მიონჰენგლადბახის “ბორუსიის” ლეგენდამ იუპ ჰაინკესმა კლუბის მთავარი მწვრთნელი ლუსიენ ფავრი შეაქო. “ბორუსიამ” ბუნდესლიგის პირველიე ტაპი მესამე პოზიციაზე დაასრულა.
“ფავრი იდეალურად უხდება “ბორუსიას”. მან დაამტკიცა, რომ ამ გუნდთან ერთად დიდი წარამტების მიღწევა შეუძლია” – განაცხადა ჰაინკესმა.
აღსანიშნავია, რომ 33 ქულა, რომელიც კლუბმა პირველ ნაწილში მოიპოვა ფავრის პირადი რეკორდია.
დორტმუნდის “ბორუსიას” მთავარი მწვრთნელი, იურგენ კლოპი აცხადებს, რომ მის გუნდს ზამთრის შესვენება ესაჭიროება.
შეგახსენებთ, რომ 21 დეკემბერს, კლოპის შეგირდები საკუთარ მოედანზე ლევან კობიაშვილის ბერლინის “ჰერტასთან” ანგარიშით 1:2 დამარცხდნენ.
“სამწუხაროა, რომ დავმარცდით. ჩემს ფეხბურთელებს ცოტათი დაღლა დაეტყოთ და მიმაჩნია, რომ ჩვენ ზამთრის შესვენაბა გვჭირდება. ზამთარში რეაბილიტაციას მოვახერხებთ და შემდეგ, ისევ კარგად ვითამაშებთ”, – ამბობს კლპი.
გერმანიის ბუნდესლიგის XVII ტურის ერთ-ერთი ცენტრალური მატჩი „სიგნალ იდუნა პარკზე“ შედგა, სადაც დორტმუნდის „ბორუსიამ“ ბერლინის „ჰერტა“ მიიღო. შეხვედრა, ბევრისთვის მოულოდნელად, სტუმრებმა ანგარიშით 2:1 მოიგეს. მატჩში სრულად ითამაშა „ჰერტას“ მცველმა ლევან კობიაშვილმა, რომლისთვისაც ეს ბუნდესლიგაში ჩატარებული 340-ე შეხვედრა გახლდათ. უნდა აღინიშნოს, რომ 36 წლის ქართველი ფეხბურთელი ცენტრალური მცველის პოზიციაზე თამაშობდა, ამ დავალებას თავი უნაკლოდ გართვა და მასპინძელი გუნდის თავდამსხმელებს გასაქანი არ მისცა. შეიძლება ითქვას, რომ კობიაშვილმა დორტმუნელთა მთავარი მეგოლის, რობერტ ლევანდოვსკის გადაკეტვა შეძლო, პოლონელს არ ჰქონია რაიმე რეალური შანსი. საერთოდაც, „ბორუსია“ თავის თავს არ ჰგავდა, რაც ისევ ბერლინელთა კარგი თამაშის დამსახურებაა. 67-ე წუთზე კობიაშვილმა ტაქტიკური ჯარიმისთვის ყვითელი ბარათი მიიღო, ქართველმა ფეხბურთელმა „ბორუსიას“ სწრაფი კონტრიერიში ჩაშალა თამაშის წესის დარღვევით.
რაც შეეხება უშუალოდ მატჩს, ძირითადი მოვლენები პირველ ტაიმში განვითარდა: ანგარიში მე-7 წუთზე გაიხსნა, როდესაც მარკო როისმა ბუნდესლიგის დებიუტანტი მეკარის, მარიუს გერსბეკის უხეში შეცდომით ისარგებლა და კარიდან გამოსულ კიპერს ადვილად გაუტანა. სტუმრებმა ანგარიშის გათანაბრება 23-ე წუთზე შეძლეს: მოედნის ცენტრალურ ნაწილში დორტმუნდელთა მცველმა ერიკ დურმმა ბურთი ვერ დაიმორჩილა, სამი ალაგიმ სწრაფი ფლანგური გარღვევა მოაწყო, საჯარიმოში ადრიან რამოსი მოძებნა და ამ უკანასკნელმაც ერთი შეხებით გადაგზავნა ბურთი რომან ვაიდენფელერის კარში. ტაიმის ბოლო წუთზე სტუმრები სულაც წინ გავიდნენ: ამჯერად „ბორუსიას“ 18 წლის ცენტრალური მცველი მარიან სარი შეცდა, რომელიც მეკარისკენ შეტრიალდა, ამ დროს კი ბურთი ალაგიმ აართვა, მეკარესთან ფაქტობრივად ერთი ერთზე გავიდა და თავისი გუნდი დააწინაურა – 1:2.
მეორე ტაიმში „ბორუსია“ ანგარიშის გათანაბრებას ბევრს კი ცდილობდა, თუმცა „ჰერტას“ ფეხბურთელები თავს საიმედოდ იცავდნენ და სასურველ შედეგსაც მიაღწიეს. აღსანიშნავია, რომ მთავარმა არბიტრმა მატჩის მეორე ნახევარს 4 წუთი დაამატა, თუმცა ტაიმი იმდენად გაჯანჯლდა, რომ ის 98-ე წუთზე დასრულდა.
„ჰერტამ“ ამ გამარჯვებით 28 ქულას მოუყარა თავი და სატურნირო ცხრილის მე-6 პოზიციაზე გადაინაცვლა. „ბორუსიას“ 32 ქულით მესამე ადგილი აქვს დაკავებული.
გერმანიის ბუნდესლიგა
XVII ტური
„ბორუსია“–„ჰერტა“ 1:2 (1:2)
გოლები: როისი 7′ – რამოსი 23′, ალაგი 45′.
გაფრთხილებები: სარი 45+2′, შაჰინი 90+1′ – ჯიერჯი 50′, კობიაშვილი 67′, ჰოსოგაი 81′.
ბექა დოგრაშვილი
ბრაზილიურმა სპორტული ბიზნესის კომპანია Pluri Consultoria-მ ყველაზე მაღალანაზღაურებად მწვრთნელთა სია გამოაქვეყნა.
სიაში პირველ ადგილს მიუნხენის “ბაიერნის” თავკაცი ხოსეპ გვარდიოლა იკავებს. ესპანელი სპეციალისტი ბავარიული კლუბისგან, წელიწადში, ხელფასის სახით 17 მილიონ ევროს იღებს.
მეორე პოზიციას იკავებს ლონდონის “ჩელსის” მთავარი მწვრთნელი, ჟოზე მოურინიო, რომელსაც ინგლისურ კლუბში 10 მილიონ ევროს უხდიან.
გთავაზობთ ყველაზე მაღალანაზღაურებად მწვრთნელთა ათეულს:
1. პეპ გვარდიოლა (მიუნხენის “ბაიერნი”) – 17 მილიონი.
2. ჟოზე მოურინიო (ლონდონის “ჩელსი”) – 10 მილიონი.
3. მარჩელო ლიპი (“გუანჟოუ ევერგრანდი”) – 10 მილიონი.
4. არსენ ვენგერი (ლონდონის “არსენალი”) – 8.2 მილიონი.
5. ფაბიო კაპელო (რუსეთის ნაკრები) – 7.8 მილიონი.
6. კარლო ანჩელოტი (მადრიდის “რეალი”) – 7.5 მილიონი.
7. დევიდ მოიესი (“მანჩესტერ იუნაიტედი”) – 5.9 მილიონი.
8. ხერარდო მარტინო (კატალონიის “ბარსელონა”) – 5.4 მილიონი.
9. იურგენ კლოპი (დორტმუნდის “ბორუსია”) – 4.3 მილიონი.
10. მანუელ პელეგრინი (“მანჩესტერ სიტი”) – 4.1 მილიონი.
დიტო ჭიჭინაძე
14 დეკემბერს, გერმანიის ჩემპიონატში, “ჰოფენჰაიმმა” საკუთარ მოედანზე დორტმუნდის “ბორუსია” მიიღო და ფრედ, 2:2 ითამაშა.
აღნიშნულ შეხვედრაში, საკმაოდ კურიოზული რამ მოხდა. დორტმუნდელთა ფეხბურთელმა, მარკო როისმა გცე
დასრულდა უეფას ჩემპიონთა ლიგის მიმდინარე გათამაშების მერვედფინალური ეტაპის წილისყრა. პროცედურაში მონაწილეობდნენ ტურნირის 2013/14 წლების სეზონის ფინალის ელჩი ლუიშ ფიგუ, უეფას გენერალური მდივანი ჯანი ინფანტინო და საშეჯიბრო კომიტეტის თავმჯდომარე ჯორჯო მარკეტი. 16 გუნდი 8 წყვილად განაწილდა.
წილისყრამ გუნდები შემდეგნაირად დააწყვილა.
 |
„მანჩესტერ სიტი”–„ბარსელონა” |  |
 |
„ოლიმპიაკოსი”–„მანჩესტერ იუნაიტედი” |  |
 |
„მილანი”–„ატლეტიკო” |  |
 |
„ლევერკუზენი”–„პარი სენ-ჟერმენი” |  |
 |
„გალათასარაი”–„ჩელსი” |  |
 |
„შალკე”–„რეალი” |  |
 |
„ზენიტი”–„ბორუსია” |  |
 |
„არსენალი”–„ბაიერნი” |  |
ბექა დოგრაშვილი
დორტმუნდის “ბორუსიას” სომეხი ლეგიონერი, ჰენრიხ მხითარიანი აცხადებს, რომ მისმა გუნდმა შეუძლებელი შეძლო და ჩემპიონთა ლიგის ჯგუფურ ეტაპზე პირველი ადგილი დაიკავა.
“ძალიან რთული ჯგუფში მოვხდით, შესაბამისად მეტოქეების დამარცხება ძალიან ძნელის საქმე იყო. “ნაპოლი”, “არსენალი” და “მარსელი” ნამდვილად გამორჩეული გუნდები არიან. საბედნიეროდ, “დორტმუნდმა” შეუძლებელი შეძლო და ჯგუფში პირველი ადგილი დაიკავა”, – ამბობს მხითარიანი.
ინტერნეტ-სივრცეში ვიდეო გავრცელდა, რომელშიც აღბეჭდილია, თუ როგორ ასწავლის კევინ გროსკოიცი თანაგუნდელ მხითარიან დორტმუნდის “ბორუსიას” სიმღერებს.
დორტმუნდის „ბორუსიას“ მთავარმა მწვრთნელმა იურგენ კლოპმა გერმანიის ბუნდესლიგის XIV ტურში „მაინცის“ წინააღმდეგ გამართული მატჩის კომპენსირებულ დროში მომხდარ ფაქტზე ისაუბრა. შეგახსენებთ, რომ შეხვედრის დამატებით დროში „ბორუსიამ“ თერთმეტმეტრიანის დარტყმის უფლება მოიპოვა. პენალტის შესასრულებლად ჰენრიხ მხითარიანი გაეშურა, თუმცა ბოლო მომენტში სომეხ ნახევარმცველს რობერტ ლევანდოვსკიმ უთხრა, რომ თერთმეტმეტრიანი პოლონელს უნდა დაერტყა. საბოლოო ჯამში, პენალტი ლევანდოვსკიმ დაარტყა და გაიტანა კიდეც.
„ეს ჩემი ბრალია. მხითარიანი სამართლიანად განაწყენდა, თუმცა თავად მე ვთქვი, რომ პენალტს მეცხრე ნომერი დაარტყამდა. უხერხული სიტუაცია შეიქმნა. მხითარიანს ბოდიში უკვე მოვუხადე. მე უბრალოდ მინდოდა, რომ ეს პენალტი აუცილებლად გაგვეტანა. რა თქმა უნდა, მიკისაც (მხითარიანის შემოკლებული სახელი) შეეძლო, კარგად დაერტყა“, – კლოპის სიტყვები „ბორუსიას“ ოფიციალურმა ვებ-გვერდმა გამოაქვეყნა.
შეგახსენებთ, რომ „ბორუსიამ“ სტუმრად „მაინცი“ ანგარიშით 3:1 დაამარცხა. აქედან ორი გოლი ლევანდოვსკიმ პენალტით გაიტანა.
ბექა დოგრაშვილი
დღეს, თბილისის დროით 23:45 საათზე, ჩემპიონთა ლიგაზე, F ჯგუფში, დორტმუნდის “ბორუსია” საკუთარ მოედანზე “ნაპოლის” მიიღებს.
გუნდები მოედანზე ასეთი შემადგენლობებით გავლენ.
“ბორუსია”: ვაიდენფელერი, პაპასტატოპულოსი, დარმი, კელი, შაჰინი, ბლაშიკოვსკი, ბენდერი, მხითარიანი, როისი, გროსკოიცი, ლევანდოვსკი.
“ნაპოლი”: რეინა, ალბიოლი, ფერნანდესი, ბეჰრამი, ჯემაილი, მაჯო, არმერო, პანდევი, იგუაინი, მერტენსი, კალეხონი.
მიუნხენის “ბაიერნის” ჰოლანდიელი ფეხბურთელი, არიენ რობენი აცხადებს, რომ ის დორტმუნდის “ბორუსიას” წინააღმდეგ ყოველ კვირაში ითამაშებდა.
შეგახსენებთ, რომ გასულ უქმეებზე, “ბაიერნმა” “ბორუსია” ანგარიშით 3:0 დაამარცხა. რობენმა კი, შეხვედრაში ერთ-ერთი გოლის გატანა მოახერხა.
“ჩემი ნება რომ იყოს, “ბორუსიას” წინააღმდეგ ყოველ კვირაში ვითამაშებდი. ასეთი ტიპის თამაშები ძალიან მომწონს. გულშემატკივრები დიდებულ ატმოსფეროს ქმნიან”, – ამბობს რობენი.
იტალიურმა “ნაპოლიმ” ოფიციალურად დაადასტურა, რომ გუნდის სლოვაკი ფეხბურთელი, მარეკ ჰამშიკი ჩემპიონთა ლიგის გათამაშებაში, დორტმუნდის “ბორუსიასთან” გასამართ შეხვედრას გამოტოვებს.
შეგახსენებთ, რომ “ბორუსია” “ნაპოლის” საკუთარ მოედანზე 26 ნოემბერს მიიღებს. F ჯგუფში, “ნაპოლი” ცხრა ქულით მეორე ადგილს იკავებს და მესამე პოზიციაზე მყოფ “ბორუსიას” სამი ქულით უსწრებს.
თუმცა, ნეაპოლელებს მნიშვნელოვან შეხვედრაში გუნდის ერთ-ერთი ლიდერი დააკლდებათ. ჰამშიკმა 23 ნოემბერს, “პარმასთან” ჩატარებულ შეხვედრაში ფეხზე ტრავმა მიიღო.
