ლიონელ მესის გელფრენდმა ანტონელა როკაზომ ვებ-გვერდ „ინსტრაგრამზე“ გამოაქვეყნა ფოტო, რომელზეც აღბეჭდილია, თუ როგორ უკრავს „ბარსელონას“ ვარსკვლავი მშობლიურ როსარიოში გიტარაზე.
შეგახსენებთ, რომ ლეო მესის ბარძაყის ტრავმა ჰქონდა და სამშობლოში მკურნალობდა. ფეხბურთელი გამოჯანმრთელდა და 2014 წელს პირველი მატჩის ჩასატარებლად ემზადება.
ბექა დოგრაშვილი
ტურინის „იუვენტუსის“ მეკარემ ჯანლუიჯი ბუფონმა 2013 წლის „ოქროს ბურთის“ პრეტენდენტთა შანსები შეაფასა და თავისი ფავორიტებიც დაასახელა.
„ვფიქრობ, გუნდური ტიტულები ყველაზე მნიშვნელოვანია. რიბერის უპირატესობა სწორედ ამაში აქვს, 2013 წელს „ბაიერნთან“ ერთად მან ყველა ტურნირი მოიგო, რომელშიც მონაწილეობა ჰქონდა მიღებული. თანაც, ფრანკმა ამ ტიტულების მოგებაში თავისი წვლილი შეიტანა. იგი დიდი ჩემპიონია.
თუმცა, რა თქმა უნდა, აღსანიშნავია, კრიშტიანუ რონალდუც, რომელიც დღესდღეობით სხვებზე უკეთესად თამაშობს. ყველაფრის მიუხედავად, ვთვლი, რომ საუკეთესოდ საუკეთესოთა შორის კვლავ მესი რჩება“, – აცხადებს ჯიჯი.
ალექსანდრე მატევოსოვი
როგორც ჩანს, კატალონიის „ბარსელონას“ ხელმძღვანელები თავის მთავარ ვარსკვლავთან ახალ კონტრაქტს გააფორმებენ.
დიდი ალბათობით, საშობაო არდადეგებიდან კატალონიის დედაქალაქში დაბრუნების შემდეგ „ბლაუგრანასის“ ათიანი თავის მოქმედ ხელშეკრულებას გაახანგძლივებს.
გამოცემა AS-ის ინფორმაციით, მხარეებმა კონტრაქტის დეტალები უკვე შეათანხმეს და უახლოეს დროში მოთამაშის იურისტები კატალონიელთა პრეზიდენტს სანდრო როსელს შეხვდებიან და მასთან საბოლოოდ ყველა დეტალსაც შეათანხმებენ.
შეგახენებთ, რომ გასულ კვირას როსელმა განაცხადა, რომ მესი სულ მალე მსოფლიოს ყველაზე მაღალანაზღეურებადი ფეხბურთელი გახდება, რადგან იგი პლანეტის საუკეთესო ფეხბურთელია.
გეტყვით იმასაც, რომ მოქმედი შეთანხმება მხარეებს 2018 წლის ივნისამდე აკავშირებთ. კონტრაქტის მიხედვით, იმ კლუბს, რომელსაც ლეოს შეძენის სურვილი ექნება, 250 მილიონი ევროს გადახდა მოუწევს.
ალექსანდრე მატევოსოვი
წარმოგიდგენთ Samsung Galaxy XI-ის ახალ სარეკლამო რგოლს, რომელშიც მსოფლიო ფეხბურთის ვარსკვლავები იღებენ მონაწილეობას.
„ბარსელონას“ ყოფილი და მიუნხენის „ბაიერნის“ ამჟამინდელი ნახევარმცველის ტიაგო ალკანტარას აზრით, 2013 წლის საუკეთესო მოთამაშდ ფრანკ რიბერი უნდა დასახელდეს.
„მე მესის გულშემატკვიარი ვარ, თუმცა რიბერი ჩემი გუნდისთვის მნიშვნელოვანი მოთამაშეა და მიმდინარე წელს მან „ოქროს ბურთი“ დაიმსახურა. ლიონელი – მსოფლიოს საუკეთესო ფეხბურთელია. შესაძლოა, ფეხბურთის ისტორიაში მასზე უკეთესი არავინ იყოს. მაგრამ, მიმდინარე წლის შედეგებიდან გამომდინარე, საუკეთესო ფეხბურთელის ტიტულს რიბერი იმსახურებს“ , – განაცხადა ალკანტარამ.
ალექსანდრე მატევოსოვი
„ოქროს ბურთისთვის“ მებრძოლ ფეხბურთელთაგან სამი კანდიდატი დარჩა: მადრიდის „რეალის“ თავდამსხმელი კრიშტიანო რონალდუ, „ბარსელონას“ ფორვარდი ლეო მესი და მიუნხენის „ბაიერნის“ ნახევარმცველი ფრანკ რიბერი. გამარჯვებულის ვინაობა 2014 წლის 13 იანვარს, ციურიხში გასამართ დაჯილდოების ცერემონიალზე გახდება ცნობილი.
შეგახსენებეთ, რომ თავდაპირველად „ოქროს ბურთისთვის“ მებრძოლ ფეხბურთელთა 23-კაციანი სია გამოაქვეყნეს. დარჩენილ სამ კანდიდატს შორის გამარჯვებული ეროვნული ნაკრებების მთავარი მწვრთნელების, კაპიტნებისა და ჟურნალისტების გამოკითხვის მეშვეობით შეირჩევა.
რიბერის „ოქროს ბურთი“ კარიერის განმავლობაში ჯერ არ მოუგია; რონალდუმ ეს ჯილდო 2008 წელს დაისაკუთრა; რაც შეეხება მესის, არგენტინელი ისტორიაში პირველი მოთამაშეა, რომელიც პლანეტის საუკეთესო ფეხბურთელად მიჯრით ოთხჯერ გამოაცხადეს – 2009, 2010, 2011 და 2012 წლებში.
ბექა დოგრაშვილი
„ლოს-ანჯელეს ლეიკერსის“ უკანახაზელი კობი ბრაიანტი და კატალონიის „ბარსელონას“ შემტევი ლიონელ მესი Turkish Airlines-ის მორიგ რეკლამაში გადაიღეს:
ესპანური პრესის ცნობით, „ბარსელონას“ თავდამსხმელი ლიონელ მესი კიდევ ერთხელ ეცდება, რომ კლუბის ხელმძღვანელობა კონტრაქტის პირობების გადახედვასა და ჯამაგირის გაზრდაზე დაითანხმოს.
როგორც მოგეხსენებათ, არგენტინელი ფეხბურთელის მიმართ ინტერესს ისეთი კლუბები იჩენენ, როგორებიც არიან „მანჩესტერ სიტი“, ლონდონის „ჩელსი“, მილანის „ინტერი“ და „მონაკო“. მესი და მისი აგენტი ეცდებიან, რომ ეს დაინტერესება მათ სასარგებლოდ გამოიყენონ და კატალონიური კლუბის ხელმძღვანელობას ხელფასის გაზრდა მოსთხოვონ.
მოქმედი ხელშეკრულების თანახმად, რომელიც 2018 წლის თებერვლამდეა გაფორმებული, მესი 11 მილიონ ევროს გამოიმუშავებს.
მანამდე გავრცელებული ინფორმაციით, მესი უკმაყოფილოა იმით, რომ „ბარსელონას“ კონტრაქტის დეტალების გადახედვა არ სურს. სკანდალური გამონათქვამებით ცნობილმა ესპანელმა ჟურნალისტმა ფრანსუა გალიარდომ ისიც კი თქვა, რომ სეზონის ბოლოს მესი კატალონიურ კლუბს დატოვებს და ესპანეთის მახლობელი ქვეყნის გუნდში გადაბარგდება.
ბექა დოგრაშვილი
ფიფას აგენტი და ჟურნალისტი ფრანსუა გალიარდო მორიგ სენსაციურ და დაუჯერებელ განცხადებას აკეთებს. მისი თქმით, სეზონის ბოლოს ლიონელ მესი „ბარსელონას“ დატოვებს.
„მესიმ სეზონის ბოლოს „ბარსელონადან“ წასვლა გადაწყვიტა. მას უკვე აქვს სიტყვიერი შეთანხმება ერთ-ერთ კლუბთან და თებერვალში ან მარტში აღნიშნული ტრანსფერის განხორციელება დაიგეგმება. სექტემბრის ბოლოს არგენტინელ ფეხბურთელსა და მის აგენტს „ბარსელონას“ ხელმძღვანელობასთან შეხვედრა ჰქონდათ. მესის კონტრაქტის პირობების გადახედვა სურდა. მას დაჰპირდნენ, რომ ამ სურვილს შეუსრულებდნენ, თუმცა ერთი თვის შემდეგ უთხრეს, რომ ამას ვერ გააკეთებდნენ. მესი სეზონის ბოლოს „ბარსელონას“ დატოვებს. ის ესპანეთთან ახლოს მდებარე ქვეყანაში გადაინაცვლებს“, – გალიარდომ ეს განცხადება ტელეკომპანია „პუნტო პელოტას“ ეთერში გააკეთა.
გალიარდომ ისიც თქვა, რომ „ბარსელონას“ ახალწვეულ ნეიმარს მესიზე დიდი ხელფასი აქვს (წელიწადში 17 მლნ. ევრო).
ბექა დოგრაშვილი
„ბარსელონას“ თავდამსხმელი ლიონელ მესი ტრავმირებულია, თუმცა ჯილდოებს მაინც იღებს. დღეს არგენტინელ ფეხბურთელს 2012/13 წლების სეზონში გატანილი ყველაზე მეტი გოლისთვის „ოქროს ბუცი“ გადასცეს. შეგახსენებთ, რომ არგენტინელმა ფეხბურთელმა ესპანეთის პრიმერადივიზიონის გასულ გათამაშებაში 46 გოლი გაიტანა.
როგორც მოგეხსენებათ, „ოქროს ბუცი“ გადაეცემა იმ ფეხბურთელს, რომელიც უეფაში შემავალი ქვეყნების ჩემპიონატებში ყველაზე მეტ გოლს გაიტანს.
მესისთვის ეს ჯილდო უცხო არ გახლავთ: „ბარსელონას“ ლიდერმა „ოქროს ბუცი“ 2009/10 (34 გოლი) და 2011/12 (50 გოლი) წლებშიც მიიღო.
ლეო მესიმ მიღებულ ჯილდოსთან ერთად ფოტო გადაიღო და სოციალურ ქსელში გაავრცელა.
ბექა დოგრაშვილი
„ბარსეოონას“ ფორვარდმა ლიონელ მესიმ კატალონიური კლუბის ხელმძღვანელობას არგენტინის ნაკრებისა და „მანჩესტერ სიტის“ თავდამსხმელის სერხიო აგუეროს შეძენა სთხოვა, რის შესახებაც ცნობას ესპანური პრესა ავრცელებს.
ზაფხულს „ბლაუგრანსის“ მენეჯერები აგუეროს შეძენის ვარიანტს განიხილავდნენ და მის აგენტსაც კი დაუკავშირდნენ, თუმცა, საბოლოო ჯამში, მათ ნეიმარის დამატება უფრო ისურვეს. ასეა თუ ისე, მესის თხოვნის შემდეგ, გამორიცხული არ არის, „ბარსელონამ“ აგუეროსთან მოლაპარაკებები ხელახლა დაიწყოს.
სამხრეთ ამერიკელ თავდამსხმელთან ერთ-ერთი დაახლოებული პირის თქმით, სერხიო „ბარსელონაში“ თამაშზე ოცნებობს.
ალექსანდრე მატევოსოვი
