ნიდერლანდების ეროვნული ნაკრების, ლონდონის “არსენალისა” და “მანჩესტერ იუნაიტედის” ყოფილმა თავდამსხმელმა ინგლისური საფეხბურთო ატმოსფეროს შესახებ ისაუბრა.
“ინგლისში ფანებმა საოცარი დაფასება იციან. როდესაც “ფენერბაჰჩესთან” ერთად “მანჩესტერ იუნაიტედის” წინააღმდეგ სათამაშოდ ჩამოვედი, ფანების მხრიდან ისევ ვიგრძენი უდიდესი პატივისცემა.
ინგლისი საცხოვრებლად დიდებული ქვეყანაა. ხალხი თბილი და მეგობრულია. როტედრამიდან ფრენას სულ რაღაც 40 წუთი სჭირდება, თუმცა სრულიად განსხვავებულ, უმშვენიერეს სამყაროში ხვდები.
ინგლისური ფეხბურთი შემეფერება. პრემიერლიგა მსოფლიოში ყველაზე ლამაზი ლიგაა. მოედნები ბილიარდის მაგიდებს ჰგავს. ყველა სტადიონი დიდი ზომისაა და გულშემატკივარი ყველას ბოლომდე ავსებს. ინგლისი ფეხბურთით სუნთქავს”, – ვან პერსის სიტყვები “მირორმა” გამოაქვეყნა.
შეგახსენებთ, რომ ნიდერლანდელი ფეხბურთელი ინგლისის პრემიერლიგაში 11 წლის განმავლობაში თამაშობდა. ის 2004–2012 წლებში “არსენალის”, 2012–2015 წლებში კი “მანჩესტერ იუნაიტედის” ღირსებას იცავდა, რომელთან ერთადაც 2012-2013 წლების სეზონში პრემიერლიგა მოიგო.
