დღეს მადრიდის „რეალისა“ და პორტუგალიის ეროვნული ნაკრების თავდამსხმელ კრიშტიანუ რონალდუს დაბადების დღეა. პორტუგალიელ ფეხბურთელს 29 წელი შეუსრულდა.
გთავაზობთ რონალდუს მიერ 2013/2014 წლების სეზონში გატანილი გოლების ამსახველ ვიდეომასალას.
ჭდე: Cristiano Ronaldo
რონალდუ 8-0 მესი
ესპანეთის ჩემპიონატის XXII ტურში ბილბაოს „ატლეტიკსა“ და მადრიდის „რეალს“ შორის გამართული მატჩის (1:1) 75-ე წუთზე „სამეფო კლუბის“ თავდამსხმელი კრიშტიანუ რონალდუ მოედნიდან გააძევეს. ეს პორტუგალიელის საკლუბო კარიერაში რიგით მერვე გაძევებაა, როცა მისი უშუალო კონკურენტი ლიონელ მესი მოედნიდან არასდროს გაუძევებიათ. რონალდუს „რეალის“ შემადგენლობაში 4 წითელი ბარათი აქვს მიღებული, ამდენჯერვე გააძევეს ის „მანჩესტერ იუნაიტედში“ ასპარეზობის პერიოდში.
მას ბილბაომდე წითელი ბარათი ესპანეთის სამეფო თასის გასული სეზონის ფინალურ მატჩში, მადრიდის „ატლეტიკოს“ წინააღმდეგ გამართულ მატჩი უჩვენეს. მაშინ პორტუგალიელი ფეხბურთელი გაბიმ „მოცელა“ უკნიდან, რონალდუმ კი ვერ მოითმინდა და სამაგიერო ოპონენტს ფეხის სახეში გარტყმით გადაუხადა.
დავუბრუნდეთ „ატლეტიკთან“ რონალდუს გაძევებას. როგორც გუშინ გაუწყეთ, გასახდელისკენ მიმავალმა კრიშტიანუმ გზად შეურაცხმყოფელი ჟესტი გააკეთა. ამის გამო, შესაძლოა, პორტუგალიელი ფეხბურთელი სამმატჩიანი დისკვალიფიკაციით დასაჯონ, თუმცა არც მადრიდის „რეალი“ აპირებს, ასე მშვიდად შეეგუოს თავისი ლიდერის გასამართლების პროცესს. გავრცელებული ინფორმაციის თანახმად, „სამეფო კლუბმა“ რონალდუს შესაძლო დისკვალიფიკაცია გაასაჩივრა და სამი არგუმენტიც მოიყვანა:
1. „რეალი“ ამტკიცებს, რომ ბურთი თამაშში იყო, როდესაც მთავარმა არბიტრმა აისა გამესმა რონალდუს წითელი ბარათი უჩვენა;
2. რონალდუსა და იტურასპეს შორის კონტაქტს არ შეიძლება, რომ „დარტყმა“ დაერქვას, როგორც ეს მატჩის არბიტრმა აღნიშნა თავის მოხსენებაში;
3. „რეალი“ თვლის, რომ გასახდელისკენ მიმავალ რონალდუს შეურაცხმყოფელი ჟესტი დამხმარე არბიტრის მისამართით არ უჩვენებია, მაგრამ მსაჯის მოხსენებაში ეს პირიქით არის აღნიშნული.
საბოლოო ვერდიქტი ხვალ გახდება ცნობილი.
კიდევ ერთხელ გთავაზობთ ამ მომენტის ამსახველ ვიდეომასალას.
ბექა დოგრაშვილი
რონალდუს სამმატჩიანი დისკვალიფიკაცია ემუქრება
ესპანეთის ჩემპიონატის XXII ტურში ბილბაოს „ატლეტიკსა“ და მადრიდის „რეალს“ შორის გამართული მატჩის (1:1) 75-ე წუთზე „სამეფო კლუბის“ თავდამსხმელმა კრიშტიანუ რონალდუმ ბასკთა მცველ კარლოს გუპრეგის სახეში ხელი გაარტყა, რის გამოც პორტუგალიელი ფეხბურთელი მოედნიდან გააძევეს.
გასახდელისკენ მიმავალმა რონალდუმ გზად დამხმარე არბიტრს შეურაცხმყოფელი ჟესტი უჩვენა. ამის გამო, შესაძლოა, პორტუგალიელი ფეხბურთელი სამმატჩიანი დისკვალიფიკაციით დასაჯონ.
„მატჩის 75-ე წუთზე კრიშტიანუ რონალდუ მეტოქე გუნდის ფეხბურთელისთვის სახეში ხელის გარტყმისთვის გაძევებულ იქნა. მოედნის დატოვებამდე რონალდუმ ლოყაზე რამდენჯერმე ხელი გაირტყა, ეს ჟესტი მან დამხმარე მსაჯს უჩვენა“, – ნათქვამია მთავარი არბიტრის მოხსენებაში.
დისკვალიფიკაციის შემთხვევაში, „სამეფო კლუბის“ ლიდერი გამოტოვებს „ვილიარეალთან“, „ელჩესთან“ და „ხეტაფესთან“ გასამართ მატჩებს.
ბექა დოგრაშვილი
რონალდუ: „შესაძლოა, ძალები საფრანგეთშიც მოვსინჯო“
მადრიდის „რეალის“ პორტუგალიელი ფეხბურთელი კრიშტიანუ რონალდუ არ გამორიცხავს, რომ მომავალში ძალები საფრანგეთის ჩემპიონატში მოსინჯოს.
„შესაძლოა, ოდესღაც საფრანგეთში ვიცხოვრო და ვითამაშო. შესაძლოა, ასე არც მოხდეს. პორტუგალიელებს საფრანგეთთან ყოველთვის კარგი დამოკიდებულება ჰქონდათ, ერთხანს ამ ქვეყანაში დედაჩემიც მუშაობა. მიყვარს საფრანგეთი, თუმცა ახლა „რეალთან“ მოქმედი კონტრაქტი მაკავშირებს და აქ თამაშს 33 წლამდე ვაპირებ. „რეალში“ ბედნიერი ვარ“, – რონალდუს სიტყვებს სპორტული ინტერნეტ-პორტალი Goal.com-ი ციტირებს.
პორტუგალიელმა ვარსკვლავმა „პარი სენ-ჟერმენის“ შესახებ ასეთი რამ თქვა:
„პსჟ“ მიმდინარე სეზონში ჩემპიონთა ლიგის თასისთვის იბრძოლებს. ძლიერი გუნდია და მისი დამარცხება რთული იქნება. „პსჟ“ ტურნირის ერთ-ერთი ფავორიტია“.
ბექა დოგრაშვილი
ნეიმარმა რონალდუს „ოქროს ბურთის“ მოგება მიულოცა
კატალონიის „ბარსელონას“ თავდამსხმელმა ნეიმარმა მადრიდის „რეალის“ ლიდერს კრიშტიანუ რონალდუს „ოქრო ბურთის“ მოგება მიულოცა.
„ყველა ფეხბურთელმა იცის, რამდენად რთულია ტიტულების მოგება, განსაკუთრებით, თუ მსგავს პრესტიჟულ ჯილდოზე ვისაურებთ. რა თქმა უნდა, მსურდა, რომ ეს პრიზი წელსაც მესის მოეგო, თუმცა ეს შედეგი სამართლიანია. სხვათაშორის, ჩემს საყვარელ მოთამაშეებს შორის კრიშტიანუც არის. მას ამ წარმატებას ვულოცავ“, – განაცხადა სამხრეთ ამერიკელმა.
ალექსანდრე მატევოსოვი
რონალდუმ რონალდოს შედეგი გაიმეორა
მადრიდის „რეალის“ ლიდერი კრიშტიანუ რონალდუ ისტორიაში მეორე ფეხბურთელი გახდა, რომლის პირველსა და ბოლო ტრიუმფს შორის ხუთი წელი გავიდა.
აქამდე „ოქროს ბურთი“ თავისი პირველი წარმატების შემდეგ მხოლოდ ბრაზილიელმა რონალდომ მოიგო. პირველად წლის საუკეთესო ფეხბურთელად სამხრეთ ამერიკელი 1997 წელს დასახელდა, ხოლო მეორედ – 2002 წელს.
გარდა ამისა, ოთხწლიან ინტერვალში „ოქროს ბურთს“ ფრანც ბეკენბაუერი (1972, 1976) და მარკო ვან ბასტენიც (1988, 1992) დაეუფლნენ.
ალექსანდრე მატევოსოვი
„ოქროს ბურთი“ — ვის ერგო ქართველთა ხმები
როგორც მოგეხსენებათ, „ოქროს ბურთის“ გამარჯვებულის ვინაობა ეროვნული ნაკრებების მთავარი მწვრთნელების, კაპიტნებისა და სპორტული ჟურნალისტების გამოკითხვის შედეგების დაჯამებით ვლინდება. ცნობილი გახდა, თუ ვის ერგო ქართველთა ხმები.
საქართველოს ნაკრების მთავარმა მწვრთნელმა თემურ ქეცბაიამ ხმები ასე გადაანაწილა: 1. ფრანკ რიბერი; 2. ლიონელ მესი; 3. კრიშტიანუ რონალდუ.
საქართველოს ნაკრების კაპიტანმა ჯაბა კანკავამ ასეთი არჩევანი გააკეთა: 1. ანდრეს ინიესტა; 2. ანდრეა პირლო; 3. ედინსონ კავანი.
საქართველოს მხრიდან ჟურნალისტმა ზურაბ ფოცხვერიამ ხმები შემდეგნაირად გაანაწილა: 1. კრიშტიანუ რონალდუ; 2. ლიონელ მესი; 3. ფრანკ რიბერი.
აქვე შეგიძლიათ იხილოთ გამოკითხვის შედეგების სრული სია: „ოქროს ბურთის“ შედეგები
ბექა დოგრაშვილი
კრიშტიანუ რონალდუ: „ოქროს ბურთის“ დაჯილდოების ცერემონიას დავესწრები“
ბოლო პერიოდის ერთ-ერთი მთავარი საფეხბურთო თემაა, დაესწრება თუ არა მადრიდის „რეალის“ თავდამსხმელი კრიშტიანუ რონალდუ „ოქროს ბურთის“ დაჯილდოების ცერემონიალს. შეგახსენებთ, რომ დაახლოებით ორი თვის წინათ, ოქსფორდის უნივერსიტეტში, ფიფას პრეზიდენტმა იოზეფ ბლატერმა რონალდუს ლეო მესისთან შედარებისას აღნიშნა, რომ მას არგენტინელი ფეხბურთელი ურჩევნია, რადგან მესი მოედანზე უკეთ იქცევა, თამაშის მანერითაც სჯობს თავის პორტუგალიელ კონკურენტს, რონალდუ კი ვარცხნილობას უთმობს დიდ ყურადღებას.
მოგვიანებით ბლატერმა ამ სიტყვებისთვის მოიბოდიშა, თუმცა პორტუგალიელმა ფეხბურთელმა ბოდიში არ მიიღო და არც „ოქროს ბურთის“ დაჯილდოების ცერემონიაზე აპირებდა დასწრებას, თუმცა, როგორც ჩანს, რონალდუმ გადაწყვეტილება შეცვალა.
„ცერემონიას დავესწრები. არ ვიცი, ვის გადასცემენ მთავარ ჯილდოს: მე, მესის თუ რიბერის. ჩემი საქმის გაკეთებას ვცდილობ, „რეალს“ გოლებითა და კარგი თამაშით ვეხმარები. თუ „ოქროს ბურთს“ დავისაკუთრებ, გამიხარდება. თუ ვერა, არც ეს იქნება პრობლემა, ჩემთვის არაფერი შეიცვლება, ცხოვრება ჩვეულ რითმში გაგრძელდება“, – რონალდუს სიტყვები ესპანურმა გამოცემა „მარკამ“ გამოაქვეყნა.
შეგახსენებთ, რომ „ოქროს ბურთის“ დაჯილდოების ცერემონიალი 13 იანვარს, ციურიხში შედგება.
ბექა დოგრაშვილი
რონალდუ ჩემპიონთა ლიგის მოგებაზე ოცნებობს
მადრიდის „რეალის“ ლიდერმა კრიშტიანუ რონალდუმ განაცხადა, რომ იგი მიმდინარე სეზონში უეფა-ს ჩემპიონთა ლიგის მოგებაზე ოცნებობს.
„ეშტადიუ და ლუჟზე“ ჩემპიონთა ლიგის მოგება შესანიშნავი იქნებოდა. „რეალში“ ყველას ტიტულის მეათე მოგების სურვილი აქვს. ფეხბურთელები საოცრად მოტივირებულნი არიან. ყველაფერს გავაკეთებთ, რისი გაკეთებაც შეგვიძია, რათა 2014 წელს ევროპის ყველაზე პრესტიჟური საკლუბო ტურნირი სწორედ ჩვენ მოვიგოთ“, – განაცხადა პორტუგალიელმა ვარსკვლავმა.
ალექსანდრე მატევოსოვი
„მარკამ“ საუკეთესო არაესპანელი სპორტსმენები დაასახელა
ესპანურმა გამოცემა „მარკამ“ 2013 წლის საუკეთესო არაესპანელი სპორტსმენები დაასახელა. გულშემატკივართა გამოკითხვის შედეგად, პირველი ადგილი მადრიდის „რეალის“ პორტუგალიელმა თავდამსხმელმა კრიშტიანუ რონალდუმ დაიკავა, რომელსაც მართლაც გასაოცარი სეზონი ჰქონდა.
რონალდუმ ხმათა 24,5 პროცენტი მიიღო. მეორე ადგილზე გავიდა ფორმულა 1-ის წარმომადგენელი, „რედ ბულის“ გერმანელი პილოტი სებასტიან ფეტელი, რომელიც 2013 წელს მსოფლიოს ჩემპიონი მიჯრით მეოთხედ გახდა. მან ხმათა 21 პროცენტი მიიღო.
მესამე პოზიცია NBA-ს ვარსკვლავმა, „მაიამი ჰიტის“ ლიდერმა ლებრონ ჯეიმსმა დაიკავა, რომელსაც ხმათა 16 პროცენტი ხვდა წილად.
აღსანიშნავია, რომ „ბარსელონას“ არგენტინელმა თავდამსხმელმა ლეო მესიმ 9 პროცენტით მეხუთე ადგილი დაიკავა.
ბექა დოგრაშვილი
წლის საუკეთესო ფეხბურთელი და მწვრთნელი დაასახელეს
დუბაიში გამართულ Globe Soccer Awards-ის ტრადიციულ გალა-კონცერტზე წლის საუკეთესო ფეხბურთელისა და მწვრთნელის ვინაობა გამოავლინეს. გამარჯვებული მსოფლიოს მასშტაბით გულშემატკივართა გამოკითხვის შედეგად ირკვევა.
წლის საუკეთესო მოთამაშედ მადრიდის „რეალისა“ და პორტუგალიის ნაკრების თავდამსხმელი კრიშტიანუ რონალდუ დაასახელეს, რომელმაც ხმათა 58 პროცენტი მოაგროვა. მეორე პოზიციაზე „ბარსელონას“ არგენტინელი ფორვარდი ლიონელ მესი გავიდა, რომელსაც ხმების 9 პროცენტი ერგო. მესამე ადგილი „ბარსელონას“ და ლონდონის „არსენალის“ ნახევარმცველებმა – ანდრეს ინიესტამ და მესუთ იოზილმა გაინაწილეს – 4-4 პროცენტით.
წლის საუკეთესო მწვრთნელად ტურინის „იუვენტუსის“ თავკაცი ანტონიო კონტე დაასახელეს, რომელმაც დორტმუნდის „ბორუსიას“ დამრიგებელი იურგენ კლოპი და „ნაპოლის“ ხელმძღვანელი რაფალ ბენიტესი ჩამოიტოვა.
ბექა დოგრაშვილი
რონალდუ: „2014 წელი უკეთესი იქნება“
მადრიდის „რეალისა“ და პორტუგალიის ეროვნული ნაკრების თავდამსხმელი კრიშტიანო რონალდუ თვლის, რომ მომავალი წელი მისთვის უფრო წარმატებული იქნება, ვიდრე 2013 წელი იყო. მიმდინარე წელს პორტუგაელილმა ფეხბურთელმა „სამეფო კლუბის“ ფორმით 60, ეროვნულ ნაკრებში კი ცხრა გოლი გაიტანა. გარდა ამისა, რონალდუმ 2014 წელს ბრაზილიაში გასამართ მსოფლიოს ჩემპიონატზე თამაშის უფლება მოიპოვა. რონალდუ ლეო მესისთან და ფრანკ რიბერისთან ერთად „ოქროს ბურთის“ მოპოვების ერთ-ერთი კანდიდატია.
„კარგი წელი იყო, თუმცა მომდევნო წელი უკეთესი იქნება“, – ეს კომენტარი რონალდუმ სოციალური ქსელის მეშვეობით გაავრცელა.
გარდა ამისა, პორტუგალიელმა ფეხბურთელმა საზოგადოებას შობის დღესასწაული მიულოცა.
ბექა დოგრაშვილი