“ტოტენჰემ ჰოთსპურის” მეკარე უგო ლორისი “მანჩესტერ იუნაიტედს” უახლოვდება.
ფრანგული გამოცემა L’Equipe-ი წერს, რომ 28 წლის კიპერმა “წითელ ეშმაკებთან” სიტყვიერ შეთანხმებას მიაღწია. ლორისის შესაძლო ტრანსფერის ღირებულება 25 მილიონ ევროდ ფასდება.
უგო ლორისმა გასულ სეზონში ყველა ტურნირზე ერთად 44 მატჩი ჩაატარა და 55 გოლი გაუშვა.
“ტოტენჰემ ჰოთსპურის” მეკარე უგო ლორისი დამდეგ სანაკრებო მატჩებს მუხლის ტრავმის გამო გამოტოვებს. ფრანგი კიპერი ინგლისის პრემიერლიგის 30-ე ტურში “ლესტერ სიტის” წინააღმდეგ გამართულ მატჩში (4:3) დაშავდა.
საფრანგეთის ნაკრებში ლორისის ნაცვლად “რენის” 27 წლის მეკარე ბენუა კოსტილი გამოიძახეს, რომელსაც მანამდე “მამალთა” რიგებში არცერთი შეხვედრა არ ჩაუტარებია.
შეგახსენებთ, რომ ფრანგები ამხანაგურად ბრაზილიელებს (26 მარტი, პარიზი) და დანიელებს (29 მარტი, სენტ-ეტიენი) გაეჯიბრებიან.
იტალიური პრესის ცნობით, “რომასა” და “ტოტენჰემ ჰოთსპურს” შორის უგო ლორისის შესაძლო ტრანსფერთან დაკავშირებით მოლაპარაკებები მიმდინარეობს.
იტალიური კლუბი “დეზებს” ფრანგი მეკარის შესაძლო ტრანსფერის თაობაზე დაუკავშირდა, პასუხად კი მიიღო, რომ ლორისის სანაცვლოდ მინიმუმ 30 მილიონი ევროს გაღება იქნება საჭირო.
უგო ლორისის მიმართ ინტერესს ასევე “პარი სენ-ჟერმენი” და მადრიდის “რეალი” იჩენენ.
ცნობისათვის, 27 წლის ფრანგ კიპერს ჩრდილოლონდონურ კლუბთან მოქმედი შრომითი ხელშეკრულება 2019 წლის ივნისში ეწურება.
ვიდეოთამაშ FIFA 15-ის გამოსვლამდე სულ ცოტა დრო რჩება, მანამდე კი ვებგვერდმა Purely Football იმ მეკარეთა სავარაუდო სია გამოაქვეყნა, რომელთაც აღნიშნულ თამაშში ყველაზე მაღალი რეიტინგი ექნებათ.
Purely Football-ის ვერსიით, FIFA 15-ის ყველაზე მაღალრეიტინგული მეკარეები იქნებიან:
| ადგილი: | მეკარე: | რეიტინგი: | |
| 10. |  |
დიეგო ლოპესი (“მილანი”) | 84 |
| 9. |  |
დავიდ დე ხეა (“მანჩესტერ იუნატედი”) | 84 |
| 8. |  |
სამირ ჰანდანოვიჩი (“ინტერი”) | 84 |
| 7. |  |
სალვატორე სირიგუ (“პსჟ”) | 84 |
| 6. |  |
უგო ლორისი (“ტოტენჰემი”) | 84 |
| 5. |  |
იკერ კასილასი (“რეალი”) | 85 |
| 4. |  |
პეტრ ჩეხი (“ჩელსი”) | 85 |
| 3. |  |
ტიბო კურტუა (“ჩელსი”) | 85 |
| 2. |  |
ჯანლუიჯი ბუფონი (“იუვენტუსი”) | 86 |
| 1. |  |
მანუელ ნოიერი (“ბაიერნი”) | 87 |
ლონდონის „არსენალის“ თავდამსხმელმა ოლივიე ჟირუმ განაცხადა, რომ „ტოტენჰემ ჰოთსპურის“ მეკარე უგო ლორისი სიამოვნებით ითამაშებდა „მეთოფეთა“ რიგებში.
„უგოსთან საკმაოდ ხშირი ურთიერთობა მაქვს, ჩვენ სხვადასხვა თემებზე ვსაუბრობთ ხოლმე. ვლაპარაკობთ ცხოვრების, საფრანგეთის ნაკრების, ბრაზილიაში გასამართი მსოფლიოს ჩემპიონატის შესახებ.
ვისურვებდი თუ არა მის ხილვას „არსენალში“? დიახ, მინდა, რომ მან ჩვენთან ერთად ითამაშოს და არც თავად არის აღნიშნული ტრანსფერის წინააღმდეგი“, – ჟირუს სიტყვები The World Game-მა გამოაქვეყნა.
ავტორიტეტული ბრიტანული ინტერნეტ-გამოცემა „დეილი ექსპრესი“ იუწყება, რომ „ტოტენჰემ ჰოთსპურისა“ და საფრანგეთის ეროვნული ნაკრების მეკარე უგო ლორისი „პარი სენ-ჟერმენის“ ინტერესთა სფეროში მოხვდა.
წყაროს ცნობით, პარიზული კლუბის ხელმძღვანელობა მზად არის, 27 წლის კიპერის სანაცვლოდ „დეზებს“ 16 მილიონი ფუნტ სტერლინგი შეაძლიოს. არც თავად ლორისი იქნება პარიზში გადაბარგების წინააღმდეგი, თუ ჩრდილოლონდონური კლუბი ჩემპიონთა ლიგის საგზურს ვერ მოიპოვებს.
მიმდინარე სეზონში ლორისმა ინგლისის პრემიერლიგის 23 მატჩში მიიღო მონაწილეობა და აქედან 9 შეხვედრაში კარი მშრალად დაიცვა.
ბექა დოგრაშვილი
საქართველოსა და საფრანგეთის ეროვნულ ნაკრებთა შორის „დინამო არენაზე“ გამართული მატჩის (0:0) მიმდინარეობისას მოედანზე ახალგაზრდა გულშემატკივარი შეიჭრა, რომელიც გიორგი ლორიას ჩაეხუტა და მოედანი თავისივე ნებით დატოვა.
გთავაზობთ აღნიშნული ფაქტის ამსახველ ვიდეომასალას.
საფრანგეთის ეროვნული ნაკრების მთავარმა მწვრთნელმა დიდიე დეშამმა გუშინ, თბილისში დაფიქსირებული შედეგის (0:0) გამო სინანული გამოხატა და ჟურნალისტის კითხვას, თუ რატომ ვერ იტანს კარიმ ბენზემა გოლს 20 საათის განმავლობაში, ფეხბურთის ფრანგმა სპეციალისტმა უპასუხა, რომ პრობლემა „მამლების“ მე-10 ნომერში არ მდგომარეობს.
„პრობლემა ბენზემა კი არა, ის არის, რომ ყოველი მატჩის წინ 11 ფეხბურთელი უნდა შევარჩიო. ბენზემა მარტო არ თამაშობს, ბევრი რამ არის დამოკიდებული მოედანზე მის გვერდით მყოფ მოთამაშეებზეც. მე მათ სიტუაციის განხილვა შევთავაზე. ბენზემა და ჟირუ ერთად ცუდად არ გამოიყურებიან, მაგრამ აღნიშნული ფეხბურთელები თავიანთ კლუბებში 4-4-2 სქემით არ თამაშობენ, ამიტომ ამ ყველაფერს დრო დასჭირდება“, – ამბობს საფრანგეთის ნაკრების თავკაცი.
„ვერ ვიტყოდი, რომ საფრანგეთის ნაკრებს ახლა ყველაზე ცუდი გუნდი ჰყავს. თაობებს არ ვადარებ. ეს ფეხბურთელები კლუბებში გოლებს იტანენ, თუმცა ამას ნაკრებში ვერ ახერხებენ. პრობლემები უნდა გადავჭრათ, თუმცა სასწაულმოქმედი წამალი არ მაქვს. ესპანეთის ნაკრებს თბილისში უფრო ნაკლები შესაძლებლობა მიეცა, თუმცა მათ 86-ე წუთზე გატანილი გოლის წყალობით მაინც გაიმარჯვეს. ჩემს გუნდს ეფექტურობის გაუმჯობესება მართებს“, – განაცხადა დეშამმა.
ბექა დოგრაშვილი
2014 წლის მსოფლიოს ჩემპიონატის შესარჩევი ეტაპის I ჯგუფში საქართველოსა და საფრანგეთის ეროვნულ ნაკრებთა შორის „დინამო არენაზე“ გამართული მატჩის (0:0) შემდეგ „ჯვაროსანთა“ მთავარმა მწვრთნელმა თემურ ქეცბაიამ განაცხადა, რომ მისი გუნდით ამაყობს, თუმცა სტადიონზე უფრო მეტი ქომაგი უნდა მოსულიყო.
– შეაფასეთ დღევანდელი მატჩი.
– პირველ რიგში, უნდა ვთქვა, რომ ვამაყობ, როგორც მწვრთნელი და ალბათ, მთელი საქართველო ამაყობს იმით, რომ ასეთი თამაში ჩაატარა საქართველოს ნაკრებმა ქართული ფეხბურთისთვის ასეთ რთულ პერიოდში. იქნებ, ბოლოს და ბოლოს რაღაც გამოვიდეს. საფრანგეთის ნაკრები არის გუნდი, რომელიც ასეთი დონის ვარსკვლავებით არის დაკომპლექტებული და მათ დღეს არაფერი დავუთმეთ. იმ ხალხმა, ალბათ წააგო, ვინც დღეს სტადიონზე არ მოვიდა, თუმცა ეს ჩვენზეც არის დამოკიდებული. ჩვენ მათ ჩვენი ცუდი შედეგებით ხელი ვკარით. ეს მხოლოდ ნახევარი საქმეა და ის ბოლომდე რომ მივიყვანოთ, ამისთვის ფინეთის ნაკრები უნდა დავამარცხოთ. იმედია, მომდევნო მატჩზე მეტი ხალხი მოვა.
– ვის გამოარჩევდით და რა გახდა ამ შედეგის ძირითადი მიზეზი?
– ვინმეს გამორჩევა რთულია. მთელმა გუნდმა, შეცვლებზე შემოსულმა ფეხბურთელებმა წვლილი შეიტანეს და გულშემატკივრებს ეს საღამო აჩუქეს. არ მჩვევია მატჩის შემდეგ ცალკეული ფეხბურთელების გამორჩევა. გუნდმა ბოლომდე იბრძოლა, თავი არ დაზოგა და ამისთვის მადლობას ვიხდი. თუ ვიბრძოლებთ ბოლომდე, ჩვენსას მივაღწევთ. გუნდში ახალგაზრდა მოთამაშეები გვყავს და ერთ-ორ წელიწადში ისინი მეტს გააკეთებენ. ვფიქრობ, მომავალ შესარჩევ ეტაპზე მიზანს რეალურად შევხედავთ თვალებში.
– მეორე ტაიმის საწყის 15 წუთში გუნდმა ყველაზე ძლიერად ითამაშა, ამ პერიოდში გვქონდა მომენტებიც. შესვენებაზე ეს დაავალეთ გუნდს?
– ჩვენ მეტისმეტად დავაფასეთ საფრანგეთი. ბიჭებს ვუთხარი, რომ მეტი ძალით წინ წასულიყვნენ. მეორე ტაიმის დებიუტში გუნდმა კარგად ითამაშა, ხალხიც გვერდში დაგვიდგა. ასეთი დონის გუნდის დამარცხება ადვილი არ არის. სახლში უკეთ ვთამაშობთ. ძლიერ სპარინგ-პარტნიორს თუ არ სურს, მას ძალით ვერ ჩამოიყვან, არადა, შინ ასეთი მატჩების ჩატარება თავდაჯერებას შეგვმატებდა.
– საფრანგეთის ნაკრებისგან მეტს ველოდით. ეს ხომ არ იყო მათი მხრიდან ქართველთა დაუფასებლობა?
– ისე ამბობ, თითქოს გეწყინა ეს შედეგი. ამაზე რომ გიპასუხო, ვინანებ, ამიტომ არ გეტყვი.
– გასახდელში ჩაეხუტეთ თარგამაძეს?
– კი. იგონებენ, თითქოს ნაკრებში დაძაბულობაა. რომელ ჩიტს მოაქვს ეს ამბები? ეს რა ბოღმა ჩიტი ყოფილა?!
– როგორ მოახერხებთ ფინეთის ნაკრებისთვის გუნდის ისე გადაწყობას, რომ პირველ ნომრად ითამაშოთ. საქართველოს ნაკრებს იმ მატჩში გამარჯვება სჭირდება.
– უნდა გავიმარჯვოთ, მაგრამ ეს არ ნიშნავს, რომ პირველივე წუთებიდან ხუთი თავდამსხმელი უნდა დავაყენოთ. ჩვენი ტაქტიკა რომ გავამხილოთ, შეიძლება მეტოქემ დაამუშაოს.
– დღეს სათამაშო დისციპლინაც იგრძნობოდა. რა განსახვავება იყო დღევანდელსა და აქამდე ჩატარებულ შეხვედრებს შორის?
– როცა ამხანაგურ შეხვედრებს ვიგებთ, ზოგიერთები ამბობენ, ეს რათ გვინდაო და როცა ვაგებთ, მაშინ მათთვის მნიშვნელოვანი ხდება ასეთი მატჩები. 31 მატჩიდან 19 გასვლაზე რომ ატარებ, 19-ივეს ვერ მოიგებ, თუმცა ფეხბურთელებმა უნდა შეიგნონ, რომ გუნდისთვის და ქვეყნისთვის ამხანაგური მატჩიც მნიშვნელოვანია და ოფიციალურიც. როცა გუნდში მოვედი, ვთქვი, რომ ჩემი გუნდი მოედანზე ბოლომდე იბრძოლებდა. ეს ის გუნდი აღარ არის, რომელიც 0:6 და 0:5 აგებდა. მაშინ ხალხი ტრიბუნაზე გინების მეტს არაფერს აკეთებდა, ანდაც სტადიონიდან მიდიოდნენ.
– ფინეთის ნაკრებთან თქვენს მე-11 გამარჯვებას მოიპოვებთ?
– დაპირებები არ მიყვარს. იმედი მაქვს, ჩემი გუნდი მომდევნო მატჩსაც ისე ითამაშებს, როგორც დღეს. ასეთ შემთხვევაში, ჩვენ მოვიგებთ. ხალხი კი, რომელიც სტადიონზე არ მოვა, ბევრს ინანებს.
– როგორც ჩანს, ეს არის გუნდის ოპტიმალური ტაქტიკა. გარკვეულმა ექსპერიმენტებმა არ გაამართლა. ყველაზე კარგად ამ ფორმაციით ვითამაშეთ და ასე გაგრძელდება?!
– ის ფეხბურთი უნდა ითამაშო, რაც შეგიძლია. ყაზახეთის ნაკრებტან გამართულ მატჩში ორი-სამი და ხუთი ფორვარდით ვითამაშეთ, მაგრამ მაინც წავაგეთ. დაცვაშიც უნდა შეგეძლოს ტამაში. რომ არ დააფასებ მეტოქეს, ასეტი იაღლიში მოგივა. ვფიქრობ, მსოფლიო ფეხბურთისთვის ეს უფრო დიდი სიურპრიზი იყო, ვიდრე ყაზახეთან ჩვენი მარცხი.
ბექა დოგრაშვილი
2014 წლის მსოფლიოს ჩემპიონატის შესარჩევი ეტაპის I ჯგუფში საქართველოსა და საფრანგეთის ეროვნულ ნაკრებთა შორის „დინამო არენაზე“ გამართული მატჩის შემდეგ სტუმართა მთავარი მწვრთნელი დიდიე დეშამი აშკარად უკმაყოფილო იყო. ფრანგი თავკაცის თქმით, მის ფეხბურთელებს მოედანზე მეტი უნდა ემუშავათ.
– რას გვეტყოდით მატჩზე?
– პირველ ტაიმში მომენტები გვქონდა, მაგრამ ვერ გამოვიყენეთ. საქართველოს ნაკრებმა კარგი შედეგი აჩვენა. მოედანზე მეტი სამუშაო უნდა შეგვესრულებინა.
– რატომ ვერ მოიგო საფრანგეთის ნაკრებმა?
– იმიტომ, რომ გოლი ვერ გავიტანეთ.
– რას დააბრალებდით ამ შედეგს?
– როგორც ჩანს, რაღაც დავაკელით. მეტი უნდა გაგვეკეთებინა. შეცდომები დავუშვით, განსაკუთრებით ცენტრალურ ხაზში.
– მთელმა გუნდა გაგიცრუათ იმედები?
– ასე ვერ ვიტყოდი. საქართველოს ნაკრები კარგად შეჯგუფებული თამაშობდა, რამაც საშუალება არ მოგვცა, მიზნისთვის მიგვეღწია. გამოვარჩევდი ოქრიაშვილის თამაშს, თუმცა მთელმა გუნდმა კარგი შეხვედრა ჩაატარა..
– გუშინ ამბობდით, რომ მიზანი 3 ქულის მოპოვება იყო. ეს ხომ არ იყო მეტოქის შეუფასებლობა? რამდენად რეალურია შანსი, რომ მსოფლიოს ჩემპიონატზე გახვიდეთ?
– რა თქმა უნდა, პირველ ადგილს ვეღარ დავიკავებთ, თანაც ესპანეთის ნაკრებმა თავისი მატჩი მოიგო, თუმცა მიზანი იქნება მეორე პოზიციაზე გასვლა.
– რა არის გამოსავალი?
– მეტი შეტევა და მომენტების გამოყენება. ასევე საჭიროა უფრო მეტი სწორი გადაცემა გავაკეთოთ. ეს არ არის სრული იმედგაცრუება. წინ კიდევ ორი მატჩია.
– გუნდი ჯგუფის მეორე ადგილზე გადის და უფრო პოზიტიური განწყობა თქვენთვის სასურველი არ იქნებოდა?!
– მეც ამის მომხრე ვარ. ჩვენი ამბიცია პირველ ადგილზე გასვლა იყო, თუმცა არც მეორე პოზიციაა ურიგო შედეგი.
– აშაკარა იყო, რომ შეტევითი ხაზი ძირითადად ორ ფეხბურთელზე გადიოდა – ფრანკ რიბერისა და მატიე ვალბუენაზე, თუმცა რიბერიმ ვერაფერი გააკეთა და ვერც ვალბუენას თამაშმა მოიტანა შედეგი. ეს იყო თქვენი ტაქტიკური შეცდომა თუ ისინი არ არიან სასურველ ფორმაში?
– ვერ დაგეთანხმებით. რიბერის წინააღმდეგ ორი-სამი ფეხბურთელი თამაშობდა და ის მაინც იძვრენდა თავს.
– ორი ფორმალური ტური დარჩა. მუნდიალზე გკითხავთ: რას გეგმავს დეშამი ამ ფორმაციის საფრანგეთის ნაკრებთან ერთად?
– ვეცდებით, რომ მსოფლიოს ჩემპიონატზე მაქსიმალური შედეგი ვაჩვენოთ.
– მომავალ მატჩებში რას გვპირდებით?
– ხარვეზების გამოსწორებასა და მეტ შეტევას.
ბექა დოგრაშვილი
2014 წლის მსოფლიოს ჩემპიონატის შესარჩევი ციკლის I ჯგუფის მატჩში საქართველომ “დინამო არენაზე” საფრანგეთის ნაკრებს უმასპინძლა. შეხვედრა დაძაბული გამოდგა და ის უგოლო ფრით დასრულდა, 0-0.
მატჩი დაბალ ტემპში, ფრანგების უპირატესობით დაიწყო. იმთავითვე აშკარა იყო, რომ ქართველები ფონს გასვლას კონტრშეტევებით ეცდებოდნენ, თუმცა საწყის წუთებში ფრანგები შეტევაზე მწვავედ არ გადმოდიოდნენ და არც სწრაფ გოლზე ჰქონიათ აქცენტი გაკეთებული. პირველი სახიფათო ეპიზოდი უეფას მიერ საუკეთესო ფეხბურთელად დასახელებულმა ფრანკ რიბერიმ შექმნა, როცა რამოდენიმე მეტოქეს გვერდი აუარა და საქმე კარში დარტყმამდეც მიიყვანა, მაგრამ მიზანმა უმტყუნა. პირველ ნახევარში სახიფათო მომენტების დეფიციტი იყო, თუმცა მეორე ტაიმში, ამ მხრივ, სიტუაცია გამოსწორდა და გუნდებმა ერთმანეთს შედარებით მაღალი ტემპი შესთავაზეს. ქეცბაიამ შესვენების შემდეგ კობახიძეს, ანანიძესა და ოქრიაშვილს პოზიციები შეუცვალა, რამაც მეტოქე ერთი ორად დააბნია. საქართველოს ნაკრები ფრანგთა ნახევარზე უფრო ორგანიზებულად და დამაჯერებლად მოქმედებდა. 50-ე წუთზე დაწინაურებაც შეგვეძლო: შეტევის მარჯვენა ფლანგზე ოქრიაშვილმა ბურთი მკერდით გელაშვილს დაუგდო, თვითონ კი საჯარიმოს მიუახლოვდა, თავის მხრივ, “ყარაბაღის” ფორვარდმა ბურთთან კობახიძე დატოვა, რომელმაც საჯარიმოში შეაღწია, ბურთი ოქრიაშვილს გადააწოდა, ამ უკანასკნელმა ერთი შეხებით დაარტყა, ბურთი ლორისმა მოიგერია, დამატებაზე თორნიკემ ორ ფრანგ მცველს დაასწრო და კვლავაც დაარტყა, თუმცა ბურთი ამჯერად ძელს მოხვდა. ამ მომენტმა ფრანგებზე ფსიქოლოგიურად ცუდად იმოქმედა. მათ თამაშში არაერთხელ ტექნიკურმა წუნმაც იჩინა თავი. ქართველები შეტევაზე გადასვლას კვლავ კონტრშეტევებით ცდილობდნენ, თუმცა ზოგჯერ ძალა არ ჰყოფნიდათ, ზოგჯერ კი მარტო მყოფ ფეხბურთელს პარტნიორები ვერ ეხმარებოდნენ. თუმცა ქეცბაიას ამ ტაქტიკამ ნელ-ნელა უფრო გაამართლა, რადგან საფრანგეთს გოლის გასატანად დიდი ძალებით უხდებოდა შეტევაზე გადასვლა, დაცვა კი, შესაბამისად, უსუსტდებოდათ. 68-ე წუთზე ევრამ შეტევის მარცხენა ფლანგიდან ჟინიაკის მისამართით მოახერხა ჩაწოდება, თუმცა გრიგალავამ საქმე დარტყმამდე არ მიიყვანა. არ შეიძლება, არ აღინიშნოს ქართველთა კაპიტნის, ჯაბა კანკავას საუცხოო თამაში მთელი მატჩის განმავლობაში, რომელიც კონკრეტულ სიტუაციებში სწრაფად და სწორად მოქმედებდა. ფრანგები შეტევებს კიდევ უფრო ამწვავებდნენ და 84-ე წუთზე მათ მიერ კარგად გათამაშებული კომბინაცია ფრანკ რიბერის უძლიერესი დარტყმით დასრულდა, რომელიც გიორგი ლორიამ მოიგერია. 91-ე წუთზე მოედნის ცენტრში ელგუჯა გრიგალაშვილის შეცდომას ჩვენი კარის მიმართულებით მწვავე შეტევა მოჰყვა: ვალბუენამ ბურთი მარტოდ მყოფ ჟირუს ჩაუწოდა, რომელმაც თავით დაარტყა, მაგრამ ლორიამ სასწაულებრივი რეაქცია გამოავლინა და ბურთი კუთხურზე გადააგდო. კუთხურის გათამაშების შემდეგ, რიბერის ჩაწოდებულს თავით სანია გამოეხმაურა, რომლის არანაკლებ სახიფათო დარტყმა კვლავაც ლორიამ მოიგერია. ბოლო წუთები საქართველოს ნაკრებმა შეტევაში გაატარა, თუმცა უშედეგოდ. მატჩის თურქ არბიტრს, ფირათ აიდინუსის კი ისღა დარჩენოდა, რომ შეხვედრა დაესრულებინა, 0-0.
ამგვარად, საქართველოს საფრანგეთს სერიოზული წინააღმდეგობა გაუწია და რაც მთავარია, ფრანგებს გეგმები აურია. მართალია, საქართველოს ნაკრები ჯგუფში კვლავაც მეოთხე ადგილს იკავებს, თუმცა უშუალო მეტოქე ფინეთთან სხვაობას ერთ ქულამდე ამცირებს. სამშაბათს, 21:00 საათზე კი “დინამო არენაზე” მის დამარცხებას შეეცდება.
მსოფლიო ჩემპიონატის შესარჩევი ციკლი
საქართველო 0-0 საფრანგეთი
I ჯგუფი
საქართველო: ლორია, ლობჟანიძე, გრიგალავა, კაშია, ამისულაშვილი, ხუბუტია, კანკავა, კობახიძე (გრიგალაშვილი 60′), გელაშვილი (დვალიშვილი 79′), ანანიძე (თარგამაძე 69′), ოქრიაშვილი.
მთავარი მწვრთნელი: თემურ ქეცბაია.
საფრანგეთი: ლორისი, სანია, კოსიელნი, აბიდალი, ევრა, გილავოგი (ნასრი 78′), სისოკო, რიბერი, ვალბუენა, ჟირუ, ბენზემა (ჟინიაკი 62′).
მთავარი მწვრთნელი: დიდიე დეშამი.
გაფრთხილებები: ოქრიაშვილი 37′, ლორია 87′.
მთავარი მსაჯი: ფირათ აიდინუსი (თურქეთი).
დღეს, 2014 წლის მსოფლიოს ჩემპიონატის შესარჩევი ეტაპის I ჯგუფში საქართველოს ნაკრები მორიგ მატჩს გამართავს. „ჯვაროსნები“ თბილისში, საფრანგეთის ნაკრებთან გაარკვევენ ურთიერთობას. ჯგუფს 11 ქულით ესპანეთის ნაკრები ლიდერობს, რომელსაც 1 ქულით ჩამორჩება საფრანგეთი. თავის მხრივ, “ფურია როხა” ფინეთს სტუმრობს. „დინამო არენაზე“ გასამართი მატჩი სტარტს 22:15 სათზე აიღებს. შეხვედრას თურქი არბიტრი ფირათ აიდინუსი მოემსახურება. მანამდე კი გთავაზობთ საქართველოსა და საფრანგეთის ნაკრებების შედარებით მონაცემებს.
| მსოფლიოს ჩემპიონატის შესარჩევი ეტაპი | ||
| საქართველო –საფრანგეთი (22:15 სთ) | ||
 |
 |
 |
|
მთავარი მსაჯი: ფირათ აიდინუსი (39 წლის, თურქეთი). ის საერთაშორისო მატჩებს 2006 წლიდან სჯის. 2012 წლის იანვრიდან კი უეფას ელიტარულ მსაჯთა კატეგორიაშია. შესახედაობისა და მსაჯობის სტილის გამო თურქეთში ამბობენ, რომ მას იტალიური სტილი აქვს. პროფესიით გეოლოგია.
|
||
|
მთავარი მწვრთნელი: თემურ ქეცბაია (45 წლის)
|
„დინამო არენა“, თბილისი
ეტევა 54 549 მაყურებელი.
|
მთავარი მწვრთნელი: დიდიე დეშამი (44 წლის) |
|
|
|
| ადგილი ფიფას რეიტინგში: 97-ე ადგილი უეფას რეიტინგში: მე-40 |
თემურ ქეცბაია: „ვეცდებით, რაც შეიძლება ორგანიზებულად ვითამაშოთ. ვეთამაშებით მსოფლიოს ერთ-ერთ საუკეთესო გუნდს და ეს არც ისე ადვილია. მთავარია, დაცვაში არ დავუშვათ შეცდომა და ჩვენს შანსს დაველოდოთ“.
|
ადგილი ფიფას რეიტინგში: 23-ე ადგილი უეფას რეიტინგში: მე-13 |
| გუნდის ღირებულება: 26.625.000 ევრო | დიდიე დეშამი: „3 ქულა აუცილებლად უნდა მოვიპოვოთ. ჩვენი მიზანი ჯგუფში მინიმუმ მე-2 ადგილის დაკავებაა, თუმცა ყველაფერი მიზნის მიხედვით არ ხდება. აქ 3 ქულისთვის ჩამოვედით“. | გუნდის ღირებულება: 361.500.000 ევრო |
| ყველაზე ძვირადღირებული ფეხბურთელი: გურამ კაშია (5 მლნ. ევრო) | ამინდი
|
ყველაზე ძვირადღირებული ფეხბურთელი: ფრანკ რიბერი (42 მლნ. ევრო) |
