრეზიდენტის იოზეფ ბლატერის სიტყვებს გამოეხმაურა. შეგახსენებთ, რომ ბლატერმა 2014 წლის „ოქროს ბურთის“ ყველაზე დამსახურებულ კანდიდატად მეკარე მანუელ ნოიერი მოიხსენია.
„ბლატერის კომენტარები ძალიან მაკვირვებენ. ისეთი შთაბეჭდილებაა, რომ ფიფა-ს პრეზიდენტის პირი უბრალოდ არ იხურება. „ოქროს ბურთის“ თემაზე რეგულარულად საუბრობენ. თუ შარშან კრიშტიანუ რონალდუს კონკურენტები მესის დონის მოთამაშეები იყვნენ, ამჯერად, ყველაფერი უფრო ნათელია.
ეს წელი კრიშტიანუსი იყო: იგი ბევრ გოლს იტანდა და ტიტულებიც მოიგო. „ოქროს ბურთი“ მას უნდა გადაეცეს. ბლატერის სიტყვებში აზრს ვერ ვხედავ.
იმოქმედებს თუ არა ჩემი ეს კომენტარი წლის საუკეთესო მწვრთნელის ნომინაციის შედეგებზე? რა თქმა უნდა, ამ პრიზის მიღებაზე უარს არ ვიტყოდი, თუმცა მასზე გაცილებით მნიშვნელოვანი ტიტული – ჩემპიონთა ლიგა მოვიპოვე. თუ კიდევ ერთ პრიზს მივიღებ, ოთახის გაფართოვება მომიწევს“, – განაცხადა ფეხბურთს იტალიელმა სპეციალისტმა.
ფიფამ “ოქროს ბურთზე” წარდგენილი 23 ფეხბურთელი ოფიციალურად დაასახელა.
სიაში შემდეგი მოთამაშეები მოხვდნენ: გარეთ ბეილი (უელსი), კარიმ ბენზემა (საფრანგეთი), დიეგო კოსტა (ესპანეთი), ტიბო კურტუა (ბელგია), კრიშტიანუ რონალდუ (პორტუგალია), ანხელ დი მარია (არგენტინა), მარიო გიოტცე (გერმანია), ედენ აზარი (ბელგია), ზლატან იბრაჰიმოვიჩი (შვედეთი), ანდრეს ინიესტა (ესპანეთი), ტონი კროოსი (გერმანია), ფილიპ ლამი (გერმანია), ხავიერ მასკერანო (არგენტინა), ლეო მესი (არგენტინა), თომას მიულერი (გერმანია), მანუელ ნოიერი (გერმანია), ნეიმარი (ბრაზილია), პოლ პოგბა (საფრანგეთი), სერხიო რამოსი (ესპანეთი), არიენ რობენი (ჰოლანდია), ხამეს როდრიგესი (კოლუმბია), ბასტიან შვაინშტაიგერი (გერმანია), იაია ტურე (კოტ დივუარი).
“ოქროს ბურთის” დაჯილდოვების საზეიმო ცერემონიალი 2015 წლის 12 იანვარს, ციუხირშე შედგება.
როგორც იცით, მსოფლიოს 2014 წლის ჩემპიონატის საუკეთესო ფეხბურთელად არგენტინის ნაკრების მოთამაშე ლიონელ მესი აღიარეს. თუმცა, იმის გამო, რომ მისმა გუნდმა მუნდიალის მოგება ვერ შეძლო, მესი მოწყენილი ჩანდა.
ტურინის „იუვენტუსის“ ნახევარმცველმა პოლ პოგბამ განაცადა, რომ „ოქროს ბურთს“ მოგების სურვილი აქვს.
„მსურს, საუკეთესო ვიყო და „ოქროს ბურთი“ მოვიგო. ამისთვის ჩემი თამაშის ყველა კომპონენტში უნდა მოვიმატო.
მაგალითს ბუფონის, პირლოსა და ვიდალის დონის ფეხბურთელებისგან უნდა ვიღებდე. „იუვენტუსში“ ყველაფერია, რაზეც აქამდე ვოცნებობდი, თუმცა ყოველთვის უფრო მეტის მიღწევის სურვილი მაქვს.
ჩვენი სტადიონი – საუკეთესო ადგილია, რომელზეც ოდესმე მითამაშია. მიხარია, რომ ასეთი თანაგუნდელები გვყავს, ისინი იტალიაში საუკეთესოები არიან და მათ დონეზე სათამაშოდ ბევრი მაქვს სასწავლი.
თუ რაიმე გამომდის, ეს იმას ნიშნავს, რომ საუკეთესოთა შორის ყოფნას ვცდილობ. ბევრის გაკეთება მომიწევს, მაგრამ ვიმედოვნებ, რომ „ოქროს ბურთის“ მოგებას შევძლებ“, – განაცხადა „ბიანკონერის“ შუახაზელმა.
ალექსანდრე მატევოსოვი
