ჭდე: ჯანლუიჯი ბუფონი

მადრიდის “რეალმა” ჩემპიონთა ლიგის ნახევარფინალის საგზური “იუვენტუსთან” ბრძოლაში მოპოვებული გამარჯვების წყალობით მოიპოვა (4-3). არ არის გამორიცხული, რომ ეს ამ ტიტულის ბოლო შანსი იყოს ჯიჯისთვის, რაზეც ყურადღება ზიდანმაც გაამახვილა.

“რა თქმა უნდა, ვფქირობ, რომ ჯანლუიჯი ბუფონი ასე წასვლას არ იმსახურებდა. მაგრამ რას ვიზამთ, ვერ შევცვლით იმას, რაც უკვე მოხდა,” – აცხადებს ფრანგი სპეციალისტი.

ზიდანმა ბუფონის გაძევების მომენტიც გაიხსენა:”ის რაც მატჩის შემდეგ მოხდა, ჯანოლუიჯი ბუფონის ღვაწლზე და სახელზე ვერ იმოქმედებს, ვერაფერს შეცვლის.

ბუფონი მსოფლიოს ერთ-ერთი საუკეთესო ფეხბურთელია და დიდი იმედი მაქვს, რომ ეს მისი ბოლო სეზონი არ ყოფილა ჩემპიონთა ლიგაზე,” – დაამატა “რეალის” “ჩემპიონმა” დამრიგებელმა.

ჩემპიონთა ლიგის მეოთხედფინალურ ეტაპზე, მადრიდის “რეალთან” განცდილი დასანანი მარცხის (0-3) შემდეგ ჯანლუიჯი ბუფონმა პრესასთან პირველი კომენტარი უკვე გააკეთა და აღნიშნა, რომ ის ძალიან იმედგაცრუებულია.

“ვნახეთ, თუ რას წარმოადგენს რონალდუ და რა შეუძლია მას. ის უმაღლეს დონეზე იმყოფება ლეო მესისთან ერთად და ისინი უმაღლეს მწვერვალებს იპყრობენ. თამამად შემიძლია ვთქვა, რომ ისინი მარადონასა და პელეს დონეზე იმყოფებიან.

შეცდომები ყველას შეიძლება მოუვიდეს, განსაკუთრებით მაშინ, როდესაც უძლიერეს გუნდს ეთამაშები, ჩემპიონს, რომელიც დიდ ზეწოლას ახორციელებს შენზე.

ძალიან იმედგაცრუებული ვარ და ამავდროულად სინანულსაც ვგრძნობ, რადგანაც დიდი ალბათობით, ჩვენთვის ჩემპიონთა ლიგა დასრულებულია. თუმცაღა, როცა ასეთ ძლიერ მეტოქეს ხვდები, უნდა აღიარო, რომ ის უფრო ძლიერია,” – აცხადებს ლეგენდარული იტალიელი მეკარე.