ჭდე: მალაგა

28 წლის მცველი მიგელ ტორესი კარიერას “მალაგაში” გააგრძელებს. მადრიდის “რეალის” ყოფილმა ფეხბურთელმა ანდალუსიურ კლუბთან კონტრაქტი “1+2” სქემით გააფორმა.

მიგელ ტორესის წარდგენა 18 აგვისტოს შედგება.

ესპანელი ფეხბურთელი “რეალის” აღზრდილია და “ბლანკოსის” რიგებში ორი სეზონის განმავლობაში გამოდიოდა. 2009 წელს ტორესი “ხეტაფეში” გადავიდა. გასული სეზონი ფეხბურთელმა ბერძნულ “ოლიმპიაკოსში” გაატარა და საბერძნეთის ჩემპიონობაც დაიბევა.

პორტუგალიურმა „ბენფიკამ“ ოფიციალურად გამოაცხადა, რომ გუნდმა მცველი ელიზეუ დაიმატა. 30 წლის ფეხბურთელი მანამდე ესპანური „მალაგას“ ღირსებას იცავდა.

ელიზეუმ „ბენფიკასთან“ კონტრაქტი „2+1“ სქემით გააფორმა.

ოფიციალურად ტრანსფერის დეტალები არ ხმაურდება, თუმცა სხვადასხვა წყაროების ცნობით, „არწივებმა“ პორტუგალიელი მცველის სანაცვლოდ 1,5 მილიონი ევრო გაიღეს.

აღსანიშნავია, რომ „მალაგამ“ ელიზეუსთან კონტრაქტი სულ რაღაც ერთი თვის წინათ გაახანგრძლივა, თუმცა ფეხბურთელის გუნდიდან გაშვებას მაინც დათანხმდა.