“მანჩესტერ სიტის” თავდამსხმელმა სერხიო აგუერომ განაცხადა, რომ “ბარსელონას” ლიდერ ლიონელ მესის “ეტიჰადზე” ეპატიჟებოდა.
“რა თქმა უნდა, ვცდილობდი, ლეო “სიტისთან” კონტრაქტის გაფორმებაში დამერწმუნებინა. საოცარი რამ იქნებოდა, მსოფლიოს საუკეთესო ფეხბურთელი რომ შეგვეძინა, თუმცა იგი “ბარსელონას” ერთგულია.
არაერთხელ ვცადე მისი დარწმუნება, მაგრამ მეტს აღარ ვთხოვ. ვიცი, რომ ლეო “ბარსელონას” არ დატოვებს”, – აგუეროს სიტყვები “დეილი მეილმა” გამოაქვეყნა.
ცნობილმა ამერიკელმა მსახიობმა უილ სმიტმა სოციალური ქსელის მეშვეობით “მანჩესტერ სიტისა” და არგენტინის ნაკრების თავდამსხმელ სერხიო აგუეროს კოპა ამერიკის ტურნირზე წარმატება უსურვა.
“სერხიო აგუეროს კოპა ამერიკა 2015-ის მოგებას ვუსურვებ”, – დაწერა მსახიობმა და თან არგენტინელ ფეხბურთელთან ერთად გადაღებული ფოტოც გამოაქვეყნა.
თავის მხრივ, აგუერომ სმიტს მადლობა გადაუხადა:
“მადლობა, უილ! გეპატიჟები ნებისმიერ მატჩზე, რომლის ხილვაც მოგესურვება”.
ინგლისის პრემიერლიგის 2014/15 წლების სეზონის საუკეთესო ბომბარდირი “მანჩესტერ სიტის” თავდამსხმელი სერხიო აგუერო გახდა.
არგენტინელმა ფეხბურთელმა 33 მატჩში 26 გოლის გატანა მოახერხა. მეორე ადგილზე 21 გოლით “ტოტენჰემ ჰოთსპურის” ფორვარდი გარი კეინი გავიდა, ხოლო მესამე ადგილი ლონდონის “ჩელსის” თავდამსხმელმა დიეგო კოსტამ დაიკავა, რომელმაც 20 გოლი გაიტანა.
პრემიერლიგის საუკეთესო ასისტენტი “ჩელსის” ნახევარმცველი სესკ ფაბრეგასი გახდა.
ესპანელმა ფეხბურთელმა ჩემპიონატის მიმდინარეობისას 18 საგოლე გადაცემა გააკეთა. საუკეთესო ასისტენტების სიაში მეორე ადგილზე “არსენალის” ნახევარმცველი სანტი კასორლა გავიდა, რომელმაც 11 შედეგიანი პასი გააკეთა. მესამე-მეოთხე-მეხუთე ადგილები 10-10 საგოლე გადაცემით ანხელ დი მარიამ (“მანჩესტერ იუნაიტედი”), კრის ბრანტმა (“ვესტ ბრომვიჩი”) და გილფი სიგურდსონმა (“სუონსი სიტი”) დაიკავეს.
უეფას ჩემპოიონთა ლიგის მერვედფინალურ ეტაპზე “მანჩესტერ სიტი” “ბარსელონას” წინააღმდეგ გამართულ პირველ შეხვედრაში ანგარიშით 1:2 დამარცხდა. “ქალაქელთა” მხრიდან ერთადერთი გატანილი გოლის ავტორმა სერხიო აგუერომ მატჩზე კომენტარი სოციალური ქსელის მეშვეობით გააკეთა.
“ეს ის შედეგი არ არის, რომელიც ჩვენ გვსურდა, თუმცა დაპირისპირება ჯერ არ დასრულებულა. ჩვენ, როგორც ყოველთვის, ბოლომდე ვიბრძოლებთ. წინ, “მანჩესტერ სიტი”! – დაწერა სერხიო აგუერომ.
შეგახსენებთ, რომ “ბარსელონასა” და “მანჩესტერ სიტის” შორის განმეორებითი შეხვედრა 18 მარტს გაიმართება.
ინგლისის პრემიერლიგის 26-ე ტურში “მანჩესტერ სიტიმ” “ნიუკასლ იუნაიტედი” ანგარიშით 5:0 გაანადგურა.
მატჩის შემდეგ “ქალაქელთა” თავდამსხმელმა ედინ ჯეკომ თანაგუნდელი დავიდ სილვა შეაქო. სწორედ ესპანელი ნახევარმცველის გადაცემის შემდეგ გაიტანა ბოსნიელმა ფორვარდმა. მოგვიანებით დავიდ სილვამ საკუთარ ანგარიშზე საგოლე გადაცემასთან ერთად ორი გოლიც ჩაიწერა.
“სილვამ უმაღლესი დონის პასი მომცა. მე მას პრემიერლიგის საუკეთესო ფეხბურთელად ვთვლი. კარგია, რომ ჩვენ თანაგუნდელები ვართ. დავიდთან ერთად გოლს ყოველთვის გაიტან”, – ჯეკოს სიტყვები “სქაი სპორტსმა” გამოაქვეყნა.
“ბარსელონას” ნახევარმცველი ხავიერ მასკერანო თვლის, რომ “მანცესტერ სიტის” თავდამსხმელ სერხიო აგუეროს ლიონელ მესისთან შედარება არამართებულია.
“სერხიოც და ლეოც დიდი ნიჭის მქონე ფეხბურთელები არიან. აგუეროს გოლების გატანა კარგად გამოსდის, თუმცა მესისთან მისი შედარება არამართებულია, რადგან ლეო საუკეთესოა. მისი დონის მოთამაშე არ მოიძებნება.
რაც შეეხება “მანჩესტერ სიტის” თავკაცს, მანუელ პელეგრინი დიდებული მწვრთნელია, მას დიდ გუნდებში უმუშავია. პელეგრინი მშვიდი სპეციალისტია, რომელსაც ფეხბურთელები იოლად უგებენ”, – მასკერანოს სიტყვები A Bola-მ გამოაქვეყნა.
შეგახსენებთ, რომ უეფას ჩემპიონთა ლიგის მერვედფინალურ ეტაპზე “ბარსელონას” მეტოქე სწორედ “მანჩესტერ სიტია”. წყვილის პირველი მატჩი “ეტიჰადზე”, 24 თებერვალს გაიმართება.
2014 წლის დამლევს “მანჩესტერ სიტისა” და არგენტინის ნაკრების თავდამსხმელმა სერხიო აგუერომ ავტობიოგრაფიული წიგნი გამოსცა, რომელშიც მრავალ საინტერესო თემაზე საუბრობს. არგენტინელი ფეხბურთელის მიერ გამოცემული წიგნის ერთ-ერთი მონაკვეთი რობერტო მანჩინისა და მარიო ბალოტელის შორის არსებულ ურთიერთობა ეხება. როგორც მოგეხსენებათ, მათ “მანჩესტერ სიტიში” სამი წლის განმავლობაში უწევდათ თანამშრომლობა.
აგუერო წერს:
“ბალოტელისა და მანჩინის ურთიერთობა ხშირად ღიმილის მომგვრელი იყო. ისინი ერთმანეთს ისე ეჩხუბებოდნენ, როგორც კატა და ძაღლი. ერთმანეთს აგინებდნენ, უყვიროდნენ, თუმცა შემდეგ ისევ მამაშვილურად იქცეოდნენ.
საწვრთნელ მოედანზე ხშირად ვთამაშობდით ფეხბურთს ხუთი ხუთის წინააღმდეგ. მანჩინიც გვიერთდებოდა და მარიოს მოწინააღმდეგე გუნდში თამაშს ამჯობინებდა. რობერტო გვეუბნებოდა, რომ თამაშის დროს ისიც ჩვეულებრივი ფეხბურთელი იყო და არა – მწვრთნელი.
მანჩინი გვეუბნებოდა, რომ მისთვის ყველაფრის თქმა შეგვეძლო, რაც მოგვესურვებოდა. თამაშის დაწყებისთანავე ის და მარიო ერთმანეთს ურტყამდნენ, უყვიროდნენ. ასე გრძელდებოდა საფინალო სასტვენამდე. თამაშის დასრულებისას მანჩინი გვახსენებდა, რომ ის ჩვენი მწვრთნელი იყო.
მარიო მას ხანდახან ასეთ რამეს ეუბნებოდა: “უვარგისი ფეხბურთელი იყავი, თან მაშინ გაცილებით ადვილი იყო ფეხბურთის თამაში”. მანჩინი კი პასუხობდა: “შენ ვერც იმ პერიოდში ითამაშებდი და ვერც ახლა თამაშობ”. ძალიან სასაცილოები იყვნენ. მარიო რამდენიმე დღით იბუტებოდა, პატარა ბავშვივით იქცეოდა. მენატრება. მიუხედავად იმისა, რომ გიჟი იყო, დიდებული თვისებები ჰქონდა”.
ინგლისის პრემიერლიგის XV ტურში “მანჩესტერ სიტისა” და ლივერპულის “ევერტონს” შორის გამართულ მატჩში (1:0) “ქალაქელთა” თავდამსხმელმა სერხიო აგუერომ ტრავმა მიიღო.
კლუბის მთავარმა მწვრთნელმა მანუელ პელეგრინიმ განაცხადა, რომ არგენტინელ ფეხბურთელს მუხლის მყესები აქვს დაზიანებული.
შესაძლოა, აგუეროს ტრავმა სერიოზულიც კი აღმოჩნდეს, თუმცა ამაზე საუბარი ჯერ ადრეა.
“ვნახოთ, რას გვეტყვის ხვალ ექიმი, თუმცა დღეს უკვე გადაჭრით შემიძლია გითხრათ, რომ მომდევნო კვირას აგუერო ვერ ითამაშებს”, – ციტირებს პელეგრინის სიტყვებს “მირორი”.
ინგლისის პრემიერლიგის VIII ტურის გახსნითი მატჩი “ეტიჰადზე” შედგა, სადაც “მანჩესტერ სიტიმ” ჩრდილოლონდონური “ტოტენჰემ ჰოთსპური” მიიღო და მეტოქე ანგარიშით 4:1 დაამარცხა. მასპინძელთა მხრიდან პოკერი შეასრულა სერხიო აგუერომ, თუმც ორი ბურთი პენალტის საშუალებით გაიტანა. არგენტინელმა ფეხბურთელმა აღნიშნულ შეხვედრაში სულ 3 თერთმეტმეტრიანი დარტყმა შეასრულა. როგორც მოგახსენეთ, ორი გაიტანა, ერთხელ კი უგო ლორისმა აჯობა. “ტოტენჰემის” რიგებიდან ერთადერთი გოლი დანიელი ნახევარმცველის, კრისტიან ერიქსენის ანგარიშზეა. პენალტი “სიტის” კარის მიმართულებითაც დაინიშნა, თუმცა რობერტო სოლდადოს ჯო ჰარტმა აუღო.
ინგლისის პრემიერლიგის სატურნირო ცხრილის სანახავად გადადით ბმულზე: ცხრილები
“მანჩესტერ სიტიმ” გუნდის კიდევ ერთ ლიდერს გაუხანგრძლივა კონტრაქტი. ამჯერად “ქალაქელებმა” ხელშეკრულება თავდამსხმელ სერხიო აგუეროს გაუგრძელეს.
ახალი კონტრაქტის მიხედვით, არგენტინელი ფეხბურთელი “სიტიში” 2019 წლის 30 ივნისამდე დარჩება.
“მანჩესტერ სიტიში” გადმოსვლის პირველივე დღესვე გაჩნდა ჭორები ჩემი ესპანეთში დაბრუნების შესახებ. ხალხი ამ პროვოკაციას ეგებოდა, ყველა ინფორმაციას სერიოზულად იღებდა, თუმცა მინდა, დავარწმუნო “სიტის” ქომაგები, რომ გუნდში დავრჩები მანამ, სანამ კონტრაქტი არ ამოიწურება. ვცდილობ, რომ ყოველწლიურად უფრო კარგად ვითამაშო. გასული სეზონი უჩვეულოდ წარიმართა. ჩემთვის ორი ტიტული ცოტაა. მინდა, რომ თანაგუნდელებთან ერთად უფრო მეტს მივაღწიო.
“მანჩესტერ სიტი” განსაკუთრებული კლუბია. ქომაგები, სტადიონი, პერსონალი, ატმოსფერო, ინფრასტრუქტურა – ყველაფერი დიდებულია. უკვე მივაღწიეთ დიდ წარმატებებს, ბევრი ბედნიერი მომენტიც გამოვიარეთ, თუმცა აქ დარჩენის მთავარი მიზეზი ის გახლავთ, რომ ახალი ტიტულების დაუფლება მსურს. მინდა, რომ “სიტის” საუკეთესო წლები დავუთმო”, – სერხიო აგუეროს სიტყვები კლუბის ოფიციალურ ვებგვერდზე გამოქვეყნდა.
“მანჩესტერ სიტიმ” მანამდე შრომითი ხელშეკრულებები ალექსანდრ კოლაროვს, სამირ ნასრისა და ვენსან კომპანის გაუხანგრძლივა.
ვიდეოთამაშ FIFA 15-ის გამოსვლამდე სულ ცოტა დრო რჩება, მანამდე კი ვებგვერდმა Purely Football იმ ცენტრალურ თავდამსხმელთა სავარაუდო სია გამოაქვეყნა, რომელთაც აღნიშნულ თამაშში ყველაზე მაღალი რეიტინგი ექნებათ.
Purely Football-ის ვერსიით, FIFA 15-ის ყველაზე მაღალრეიტინგული ცენტრალური ფორვარდები იქნებიან:
| ადგილი: | მეკარე: | რეიტინგი: | |
| 12. |  |
დიეგო კოსტა (“ჩელსი”) | 86 |
| 11. |  |
ედინსონ კავანი (“პსჟ”) | 86 |
| 10. |  |
კარლოს ტევესი (“იუვენტუსი”) | 87 |
| 9. |  |
კარიმ ბენზემა (“რეალი”) | 87 |
| 8. |  |
უეინ რუნი (“მანჩესტერ იუნაიტედი”) | 87 |
| 7. |  |
რობინ ვან პერსი (“მანჩესტერ იუნაიტედი”) | 88 |
| 6. |  |
რობერტ ლევანდოვსკი (“ბაიერნი”) | 88 |
| 5. |  |
სერხიო აგუერო (“მანჩესტერ სიტი”) | 88 |
| 4. |  |
რადამელ ფალკაო (“მონაკო”) | 89 |
| 3. |  |
ზლატან იბრაჰიმოვიჩი (“პსჟ”) | 90 |
| 2. |  |
ლუის სუარესი (“ბარსელონა”) | 90 |
| 1. |  |
ლიონელ მესი (“ბარსელონა”) | 94 |
ვიდეოთამაშ FIFA 15-ის გამოსვლამდე სულ ცოტა დრო რჩება, მანამდე კი ვებგვერდმა Purely Football იმ ფეხბურთელთა სავარაუდო სია გამოაქვეყნა, რომელთაც აღნიშნულ თამაშში ყველაზე მაღალი რეიტინგი ექნებათ.
Purely Football-ის ვერსიით, FIFA 15-ის ყველაზე მაღალრეიტინგული მოთამაშეები იქნებიან:
| ადგილი: | ფეხბურთელი: | რეიტინგი: | |
| 10. | |
სერხიო აგუერო (“მანჩესტერ სიტი”) | 88 |
| 9. | |
რობერტ ლევანდოვსკი (“ბაიერნი”) | 88 |
| 8. |  |
იაია ტურე (“მანჩესტერ სიტი”) | 88 |
| 7. |  |
ფრანკ რიბერი (“ბაიერნი”) | 89 |
| 6. |  |
გარეტ ბეილი (“რეალი”) | 89 |
| 5. |  |
არიენ რობენი (“ბაიერნი”) | 89 |
| 4. | |
ლუის სუარესი (“ბარსელონა”) | 90 |
| 3. | |
ზლატან იბრაჰიმოვიჩი (“პსჟ”) | 91 |
| 2. |  |
კრიშტიანუ რონალდუ (“რეალი”) | 93 |
| 1. | |
ლეო მესი (“ბარსელონა”) | 94 |
