ბრიტანული „დეილი ექსპრესის“ ცნობით, დორტმუნდის „ბორუსიას“ ნახევარმცველმა მარკო როისმა „ლივერპულში“ გადასვლაზე უარი თქვა, რითაც მიუნხენის „ბაიერნის“ შანსი გაიზარდა.
წყაროს თანახმად, გერმანელი ფეხბურთელი მომდევნო ზაფხულს შესაძლოა სწორედ ბავარიულ კლუბში აღმოჩნდეს.
„ბაიერნი“ მზად არის, როისის სანაცვლოდ 35 მილიონი ევრო გაიღოს. გერმანელი ფეხბურთელის შესაძლო ტრანსფერის გაჩარხვით თავად ხოსეპ გვარდიოლა არის დაინტერესებული, რომელიც როისის ნიჭს დიდად აფასებს.
Footballeconomy-მ იმ ევროპულ კლუბთა სია გამოქვეყნა, რომელთა სტადიონებსაც 2013/14 წლების სეზონში ყველაზე მეტი მაყურებელი სტუმრობდა.
რეიტინგს სათავეში უდგას დორტმუნდის „ბორუსია“. მათ მატჩებს საშუალოდ 80 ათასი (!) გულშემატკივარი ესწრებოდა. საერთოდაც, წინა წელთან შედარებით პირველი ხუთეული არ შეცვლილა: „მანჩესტერ იუნაიტედი“, „ბარსელონა“, „რეალი“ და „ბაიერნი“.
აღსანიშნავია, რომ 25-ე ადგილზე გავიდა გლაზგოს „რეინჯერსი“, რომელიც შოტლანდიის რანგით მესამე დივიზიონში გამოდიოდა.
სათქმელია ისიც, რომ „მილანი“ სიაში 32-ე ადგილზეა, „იუვენტუსი“ კი — 34-ე. პირველ 30-ეულში ვერ მოხვდნენ ისეთი კლუბები, როგორებიცაა: „ლილი“ (33); „მარსელი“ (35); „ევერტონი“ (36); „ვალენსია“ (37); „ტოტენჰემი“ (39); „ლიონი“ (41); „ვესტ ჰემი“ (42), „გალათასარაი“ (47), „ბილბაო“ (48); „ფიორენტინა“ (49), „ლაციო“ (50), „სევილია“ (54), „პორტუ“ (60); „ლევერკუზენი“ (61).
სიის პირველი 30-ეული ასე გამოიყურება:
|
2013/14 |
2012/13 |
კლუბი |
ქვეყანა |
საშუალო დასწრება |
|
1 |
1 |
„დორტმუნდი“ |
გერმანია |
80 295 |
|
2 |
2 |
„მანჩესტერ იუნაიტედი“ |
ინგლისი |
75 205 |
|
3 |
3 |
„ბარსელონა“ |
ესპანეთი |
72 115 |
|
4 |
5 |
„რეალი“ |
ესპანეთი |
71 565 |
|
5 |
4 |
„ბაიერნი“ |
გერმანია |
71 000 |
|
6 |
6 |
„შალკე“ |
გერმანია |
61 750 |
|
7 |
7 |
„არსენალი“ |
ინგლისი |
60 015 |
|
8 |
12 |
„მიუნხენგლადბახი“ |
გერმანია |
52 240 |
|
9 |
36 |
„ჰერტა“ |
გერმანია |
51 890 |
|
10 |
8 |
„ჰამბურგი“ |
გერმანია |
51 825 |
|
11 |
10 |
„აიაქსი“ |
ჰოლანდია |
50 905 |
|
12 |
11 |
„შტუტგარტი“ |
გერმანია |
50 500 |
|
13 |
9 |
„ნიუკასლი“ |
ინგლისი |
50 395 |
|
14 |
14 |
„მანჩესტერ სიტი“ |
ინგლისი |
47 074 |
|
15 |
13 |
„აინტრახტი“ (ფრანკფურტი) |
გერმანია |
47 055 |
|
16 |
15 |
„სელტიკი“ |
შოტლანდია |
46 810 |
|
17 |
16 |
„ინტერი“ |
იტალია |
46 245 |
|
17 |
22 |
„ატლეტიკო“ |
ესპანეთი |
46 245 |
|
19 |
30 |
„კიოლნი“ |
გერმანია |
46 235 |
|
20 |
19 |
„ფეინოორდი“ |
ჰოლანდია |
45 755 |
|
21 |
21 |
„ჰანოვერი“ |
გერმანია |
45 635 |
|
22 |
24 |
„პარი სენ-ჟერმენი“ |
საფრანგეთი |
45 420 |
|
23 |
20 |
„ლივერპული“ |
ინგლისი |
44 670 |
|
24 |
26 |
„ბენფიკა“ |
პორტუგალია |
43 615 |
|
25 |
18 |
„რეინჯერსი“ |
შოტლანდია |
42 935 |
|
26 |
28 |
„ჩელსი“ |
ინგლისი |
41 480 |
|
27 |
33 |
„სანდერლენდი“ |
ინგლისი |
41 090 |
|
28 |
31 |
„ვერდერი“ |
გერმანია |
40 655 |
|
29 |
37 |
„ნაპოლი“ |
იტალია |
40 630 |
|
30 |
35 |
„რომა“ |
იტალია |
40 435 |
დორტმუნდის „ბორუსიამ“ „ფრაინურგისა“ და გერმანიის ნაკრების მცველი მათიას გინტერი დაიმატა.
20 წლის ფეხბურთელმა „ბორუსიასთან“ კონტრაქტი 2019 წლის 30 ივნისამდე გააფორმა.
გერმანული პრესის თანახმად, დორტმუნდელებმა გინტერის სანაცვლოდ 10 მილიონი ვერო გადაიხადეს.
„ჩემი ბავშვობის ოცნება ახდა. ყოველთვის „ბორუსიას“ გულშემატკივარი ვიყავი. ეს ჩემთვის წინ გადადგმული ნაბიჯია. მოუთმენლად ველოდები პირველ მატჩს ახალი გუნდის შემადგენლობაში“, – აღნიშნა გინტერმა.
ფეხბურთელი „ბორუსიაში“ 28-ნომრიანი მაისურით ითამაშებს.
მათიას გინტერი გერმანიის ნაკრების სამუნდიალე განაცხადშიც იყო შეყვანილი, თუმცა მას ბრაზილიაში გამართული მსოფლიოს ჩემპიონატის არცერთ მატჩში არ მიუღია მონაწილეობა.
მათიას გინტერმა გერმანიის ბუნდესლიგის გასულ გათამაშებაში 34-ივე შეხვედრა ჩაატარა.
დორტმუნდის „ბორუსიას“ და გერმანიის ნაკრების ნახევარმცველ მარკო როისს მინიმუმ სამი თვე გაუცდება.
სომხეთის ნაკრების წინააღმდეგ გამართულ მატჩის მიმდინარეობისას გერმანელმა ფეხბურთელმა მარცხენა ტერფის მყესები გაიგლიჯა. მიღებული ტრავმა გაცილებით სერიოზული აღმოჩდა, ვიდრე ამას ექიმები ვარაუდობდნენ.
მარკო როისს არამხოლოდ მსოფლიოს ჩემპიონატის, არამედ გერმანიის ბუნდესლიგის დამდეგი სეზონის სასტარტო ტურების გამოტოვებაც მოუწევს.
ბექა დოგრაშვილი
„ტორინოს“ თავდამსხმელი ჩირო იმობილე, როგორც მოსალოდნელი იყო, დორტმუნდის „ბორუსიაში“ გადაბარგდა.
დღეს იტალიელი ფეხბურთელი დორტმუნდს ეწვია და გერმანულ კლუბთან ხუთწლიანი კონტრაქტი გააფორმა.
იმობილე „ბორუსიაში“ 9-ნომრიანი მაისურით ითამაშებს, რომელიც მანამდე რობერტ ლევანდოვსკის ემოსა. როგორც მოგეხსენებათ, პოლონელი ფორვარდი მიუნხენის „ბაიერნში“ გადადის.
გავრცელებული ინფორმაციის თანახმად, გერმანულმა კლუბმა 24 წლის იტალიელი ფეხბურთელის სანაცვლოდ 19,5 მილიონი ევრო გაიღო.
„მოხარული ვარ, რომ ყველაფერი წარმატებით დასრულდა. მოუთმებლად ველი სადებიუტო მატჩს“, – აღნიშნა იტალიელმა თავდამსხმელმა.
იტალიის სერია A-ს აწ უკვე დასრულებულ გათამაშებაში ჩირო იმობილემ 33 მატჩი ჩაატარა და 22 გოლი გაიტანა. ამ მაჩვენებლით ის ჩემპიონატის საუკეთესო ბომბარდირი გახდა.
ბექა დოგრაშვილი
გერმანიის ბუნდესლიგის 30-ე ტურის ცენტრალური მატჩი „ალიანს არენაზე“ შედგა, სადაც მიუნხენის „ბაიერნმა“ გათამაშების მეორეადგილოსან დორტმუნდის „ბორუსიას“ უმასპინძლა. შეხვედრა სტუმართა დამაჯერებელი გამარჯვებით, ანგარიშით 3:0 დასრულდა. მატჩის შემდეგ ბავარიული გუნდის მთავარი მწვრთნელი ხოსეპ გვარდიოლა მის მიერ დაშვებული შეცდომის შესახებ საუბრობდა.
„ბორუსიას“ ვულოცავ. პირველ ტაიმში ჩვენი თამაში ვერ ვიპოვეთ. მეორე ნახევარშიც რაღაც გვაკლდა. აქამდე დაცვაში ძალზედ საიმედოდ ვთამაშობდით, მაგრამ „ბორუსიასთან“ ეს ვერ მოვახერხეთ. ალბათ შეცდომა დავუშვი, რაც იმაში მდგომარეობს, რომ ამ შეხვედრაში ცოტა სხვანაირად თამაში გადავწყვიტე. რაც არ უნდა იყოს, თავს იმით ვერ გავიმართლებ, რომ გუნდის როტაციას მივმართე“, – პეპ გვარდიოლას სიტყვებს Goal.com-ი აქვეყნებს.
ბექა დოგრაშვილი
გერმანიის ბუნდესლიგის 30-ე ტურის ცენტრალური მატჩი „ალიანს არენაზე“ შედგება, სადაც მიუნხენის „ბაიერნი“ სატურნირო ცხრილის მეორე პოზიციაზე მყოფ დორტმუნდის „ბორუსიას“ შეხვდება. ბავარიელებს ბუნდესსასალათე უკვე განაღდებული აქვთ. სამაგიეროდ, დანარჩენი პოზიციებისთვის მიდის ბრძოლა.
ახლა ყველაზე დიდ ინტერესს ის იწვევს, თუ ვინ დაიკავებს ბუნდესლიგის მეორე ადგილს. გელზენკირხენის „შალკემ“ გუშინ ფრანკფურტის „აინტრახტი“ ანგარიშით 2:0 დაამარცხა და სატურნირო ცხრილში „ბორუსიას“ გაუთანაბრდა, თუმცა დორტმუნდელები ბურთების უკეთესი შეფარდების წყალობით არ ჩამოქვეითებულან. „შალკესთან“ 3-ქულიანი სხვაობის აღსადგენად „ბორუსიას“ „ალიანს არენაზე“ „ბაიერნის“ დამარცხება მართებს. მართალია, ბავარიელებმა ჩემპიონობა უკვე გაინაღდეს, თუმცა არ შეიძლება იმის თქმა, რომ მოედანზე უმოტივაციოდ გავლენ. ბოლოს და ბოლოს, მათ არენაზე სათამაშოდ ბოლო წლების ყველაზე მედგარი კონკურენტი გამოვა.
დორტმუნდელთა მთავარმა მწვრთნელმა იურგენ კლოპმა „შალკესთან“ დაპირისპირებამდე აღნიშნა, რომ ჩემპიონთა ლიგიდან გამოვარდნა მის გუნდზე უარყოფით ზეგავლენას არ მოახდენს.
„ბორუსიას“ ყველაფერი რიგზე აქვს. ჩემპიონთა ლიგიდან გამოვარდნის გამო საკუთარი ძალების რწმენა არ დაგვიკარგავს. ყველას როდი შეუძლია ყოველ წელს ნახევარფინალამდე გასვლა. რამდენიმე მშვენიერი გუნდი სხვადასხვა მიზეზის გამო უფრო ადრეულ ეტაპზეც გამოვარდა ტურნირიდან. დავისაჯეთ იმიტომ, რომ მადრიდში ცუდად ვითამაშეთ. „სანტიაგო ბერნაბეუზე“ მარცხი არ უნდა დავივიწყოთ.
ჩვენთვის გერმანიის ჩემპიონატი ჯერ არ დასრულებულა. „ბორუსიას“ ქულები სჭირდება იმისთვის, რომ მომდევნო სეზონში ჩემპიონთა ლიგაზე ავტომატურად მოხვდეს. ბუნდესლიგაში მხოლოდ ერთ გუნდს აქვს საქმე მოგვარებული, ეს „ბაიერნია“. დანარჩენები დასახული მიზნის მისაღწევად ბრძოლას განაგრძობენ“, – განაცხადა მატჩისწინა პრესკონფერენციაზე კლოპმა.
მატჩი „ბაიერნსა“ და „ბორუსიას“ შორის დღეს, თბილისის დროით 20:30 საათზე დაიწყება. ცნობისთვის, აღნიშნული შეხვედრა Fanebi.com-ისა და Europe-bet-ის ამ კვირის საკონკურსო მატჩთა სიაშია შეტანილი.
ბექა დოგრაშვილი
მადრიდის „რეალის“ მთავარმა მწვრთნელმა კარლო ანჩელოტიმ განაცხადა, რომ მის გუნდს უეფას ჩემპიონთა ლიგის მეოთხედფინალურ ეტაპზე დორტმუნდის „ბორუსიასთან“ გამართულ განმეორებით მატჩში გაუმართლა.
„მოხარულნი ვართ, რომ ნახევარფინალში გავედით, თუმცა ჩემი გუნდის თამაშით კმაყოფილი არ ვარ, მით უფრო – პირველ ტაიმში. მეტოქეს ორი მატჩის ჯამში ანგარიშის გათანაბრების ბევრი შანსი ჰქონდა.
მეორე ნახევარში გაცილებით უკეთ ვითამაშეთ. მეტოქე გუნდს ბევრი საჩუქარი მივეცით, ბევრი შეცდომა დავუშვით, არ ვიყავით თავდაჯერებულები.
იკერ კასილასმა მატჩის გადამწყვეტ მომენტში ფანტასტური სეივები გვიჩვენა. მან ძალიან, ძალიან კარგად ითამაშა.
ამ სტადიაზე ყველა მატჩი რთულია. გაგვიმართლა, რომ ნახევარფინალში გავედით“, – ანჩელოტის სიტყვებს Football Espana ციტირებს.
შეგახსენებთ, რომ შეხვედრა „ბორუსიამ“ ანგარიშით 2:0 მოიგო, თუმცა ორი მატჩის ჯამში „რეალმა“ მეტოქეს 3:2 სძლია.
ბექა დოგრაშვილი
ესპანური „ასის“ ცნობით, მადრიდის „რეალის“ თავამსხმელმა კრიშტიანუ რონალდუმ გუშინდელ საწვრთნელ პროცესში მხოლოდ 20 წუთით ივარჯიშა. შეგახსენებთ, რომ პორტუგალიელმა ფეხბურთელმა ჩემპიონთა ლიგის მეოთხედფინალურ ეტაპზე დორტმუნდის „ბორუსიასთან“ გამართულ მატჩში (3:0) ფეხი დაიშავა, რის გამო ესპანეთის პრიმერადივიზიონის 32-ე ტურში „სოსიედადთან“ შეხვედრა გამოტოვა. რონალდუს, სავარაუდოდ, „ბორუსიასთან“ გასამართი განმეორებითი მატჩის გამოტოვებაც მოუწევს.
კრიშტიანუ რონალდუს შესახებ „რეალის“ მთავარმა მწვრთნელმა კარლო ანჩელოტიმ მატჩისწინა პრესკონფერენციაზე ისაუბრა.
„რონალდუმ საერთო გუნდთან ერთად ბევრი ივარჯიშა. ის თავს კარგად გრძნობს. თუ ყველაფერი კარგად იქნება, კრიშტიანუ მოედანზე პირველივე წუთებიდანვე იქნება, თუმცა გარისკვა არ მინდა. რონალდუს ყოველ მატჩში სურს თამაში, მაგრამ მისი სათადარიგოთა სკამზე გამწესებაც შემიძლია. ვემხრობი მისგან ასეთი ინიციატივის გამოჩენას. რონალდუ პროფესიონალი ფეხბურთელია. თუ რაიმე პრობლემა აქვს, მე უკითხავად შემიძლია, რომ მას დასვენების საშუალება მივცე“, – ანჩელოტის სიტყვები მადრიდული კლუბის ოფიციალურ ვებ-გვერდზე გამოქვეყნდა.
მატჩი „ბორუსიასა“ და „რეალს“ შორის 8 აპრილს, ჩვენი დროით 22:45 საათზე დაიწყება და მას სლოვენი არბიტრი დამირ სკომინა განსჯის.
ბექა დოგრაშვილი
დორტმუნდის „ბორუსიას“ 25 წლის სომეხი ნახევარმცველი ჰენრიხ მხითარიანი გამოტყდა, რომ ბავშვობაში ძალიან მოსწონდა ზინედინ ზიდანის თამაში.
„თავდაპირველად მადრიდის „რეალში“ ჩემი ყურადღება რაულმა მიიქცია, ის საუკეთესო იყო, თუმცა შემდეგ ზიდანი შევამჩნიე… ზინედინი დიდებული ფლეიმეიქერი გახლდათ. ბავშვობაში ჩემი კერპი სწორედ ზიდანი იყო. ძალიან მომწონდა მისი თამაში, აღფრთოვანებული ვიყავი. ამის მიუხედავად, მისი თამაშის კოპირება არასდროს არ მიცდია. საკუთარი თავითაც კმაყოფილი ვარ“, – განუცხადა მხითარიანმა „ასის“ ჟურნალისტს.
შეგახსენებთ, რომ უეფას ჩემპიონთა ლიგის მეოთხედფინალურ ეტაპზე ზიდანის „რეალსა“ და მხითარიანის „ბორუსიას“ შორის პირველი მატჩი დღეს გაიმართება. შეხვედრა თბილისის დროით 22:45 საათზე დაიწყება და მას მარკ კლატენბურგის თავკაცობით ინგლისელ არბიტრთა ბრიგადა მოემსახურება.
ბექა დოგრაშვილი
დორტმუნდის „ბორუსიას“ კაპიტანმა სებასტიან კელმა კლუბთან კონტრაქტი გაახანგრძლივა. ახალი ხელშეკრულების თანახმად, 34 წლის ფეხბურთელი „ბორუსიაში“ 2015 წლის ივნისამდე დარჩება. კონტრაქტის ვადის ამოწურვის შემდეგ ვეტერანი ნახევარმცველი ბუცებს ლურსმანზე ჩამოკიდებს.
კელი „ბორუსიას“ ღირსებას აგერ უკვე მე-13 წელია იცავს. ამ ხნის განმავლობაში მან სამჯერ მოიგო გერმანიის ჩემპიონატი, გავიდა უეფას თასისა და ჩემპიონთა ლიგის ფინალურ მატჩებში.
სებასტიან კელმა გერმანიის ბუნდესლიგის მიმდინარე გათამაშებაში 13 შეხვედრა ჩაატარა და 1 გოლი გაიტანა.
ბექა დოგრაშვილი
როგორც მოგეხსენებათ, ჩემპიონთა ლიგის მეოთხედფინალურ ეტაპზე დორტმუნდის „ბორუსიას“ მეტოქედ მადრიდის „რეალი“ ერგო.
ბევრმა შარშანდელი ტურნირის ნახევარფინალური ეტაპი გაიხსენა, როდესაც გერმანელებმა „სამეფო კლუბი“ ორი მატჩის ჯამში ანგარიშით 4:3 დაამარცხეს, თუმცა ტრავმირებული, დისკვალიფიცირებული და გუნდიდან წასული ფეხბურთელების გამო, „ბორუსია“ თითქმის სრულიად სახეცვლილი გუნდია.
სურათზე ხედავთ, შარშანდელი „ბორუსიას“ სასტარტო შემადგენლობას, საიდანაც შვიდი მოთამაშე, ტრავმის, დისკვალიფიკაციისა და გუნდიდან წასვლის გამო, წლევანდელი წყვილის პირველ (და მეორე) მატჩში ვერ ითამაშებს.
ცნობისათვის, „რეალსა“ და „ბორუსიას“ შორის პირველი მატჩი 2 აპრილს, „სანტიაგო ბერნაბეუზე“ გაიმართება, განმეორებითი კი – 8 აპრილს, „სიგნალ-იდუნა პარკზე“.
ბექა დოგრაშვილი
