Carlos Tevez – გვერდი 2 – Fanebi.Com – ფეხბურთი, კალათბურთი, რაგბი, სხვა

ტევესი: “ვცხოვრობდი იქ, სადაც ნარკოტიკები და მკვლელობები ცხოვრების შემადგენელი ნაწილი იყო”

Posted on მარტი 13, 2015 by ბექა დოგრაშვილი

ტურინის “იუვენტუსის” თავდამსხმელი კარლოს ტევესი გამოტყდა, რომ მტკიცე ხასიათის ჩამოყალიბებაში დიდი როლი იქონია იმან, რომ ის დაუცველ რაიონში ცხოვრობდა. არგენტინელი ამბობს, რომ ბედნიერია, რადგან თავის დროზე სწორი არჩევანი გააკეთა და საკუთარი ცხოვრება ფეხბურთს დაუკავშირა.

“ძალიან რთული ბავშვობა მქონდა. ვცხოვრობდი იქ, სადაც ნარკოტიკები და მკვლელობები ცხოვრების შემადგენელი ნაწილი იყო. სირთულეების გადატანა სწრაფად ზრდის საშუალებას გაძლევს. მე არასდროს მქონია შეხება ნარკოტიკებთან და მკვლელობასთან. გამიმართლა, რომ სწორი არჩევანი გავაკეთე”, – ტევესის სიტყვები ფიფას ოფიციალურ ვებგვერდზე გამოქვეყნდა.

ტევესი სამშობლოში ბრუნდება?

Posted on თებერვალი 23, 2015 by ბექა დოგრაშვილი

არგენტინელი ჟურნალისტი მიგელ ფერნანდესი იუწყება, რომ ტურინის “იუვენტუსის” თავდამსხმელი კარლოს ტევესი ზაფხულის სატრანსფერო პერიოდში მშობლიურ “ბოკა ხუნიორსში” გადავა.

ჟურნალისტი ამბობს, რომ მას ეს ინფორმაცია სანდო წყარომ მიაწოდა. ფერნანდესი აღნიშნავს, რომ არგენტინელ თავდამსხმელს “ბოკას” რიგებში თამაში 12 ან 19 ივლისს უკვე შეეძლება, როდესაც გუნდი შესაბამისად “კილმესს” და “კორდობას” დაუპირისპირდება.

აქვე გეტყვით იმასაც, რომ კარლოს ტევესს “იუვენტუსთან” მოქმედი კონტრაქტის ვადა 2016 წლის 30 ივნისს ეწურება.

ტევესი: “იტალიაში მოთამაშე ფეხბურთელებისთვის “ოქროს ბურთის” მოგება რთულია”

Posted on თებერვალი 4, 2015 by ბექა დოგრაშვილი

ტურინის “იუვენტუსის” თავდამსხმელმა კარლოს ტევესმა განაცხადა, რომ მისთვის და იტალიის სერია A-ში მოთამაშე სხვა ფეხბურთელებისთვის განსაკუთრებით ძნელია “ოქროს ბურთის” მოგება.

“ოქროს ბურთის” მოგება რთულია, მით უფრო, თუ იტალიური ფეხბურთის თავისებურებას გავითვალისწინებთ. სერია A-ში იმდენი გოლი არ გადის, რამდენიც სხვა ლიგებში.

ჩემპიონატის ზედიზედ ოთხჯერ მოგება ადვილი არ არის, თანაც ისეთ ლიგაში, რომელშიც ტაქტიკურ და ფიზიკურ მხარეს დიდი ყურადღება ექცევა. თუ მიჯრით მეოთხედაც გავხდებით ჩემპიონები, ეს ჩვენს ისტორიას კიდევ უფრო გაამდიდრებს”, – ციტირებს ტევესის სიტყვებს Goal.com-ი.

“დერბი დელა იტალია” ფრედ დასრულდა

Posted on იანვარი 7, 2015იანვარი 7, 2015 by ბექა დოგრაშვილი

იტალიის სერია A-ს XVII ტურის დასკვნითი და ცენტრალური მატჩი ტურინში გაიმართა, სადაც ადგილობრივმა “იუვენტუსმა” მილანის “ინტერი” მიიღო. შეხვედრაში მოვლენები საინტერესოდ წარიმართა და საბოლოო ჯამში, მატჩი ფრედ, ანგარიშით 1:1 დასრულდა.

ანგარიში შეხვედრის მეხუთე წუთზე გაიხსნა: მასპინძელთა ნახევარმცველმა არტურო ვიდალმა მეტოქის საჯარიმო მოედანზე ეფექტური მოძრაობით ხელსაყრელ პოზიციაზე გადაინაცვლა და კარლოს ტევესს საგოლე გადაცემა გაუკეთა, ამ უკანაკსნელმა კი ბურთი ახლო მანძილიდან ცარიელ კარში გადაგზავნა.

“ნერიაძურიმ” ანგარიშის გათანაბრება 64-ე წუთზე შეძლო: ფრედი გუარინის პასის შემდეგ მაურო იკარდიმ “იუვენტუსის” კარის შორეულ კუთხეში დაარტყა და წონასწორობა აღადგინა.

აღსანიშნავია, რომ მატჩის 54-ე წუთზე მოედანზე გამოვიდა “ინტერში” ახლადგადასული ლუკას პოდოლსკი, რომლისთვისაც ეს სადებიუტო შეხვედრა გახლდათ.

მატჩის 86-ე წუთზე უხეში თამაშისთვის მთავარმა არბიტრმა მოედნიდან მატეო კოვაჩიჩი გააძევა.

სატურნირო ცხრილს “იუვენტუსი” 40 ქულით ლიდერობს. “ინტერს” 22 ქულით მე-11 პოზიცია უკავია.

იტალიის სერია A
XVII ტური:
“იუვენტუსი” — “ინტერი” 1:1 (1:0)

გოლები: ტევესი 5′ — იკარდი 64′.
გაფრთხილებები: მორატა 71′, ბონუჩი 82′ — იკარდი 66′, რანოკია 67′, დამბროზიო 75′, ჟუანი 80′, მედელი 84′.
გაძევება: კოვაჩიჩი 86′.

ტევესმა მთელ ზურგზე ტატუ გაიკეთა

Posted on დეკემბერი 9, 2014დეკემბერი 9, 2014 by Alix

ტურინის „იუვენტუსის“ თავდამსხმელმა კარლოს ტევესმა მთელ ზრუგზე ტატუ გაიკეთა.

„დიდი მადლობა ჩინებული ხელოვნებისთვის“, – დაწერა არგენტინელმა თავისი ტვიტერის გვერდზე.

კარლოს ტევესი 2011 წლის შემდეგ ნაკრებში პირველად გამოიძახეს

Posted on ოქტომბერი 28, 2014ოქტომბერი 28, 2014 by ბექა დოგრაშვილი

არგენტინის ნაკრების მთავარმა მწვრთნელმა ხერარდო მარტინომ დაპირება შეასრულა — ტურინის “იუვენტუსის” თავდამსხმელი კარლოს ტევესი ეროვნულ გუნდში გამოძახებულია.

“ალბისელესტე” ნოემბრის თვეში ხორვატიისა (12 ნოემბერი) და პორტუგალიის (18 ნოემბერი) ნაკრებების წინააღმდეგ ამხანაგურ მატჩებს გამართავს.

ტევესი, რომელსაც არგენტინის ფეხბურთის ფედერაციასთან კონფლიქტი ჰქონდა, ეროვნულ გუნდში 2011 წლის შემდეგ პირველად გამოიძახეს.

არგენტინის ნაკრების განაცხადი ასე გამოიყურება:

მეკარეები: რომერო (“სამპდორია”), კაბალიერო (“მანჩესტერ სიტი”), გუზმანი (“ტიგრესი”);

მცველები: ოტამენდი (“ვალენსია”), დემიჩელისი (“მანჩესტერ სიტი”), როხო (“მანჩესტერ იუნაიტედი”), საბალეტა (“მანჩესტერ სიტი”), ფასიო (“ტოტენჰემი”), ფ. ფერნანდესი (“სუონსი”), გარაი (“ზენიტი”), რონკალია (“ჯენოა”), ანსალდი (“ატლეტიკო”);

ნახევარმცველები: მასკერანო (“ბარსელონა”), ბანეგა (“სევილია”), პერეირა (“იუვენტუსი”), ბილია (“ლაციო”), დი მარია (“მანჩესტერ იუნაიტედი”), ლამელა (“ტოტენჰემი”), პასტორე (“პარი სენ-ჟერმენი”), პერესი (“ბენფიკა”), გაიტანი (“ბენფიკა”);

თავდამსხმელები: მესი (“ბარსელონა”), ტევესი (“იუვენტუსი”), იგუაინი (“ნაპოლი”), აგუერო (“მანჩესტერ სიტი”).

კარლოს ტევესი — კვლავ სანაკრებო განაცხადს მიღმა

Posted on სექტემბერი 23, 2014 by ბექა დოგრაშვილი

ტურინის “იუვენტუსის” თავდამსხმელი კარლოს ტევესი კვლავ არგენტინის ნაკრების განაცხადს მიღმა დარჩა.

მიუხედავად იმისა, რომ არგენტინული პრესა აქტიურად წერდა, ტევესს ბრაზილიისა და ჰონგ-კონგის ნაკრებების წინააღმდეგ გასამართი ამხანაგური მატჩებისთვის ეროვნულ გუნდში უხმობენო, 30 წლის ფორვარდმა “ალბისელესტესგან” მოწვევა ვერც ამჯერად მიიღო.

სამაგიეროდ, არგენტინის ნაკრების ახლადდანიშნულმა თავკაცმა ხერარდო მარტინომ ნაკრებში “იუვენტუსის” ახალწვეულ რობერტო პერეირას უხმო.

არგენტნის ნაკრების განაცხადი დამდეგ ამხანაგური მატჩებისთვის ასეთია: მესი, მასკერანო, მუსაჩიო, იგუაინი, რომერო, რ. პერეირა, ბილია, პასტორე, აგუერო, საბალეტა, დემიჩელისი, დი მარია, როხო, ლამელა, ვერგინი, ფ. ფერნანდესი, ე. პერესი, გაიტანი, გუზმანი.

არგენტინის ნაკრები ბრაზლიის ეროვნულ გუნდს 11 ოქტომბერს, ჰონგ-კონგის ნაკრებს კი 14 ოქტომბერს გაეჯიბრება.

ტევესი: “დე იონგი მუდმივად მაკონტროლებდა, თუმცა მაინც გავიტანე”

Posted on სექტემბერი 21, 2014 by ბექა დოგრაშვილი

იტალიის სერია A-ს III ტურის ცენტრალური მატჩი “სან სიროზე” გაიმართა, სადაც “მილანმა” ტურინის “იუვენტუსი” მიიღო. შეხვედრა “ბებერმა სინიორას” გამარჯვებით დასრულდა. ერთადერთი გოლი მატჩის 71-ე წუთზე ტურინელთა არგენტინელმა თავდამსხმელმა კარლოს ტევესმა გაიტანა, რომელმაც მატჩის შემდეგ მცირე კომენტარი გააკეთა.

“ველოდით, რომ თამაში სწორედ ასე განვითარდებოდა. “მილანმა” სეზონი ორი გამარჯვებით დაიწყო, თუმცა ჩვენ საკუთარი თავის რწმენა არ დაგვიკარგავს. ახლა უფრო ხშირად სიღრმიდან ვთამაშობ და მომწონს ეს ახალი პოზიცია, მაგრამ დღეს გოლი გატანის ბევრი შანსი არ მომცემია. ნაიჯელ დე იონგი მუდმივად მაკონტროლებდა, თუმც გოლი მაინც გავიტანე”, – ციტირებს ტევესის სტყვებს Sky Sport Italia.

არგენტინელმა ფეხბურთელმა გატანილი გოლი ორიგინალურად აღნიშნა, ტრუსიდან საწოვარა ამოიღო.

“ეს ჩემს შვილს მივუძღვენი”, – აღნიშნა ტევესმა.

“იუვენტუსის” ლაზარეთს ტევესი შეუერთდა

Posted on სექტემბერი 11, 2014სექტემბერი 11, 2014 by ბექა დოგრაშვილი

ტურინის “იუვენტუსის” თავდამსხმელი კარლოს ტევესი დაშავდა.

არგენტინელმა ფეხბურთელმა ოთხშაბათის საწვრთნელ პროცესზე კუნთები დაიზიანა. პირველადი ინფორმაციით, ტევესი “უდინეზეს” წინააღმდეგ 13 სექტემბერს გასამართ მატჩს გამოტოვებს. გარდა ამისა, არგენტინელი თავდამსხმელის თამაში საეჭვოა ჩემპიონთა ლიგის ჯგუფურ ეტაპზე “მალმიოს” და სერია A-ს III ტურში “მილანის” წინააღმდეგ გასამართ შეხვედრებში.

შეგახსენებთ, რომ “იუვენტუსს” ასევე დაშავებული ჰყავს ანდრეა პირლო და არტურო ვიდალი.

FIFA 15 — ყველაზე მაღალრეიტინგული ცენტრალური თავდამსხმელები

Posted on აგვისტო 13, 2014 by ბექა დოგრაშვილი

ვიდეოთამაშ FIFA 15-ის გამოსვლამდე სულ ცოტა დრო რჩება, მანამდე კი ვებგვერდმა Purely Football იმ ცენტრალურ თავდამსხმელთა სავარაუდო სია გამოაქვეყნა, რომელთაც აღნიშნულ თამაშში ყველაზე მაღალი რეიტინგი ექნებათ.

Purely Football-ის ვერსიით, FIFA 15-ის ყველაზე მაღალრეიტინგული ცენტრალური ფორვარდები იქნებიან:

ადგილი:	მეკარე:		რეიტინგი:
12.		დიეგო კოსტა (“ჩელსი”)	86
11.		ედინსონ კავანი (“პსჟ”)	86
10.		კარლოს ტევესი (“იუვენტუსი”)	87
9.		კარიმ ბენზემა (“რეალი”)	87
8.		უეინ რუნი (“მანჩესტერ იუნაიტედი”)	87
7.		რობინ ვან პერსი (“მანჩესტერ იუნაიტედი”)	88
6.		რობერტ ლევანდოვსკი (“ბაიერნი”)	88
5.		სერხიო აგუერო (“მანჩესტერ სიტი”)	88
4.		რადამელ ფალკაო (“მონაკო”)	89
3.		ზლატან იბრაჰიმოვიჩი (“პსჟ”)	90
2.		ლუის სუარესი (“ბარსელონა”)	90
1.		ლიონელ მესი (“ბარსელონა”)	94

ტევესი არგენტინის ნაკრებში არგამოძახებას ხუმრობით გამოეხმაურა

Posted on მაისი 1, 2014მაისი 1, 2014 by ბექა დოგრაშვილი

ტურინის „იუვენტუსის“ არგენტინელი თავდამსხმელი კარლოს ტევესი შესანიშნავ ფორმაშია. 30 წლის ფორვარდს იტალიის ჩემპიონატის მიმდინარე გათამაშებაში ჩატარებულ 31 მატჩში 19 გოლი აქვს გატანილი და ბომბარდირთა დავაში თანაქალაქელი „ტორინოს“ თავდამსხმელ ჩირო იმობილეს მხოლოდ 2 ბურთით ჩამორჩება.

მიუხედავად ასეთი კარგი შედეგისა, არგენტინის ნაკრების მთავარი მწვრთნელი ალეხანდრო საბელია ტევესის სამუნდიალო განაცხადში შეყვანას ჯიუტად არ აპირებს, რასაც თავად ფეხბურთელი ხუმრობით გამოეხმაურა.

„ვფიქრობ, არგენტინის ნაკრების თავკაც საბელიას „სქაი“ (ტელეარხი) არ აქვს, რომ „იუვენტუსის“ მატჩებს უყუროს“, – აღნიშნა ტევესმა „სქაის“ ეთერში.

ბექა დოგრაშვილი

ტევესი: „ფინალში გასვლის კარგი შანსი გვაქვს“

Posted on აპრილი 25, 2014 by ბექა დოგრაშვილი

უეფას ევროპის ლიგის ნახევარფინალურ ეტაპზე ლისაბონის „ბენფიკასა“ და ტურინის „იუვენტუსს“ შორის გამართული პირველი შეხვედრა პორტუგალიელთა გამარჯვებით, ანგარიშით 2:1 დასრულდა. მატჩის შემდეგ „ბებერი ქალბატონის“ არგენტინელმა თავდამსხმელმა და ტურინელთა მხრიდან ერთადერთი გოლის ავტორმა კარლოს ტევესმა განაცხადა, რომ მის გუნდს ფინალში გასვლის კარგი შანსი აქვს.

„ჩემი გოლი იმაზე მეტყვებლებს, რომ ფინალში გასვლის შანსი ჯერ კიდევ გვაქვს. ჩემი აზრით, ფინალში გასვლის ძალიან კარგი შანსი გვაქვს. წყვილის გამარჯვებულის საკითხი ჯერ ღიად რჩება“, – ტევესის სიტყვებს Football italia ციტირებს.

„იუვენტუსსა“ და „ბენფიკას“ შორის განმეორებითი მატჩი ტურინში, 1-ელ მაისს გაიმართება.

ბექა დოგრაშვილი