მიუნხენის ბაიერნი – გვერდი 20 – Fanebi.Com – ფეხბურთი, კალათბურთი, რაგბი, სხვა

Fanebi.Com-ის ჟურნალის მე-15 ნომერი გამოქვეყნდა

Posted on აპრილი 20, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეთხუთმეტე ნომერი, რომელშიც წაიკითხავთ:

გვ. 2 — ჯენიფერ ლოპესი: „ფეხბურთი გვაერთიანებს“ (ინტერვიუ);
გვ. 3 — მუნდიალის თასი მსოფლიოს უკლებლივ ყველა ნაკრებს;
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 8 — ბექა გოცირიძე: „უმაღლესი ლიგის რამდენიმე გუნდმა სავარჯიშოდაც კი არ მიმიღო“ (ინტერვიუ).

შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal

ნომრის PDF ვერსია

20 აპრილის ნომრის გაცნობა აქვე შეგიძლიათ.

ჟურნალის მთავარი რედაქტორი: ბექა დოგრაშვილი

რიბერი: „ბაიერნის“ ფეხბურთელები იღლებიან, რადგან მანქანები არ არიან“

Posted on აპრილი 17, 2014აპრილი 17, 2014 by Alix

მუნხენის „ბაიერნის“ ნახევარმცველმა ფრანკ რიბერიმ ბუნდესლიგის ნაადრევ მოგებასთან დაკავშირებულ პრობლემებზე ისაუბრა.

„შესაძლოა, მიმდინარე სეზონში გერმანიის ჩემპიონები საკმაოდ ადრე გავხდით. ამ ყველაფერმა ჩვენს კონცენტრაციაზე იმოქმედა.

ჩვენ არა მანქანები, არამედ ადამიანები ვართ. შესაბამისად, ვიღლებით.

თითოეულ მოთამაშეს ყოველი მატჩის მოგება სურს, თუმცა ეს შეუძლებელია. გუნდი როგორც ერთი ორგანიზმი უნდა მოქმედებდეს. „ბაიერნი“ თავისთვის და გულშემატკივართათვის თამაშობს.

ყოველმა მოთამაშემ ძალები სათამაშო რითმი უნდა იპოვოს“, – განაცხადა რიბერიმ.

ალექსანდრე მატევოსოვი

კრიშტიანუ რონალდუ დღეში ხუთ საათს ვარჯიშობს, რათა „ბაიერნთან“ მატჩისთვის გამოჯანმრთელდეს

Posted on აპრილი 15, 2014 by Alix

მადრიდის „რეალის“ ლიდერი კრიშტიანუ რონალდუ დღეში ხუთ საათს ვარჯიშობს, რათა მიუნხენის „ბაიერნთან“ უეფა-ს ჩემპიონთა ლიგის 1/2-ფინალური მატჩისთვის გამოჯანმრთელდეს.

ხუთშაბათიდან რონალდუ ყოველდღე ორჯერ ვარჯიშობს, ჯამში კი ვარჯიშებს სწორედ ხუთ საათს ანდობს. როგორც ცნობილია, პორტუგალიელი ვარსკვლავი სატრენაჟორო დარბაზსა და აუზში მუშაობს, რის შესახებაც გამოცემა „AS“-ი წერს.

ამჟამად არსებული პროგნოზებით, პორტუგალიელი მიუნხენელებთან მატჩისთვის ბოლომდე უნდა გამოჯანმრთელდეს.

„ბაიერნთან“ პირველ შეხვედრას მადრიდელები 23 აპრილს სახლში გამართავენ, საპასუხო შეხვედრა კი 29 აპრილს შედგება.

შეგახსენებთ, რომ რონალდუ „ბარსელონასთან“ ესპანეთის თასის ფინალურ მატჩს გამოტოვებს, რომელიც ხვალ ჩატარდება.

ალექსანდრე მატევოსოვი

„Sky Germany“-ს ჟურნალისტი: „კროოსი თავისუფალი აგენტი გახდება“

Posted on აპრილი 13, 2014 by Alix

„Sky Germany“-ს ერთ-ერთმა ჟურნალისტმა იან ოგე ფიორტორფმა მიუნხენის „ბაიერნის“ ნახევარმცველის ტონი კროოსის სხვა კლუბში შესაძლო წასვლის შესახებ ისაუბრა.

„კროოსი „ბაიერნთან“ კონტრაქტს არ გაახანგრძლივებს და, დიდი ალბათობით, კლუბიდან თავისუფალი აგენტის სტატუსით წავა.

ბრაზილიაში ჩასატარებელი მსოფლიოს ჩემპიონატის წინ სიტუაცია არ შეიცვლება“, – დაწერა ფიორტორფმა თავისი ტვიტერის გვერდზე.

აქამდე გავრცელებული ინფორმაციით, კროოსის შეძენა „მანჩესტერ იუნაიტედის“ ხელმძღვანელებს სურთ.

ალექსანდრე მატევოსოვი

Fanebi.Com-ის ჟურნალის მე-14 ნომერი გამოქვეყნდა

Posted on აპრილი 13, 2014აპრილი 13, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეთოთხმეტე ნომერი, რომელშიც წაიკითხავთ:

გვ. 2-3 — ჩავი ფეხბურთს მიღმა (ინტერვიუ);
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 8 — ფორმატის მორიგი ცვლილება?

ნომრის PDF ვერსია

13 აპრილის ნომრის გაცნობა აქვე შეგიძლიათ.

ჟურნალის რედაქტორი: ბექა დოგრაშვილი

ნოიერი: „ძალიან მაინტერესებს, თუ როგორი ატმოსფერო იქნება მადრიდში“

Posted on აპრილი 12, 2014 by Alix

მიუნხენის „ბაიერნის“ მეკარემ მანუელ ნოიერმა განაცხადა, რომ „სანტიაგო ბერნაბეუზე“ ჩასვლას მოუთმენლად ელის.

„მოუთმენლად ველი იმ მომენტს, როდესაც „სანტიაგო ბერნაბეუზე“ დავბრუნდები. ამ სტადიონთან მრავალი კარგი მოგონება მაკავშირებს. ორი წლის წინ ამ არენაზე პენალტების სერია მოვიგეთ.

მაინტერესებს, თუ როგორი ატმოსფერი იქნება მადრიდში, რადგან „რეალი“ და „ატლეტიკო“ თავის პირველ მატჩებს სწორედ სახლში გამართავენ. სამშაბათს და ოთხშაბათს ქალაქში ნახევარფინალის მონაწილეთა ყველა გულშემატკივარი იქნება, რაც ძალიან საინტერესო უნდა იყოს“, – განაცხადა ნოიერმა.

ალექსანდრე მატევოსოვი

Fanebi.Com-ის ჟურნალის მე-13 ნომერი გამოქვეყნდა

Posted on აპრილი 6, 2014აპრილი 6, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეცამეტე ნომერი, რომელშიც წაიკითხავთ:

გვ. 2-3 — რის გამო უკრძალავს ფიფა „ბარსელონას“ ტრანსფერების განხორციელებას?
გვ. 4-5 — კვირის კარიკატურები;
გვ. 6-7 — კვირის ახალი ამბები;
გვ. 8 — რიბერი: „დღეს მე ჩემი სახეც მომწონს“.

კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal

ნომრის PDF ვერსია

6 აპრილის ნომრის გაცნობა აქვე შეგიძლიათ.

ჟურნალის რედაქტორი: ბექა დოგრაშვილი

Fanebi.Com-ის ჟურნალის მე-12 ნომერი გამოქვეყნდა

Posted on მარტი 30, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეთორმეტე ნომერი, რომელშიც წაიკითხავთ:

გვ. 2-3 — КГБ   —   World Cup 2018;
გვ. 4 — ფიფას რჩევები ტურისტებს   —   რამ გამოიწვია ბრაზილიელთა უკმაყოფილება?
გვ. 5 — მსოფლიოს ყველაზე მხიარული მეკარე;
გვ. 6-7 — კვირის   ახალი   ამბები;
გვ. 8 — კითხვები, რომლებზეც პასუხი ყველას აინტერესებს.

ნომრის PDF ვერსია

30 მარტის ნომრის გაცნობა აქვე შეგიძლიათ.

ჟურნალის რედაქტორი: ბექა დოგრაშვილი

მიუნხენის “ბაიერნის” ფეხბურთელებმა გამარჯვება გულშემატკივრებთან ერთად აღნიშნეს

Posted on მარტი 25, 2014 by -

22 მარტს, გერმანიის ბუნდესლიგაში, “მაინცმა” საკუთარ მოედანზე “ბაიერნი” მიიღო და მეტოქესთან ანგარიშით 0:2 დამარცხდა. აღსანიშნავია, რომ ამ მოგების შემდეგ, მიუნხენელები ჩემპიონობას კიდევ ერთი ნაბიჯით მიუახლოვდნენ.

ბავარიელებმა გამარჯვება გულშემატკივრებთან ერთად აღნიშნეს.

Fanebi.Com-ის ჟურნალის მე-11 ნომერი გამოქვეყნდა

Posted on მარტი 23, 2014მარტი 24, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეთერთმეტე ნომერი, რომელიც უპრეცენდენტოდ დიდი მოცულობისაა. დღევანდელი ნომერი 10 გვერდს მოიცავს.

ნომერში წაიკითხავთ:

მოტივაციის ნაკლებობა თუ დაუსჯელობის სინდრომი?
ლაშა წამალაშვილი: „მთავარი პრობლემა ბავშვების აღზრდა და მომავალია თაობაა“;
კვირის კარიკატურები;
კვირის ახალი ამბები;
ქარიზმატული მაესტრო.

ნომრის PDF ვერსია

23 მარტის ნომრის გაცნობა აქვე შეგიძლიათ.

ჟურნალის რედაქტორი: ბექა დოგრაშვილი

მოიესი: „წინ რთული გამოცდა გველის“

Posted on მარტი 21, 2014 by Alix

„მანჩესტერ იუნაიტედის“ მთავარმა მწვრთნელმა დევიდ მოიესმა უეფას ჩემპიონთა ლიგის 1/4 ფინალის კენჭისყრის შედეგი შეაფასა, რომლის მიხედვითაც, „წითელი ეშმაკების“ მეტოქე ევროპის ყველაზე პრესტიჟული საკლუბო ტურნირის მოქმედი გამარჯვებული მიუნხენის „ბაიერნი“ იქნება.

„მიხარია, რომ ამ კენჭისყრაში მონაწილეობა მივიღეთ. არამგონია, „ოლიმპიაკოსთან“ პირველი მატჩის შემდეგ 1/4 ფინალში გველოდნენ. ამიტომაც, მნიშვნელობა არ აქვს, თუ რომელი მეტოქე შეგვხვდა. თუმცა, ამავე დროს, სათქმელია, რომ ტურნირის ფავორიტთან თამაში მოგვიწევს, რადგან გასულ სეზონში ჩემპიონთა ლიგის გამარჯვებული სწორედ „ბაიერნი“ გახდა. წინ რთული გამოცდა გველის“, – განაცხადა მოიესმა.

ალექსანდრე მატევოსოვი

გვარდიოლა: „ჩემი მეუღლე არიენ რობენზე მეტ პრობლემას მიქმნის“

Posted on მარტი 19, 2014 by Alix

მიუნხენის „ბაიერნის“ მთავარმა მწვრთნელმა ხოსეპ გვარდიოლამ გუნდის შემადგენლკბის როტაციასთან დაკავშირებით იხუმრა.

„ჩემი მეუღე კრისტინა ჩვენი სათამაშო ტაქტიკით უკმაყოფილოა. იგი ყოველთვის მეუბნება, რომ შემადგენლობას არ უნდა ვცვლიდე. როტაციის სისტემის ახსნა მისთვის გაცილებით რთულია, ვიდრე, მაგალითად, არიენ რობენთან მისი სათადარიგოთა სკამზე დარჩენის მიზეზზე საუბარი“, – აღნიშნა ფეხბურთის ესპანელმა სპეციალისტმა.

ალექსანდრე მატევოსოვი