გამოვიდა Fanebi.com-ის ინტერნეტ-ჟურნალის მეცხრე ნომერი, რომლის დიდი ნაწილიც საფეხბურთო კლუბ „ბარსელონას“ ეხება.
ნომერში წაიკითხავთ:
სტუმრად „ბარსას“ მუზეუმში;
გარიცხავენ რუსეთს ფიფადან?
კვირის კარიკატურები;
დამსახურებული დასვენება.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
9 მარტის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
გამოვიდა Fanebi.com-ის ინტერნეტ-ჟურნალის მერვე ნომერი, რომელიც მთლიანად 2016 წლის ევროპის ჩემპიონატის შესარჩევი ეტაპის წილისყრის შედეგების შეფასებას ეხება.
ნომერში წაიკითხავთ:
ევრო-2016-ის შესარჩევი ეტაპი — გუნდების თავკაცების შეფასებები;
ევრო-2016-ის შესარჩევი ეტაპი — ჩვენი კალენდარი;
ისტორია, სტატისტიკა, შანსები.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
2 მარტის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
გამოვიდა Fanebi.com-ის ინტერნეტ-ჟურნალის მეშვიდე ნომერი, რომელშიც გაეცნობით შემდეგ მასალებს:
ნეიმარი: „არ ველოდი, თუ „ბარსელონასთან“ ადაპტაციას ასე მალე გავივლიდი“ (ინტერვიუ);
„ქართველი იბრაჰიმოვიჩი“ ევროჩემპიონატის შესარჩევი ეტაპის ყველაზე ახალგაზრდა მეგოლეთა შორის;
კვირის ახალი ამბები მოკლედ;
კვირის კარიკატურები;
ჟუნინინოს უმაღლესი სტანდარტი.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
23 თებერვლის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
გერმანიის ბუნდესლიგის 22-ე ტურში ლევან კობიაშვილის „ჰერტა“ „შტუტგარტს“ ესტუმრა და მეტოქე ანგარიშით 2:1 დაამარცხა, რაშიც ლომის წილი დაიდო ქართველმა ფეხბურთელმა. ანგარიში მე-5 წუთზე სწორედ კობიმ გახსნა, ქართველმა ფეხბურთელმა კუთხურის მოწოდების შემდეგ მასპინძელთა საჯარიმოში შექმნილი არეულობით ისარგებლა და დახლობით 11 მეტრის მანძილიდან გაიტანა. მე-40 წუთზე „შტუტგარტის“ კოტ დივუარელმა მცველმა არტურ ბოკამ წონასწორობა აღადგინა, თუმცა ბერლინელებმა გამარჯვების გოლის გატანა მაინც მოახერხეს: 87-ე წუთზე სანდრო ვაგნერმა გაიტანა, რომელიც მოედანზე შვიდი წუთის შესული იყო და „ჰერტას“ გამარჯვება მოუტანა – 1:2.
კობიაშვილი კვლავაც ცენტრალური მცველის პოზიციაზე ირჯებოდა, თუმცა 85-ე წუთზე მოედანზე ჯონ ბრუქსი შევიდა და ქართველმა ფეხბურთელმაც ნახევარდაცვაში გადაინაცვლა, შეხვედრა კი სრულად ჩაატარა.
ამრიგად, ქართველმა ფეხბურთელმა ბუნდესლიგაში ჩატარებულ 344-ე შეხვედრაში 32-ე გოლი მიითვალა.
„ჰერტა“ სატურნირო ცხრილში 32 ქულით მეშვიდე ადგილს იკავებს.
ბექა დოგრაშვილი
დღეს კვირა დღეა, შესაბამისად, გამოვიდა Fanebi.com-ის ინტერნეტ-ჟურნალის მეექვსე ნომერი, რომელიც ოდნავ სახეცვლილია. ვიფიქრეთ და გადავწყვიტეთ, რომ ჩვენი ჟურნალი ამიერიდან აღარ შემოგთავაზებთ ცნობილი ფეხბურთელების ფერად პოსტერებს. ორი ალტერნატივა გვქონდა: ან ეს შუა ორი გვერდი უნდა გაგვეუქმებინა და ჟურნალის ფორმატი შეგვემცირებინა, ან პოსტერის ნაცვლად თქვენთვის სხვა რუბრიკა შემოგვეთავაზებინა. ამ ეტაპზე გადაწყდა, რომ პოსტერის ნაცვლად ეს ორი გვერდი დაეთმობა კვირის საფეხბურთო ამბებსა და ომარ მომანის კვირის კარიკატურების განხილვას. საერთოდ კი, დღევანდელ ნომერში წაიკითხავთ:
მანუელ ნოიერი: „კარში დგომა არ მინდოდა“ (ინტერვიუ)
ქართული ფეხბურთის განვითარების პროგრამა
კვირის ამბები მოკლედ
კვირის კარიკატურები
ფეხბურთოლოგია
რამდენი წლისაა ჯოზეფ მინალა?
კიდევ ერთხელ შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
16 თებერვლის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
გერმანული “შტუტგარტის” სამწვრთნელო შტაბი ზამთრის პაუზის დროს გუნდის გაძლიერებას აპირებს. ამაზე ჟურნალისტებს კლუბის სპორტული დირექტორი ფრედი ბობიჩი ესაუბრა.
“6-7 მილიონის დახარჯვას ვაპირებთ, რათა მაღალი დონის ფეხბურთელი შევიძნოთ. ამ ეტაპზე რამოდენიმე მოთამაშეს ვაკვირდებით და არჩევანს საუკეთსო კანდიდატურაზე შევაჩერებთ. თუმცა, ამ თანხას მხოლოდ იმ შემთხვევაში დავხარჯავთ, თუ ასი პროცენტით ვიქნებით დარწმუნებულები, რომ ფეხბურთელი ჩვენს მოლოდინს გაამართლებს და კლუბს გააძლიერებს” – განაცხადა ბობიჩმა
გერმანიის ბუნდესლიგის მე-5 ტურის პირველ შეხვედრაში ”შტუტგარტი” გასვლაზე ”ჰერტას” დაუპირსპირდა და მინიმალური ანგარიშით სძლია.
აღნიშნული ტურის წინ ბერლინური კლუბი ”შტუტგარტს” ოთხი ქულით უსწრებდა, თუმცა მეტოქის დამარცხება სახლში ვერ მოახერხა. ერთადერთი გოლი მეორე ტაიმის მე-4 წუთზე კრისტიან გენტნერმა გაიტანა. ამ გამარჯვებით ტომას შნაიდერის გუნდი ათეულში შევიდა.
”ჰერტა” – ”შტუტგარტი” 0:1
გოლი: გენტნერი 49′
”ჰერტა”: კრაფტი, პეკარიკი, ვან დერ ბერგი, ბრუკსი, ჰოსოგაი, ბენ-ჰატირა (ალაგუი 84), სკელბრედი (შულცი 76′), ლუსტენბერგერი, რობი, ჩიგერჩი (ვაგნერ 76′), რამოსი
”შტუტგარტი”: ულრიხი, ბოკა, შვაბი, საკაი, რიუდიგერი, გენტნერი, კვირსტი, ლიაიტნერი (კაკაუ 89′), მაქსიმი (ტრაორე 58′), იბიშვიჩი, ვერნერი (ჰარნიკი 66′)
გაფრთხილებები: რონი – იბიშევიჩი
