8 აპრილს, ჩემპიონთა ლიგის გათამაშების მეოთხედფინალური ეტაპის განმეორებით შეხვედრაში, დორტმუნდის “ბორუსიამ” საკუთარ მოედანზე მადრიდის “რეალი” მიიღო და მეტოქე ანგარიშით 2:0 დაამარცხა.
აღნიშნულ შეხვედრაში, როისის მიერ მეორე გატანილი გოლის შემდეგ, კრიშტიანო რონალდუმ თანაგუნდელებს გააქტიურებისაკენ მოუწოდა.
მადრიდის „რეალის“ მცველმა სერხიო რამოსმა დორტმუნდის „ბორუსიასთან“ ჩატარებული მატჩი შეაფასა.
„ბორუსია“ პატივისცემას იმსახურებს. ეს ჩინებული გუნდია, რომელმაც დღეს თავისი ქომაგის მხარდაჭერა იგრძნო. გასული სეზონის გათამაშების ფინალში ეს გუნდი შემთხვევით არ გასულა.
პირველ მატჩში მოგების მიუხედავად, ცოტა მოვდუნდით. შედეგად, პრობლემებიც მივიღეთ. ჯამში კი, ვფიქრობ, შემდეგ ეტაპზე გასვლა დავიმსახურეთ“, – განაცხადა „ბლანკოსის“ მოთამაშემ.
ალექსანდრე მატევოსოვი
მადრიდის „რეალის“ მეკარე იკერ კასილიასი დორტმუნდის „ბორუსიასთან“ უეფა-ს ჩემპიონთა ლიგის 1/4-ფინალური მატჩის შემდეგ ჟურნალისტებს გაესაუბრა.
„ეს ძალიან ემოციური შეხვედრა გადმოგა, რომელიც ჩვენთვის რთული აღმოჩნდა. ამას ჯერ კიდევ პირველ თამაშში მივხვდით. თავის ცინებულ სტადიონზე „ბორუსია“ ყოველთვის მოტივრებულია.
კრიშტიანუ რონალდუს არყოფნამ შედეგზე გავლენა იქონია, რადგან იგი ჩვენი გუდნის ერთ-ერთი საუკეთესო მოთამაშეა. არის ადამიანთა ნაწილი, რომელიც მიიჩნევს, რომ რონალდუ „რეალის“ 80 პროცენტია. მე კი ვიტყოდი, რომ არც მეტი, არც ნაკლები, კრიშტიანუს ჩვენთვის შედეგი მოაქვს. სავარაუდოდ, ამას იგი დღესაც გააკეთებდა, თუ მოედანზე გამოვიდოდა“, – განაცხადა კასილიასმა.
ალექსანდრე მატევოსოვი
უეფა-ს ჩემპიონთა ლიიგს ნახევარფინალში გასვლის შემთხვევაში, დორტმუნდის „ბორუსიას“ ფეხბურთელები ბონუსებს მიიღებენ, რის შესახებაც ცნობილი გერმანული გამოცემა „Bild“-ი „ITV“-ზე დაყრდნობით წერს.
გამოცემის ცნობით, ყოველი მოთამაშე პრემიის სახით 100 ათას ევროს მიიღებს.
შეგახსენებთ, რომ პირველ შეხვედრაში დორტმუნდელბი გასვლაზე ანგარიშით 3:0 დამარცხდნენ.
განმეორებით მატჩი კი დღეს, თბილისის დროით 22 საათსა და 45 წუთზე დაიწყება.
ალექსანდრე მატევოსოვი
გამოვიდა Fanebi.com-ის ინტერნეტ-ჟურნალის მეცამეტე ნომერი, რომელშიც წაიკითხავთ:
გვ. 2-3 — რის გამო უკრძალავს ფიფა „ბარსელონას“ ტრანსფერების განხორციელებას?
გვ. 4-5 — კვირის კარიკატურები;
გვ. 6-7 — კვირის ახალი ამბები;
გვ. 8 — რიბერი: „დღეს მე ჩემი სახეც მომწონს“.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
6 აპრილის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
ჩემპიონთა ლიგის მეოთხედფინალური მატჩები დღესაც გაიმართება. მადრიდში, ადგილობრივი “რეალი” დორტმუნდის “ბორუსიას” მიიღებს, ხოლო პარიზში ურთიერთობას “პსჟ” და “ჩელსი” გაარკვევენ.
დორტმუნდელები მადრიდში გასამართ შეხვედრას დანაკლისით ხვდებიან. საინტერესოა, რომ გასულ წელს “რეალთან” გამარჯვებული შემადგენლობიდან დღეს “ბორუსიას” განაცხადში მხოლო ოთხი მოთამაშე იქნება. იურგენ კლოპს “სანტიაგო ბერნაბეუზე” სუბოტიჩი, ბენდერი, შმელცერი, გიუნდოგანი და ლევანდოვსკი ვერ დაეხმარებიან.
ცვლილებები “რეალშიც” არის, თუმცა მადრიდული კლუბის თამაში ამით არ დასუსტებულა. ანჩელოტის გუნდის მიმდინარე სეზონი ბოლო დროის ერთ-ერთი საუკეთესოა.
დღის ცენტრალურ დაპირისპირებას პარიზი უმასპინძლებს. ფრანგული კლუბი წელს ერთ-ერთი საუკეთესო სეზონს ატარებს. იბრაჰიმოვიჩს და კომპანიას მიმდინარე ჩემპიონთა ლიგაზე დიდი გეგმები აქვთ. თუმცა, პარიზელთა მთავარი პრობლემა შესაძლოა ის გახდეს, რომ “ჩელსის” დონის გუნდებთან მათ ხშირად არ უწევთ დაპირისპირება. ფრანგულ ჩემპიონატში მეტოქეების დიდ ნაწილს “პსჟ” ნახევარი ძალით უსწორდება.
“ჩელსის” ბანაკში სიტუაცია საპირისპიროა. პრემიერლიგის ყოველ ტურში “არისტოკრატები” ასი პროცენტით იხარჯებიან. მძიმე კონკურენციის პირობებში შესაძლოა ლონდონელებს დაღლილობა დაეტყოთ.
ბევრი ამ წყვილს იბრაჰიმოვიჩის და მოურინიოს პირად დაპირისპირებად აღიქვავს. ერთად ამ ორ გამორჩეულ პიროვნებას “ინტერში” უმუშავია, თუმცა მაშინ განსაკუთრებული ურთიერთობა არ ჩამოუყალიბდათ.
22:45 მადრიდი, “სანტიაგო ბერნაბეუ”
რეალი – ბორუსია
22:45 პარიზი, “პარკ დე პრენსი”
პსჟ – ჩელსი
გამოვიდა Fanebi.com-ის ინტერნეტ-ჟურნალის მეთორმეტე ნომერი, რომელშიც წაიკითხავთ:
გვ. 2-3 — КГБ — World Cup 2018;
გვ. 4 — ფიფას რჩევები ტურისტებს — რამ გამოიწვია ბრაზილიელთა უკმაყოფილება?
გვ. 5 — მსოფლიოს ყველაზე მხიარული მეკარე;
გვ. 6-7 — კვირის ახალი ამბები;
გვ. 8 — კითხვები, რომლებზეც პასუხი ყველას აინტერესებს.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
30 მარტის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
გამოვიდა Fanebi.com-ის ინტერნეტ-ჟურნალის მეთერთმეტე ნომერი, რომელიც უპრეცენდენტოდ დიდი მოცულობისაა. დღევანდელი ნომერი 10 გვერდს მოიცავს.
ნომერში წაიკითხავთ:
მოტივაციის ნაკლებობა თუ დაუსჯელობის სინდრომი?
ლაშა წამალაშვილი: „მთავარი პრობლემა ბავშვების აღზრდა და მომავალია თაობაა“;
კვირის კარიკატურები;
კვირის ახალი ამბები;
ქარიზმატული მაესტრო.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
23 მარტის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
Bleacher Report-მა გულშემატკივრებს ის შესაძლო დიდი ტრანსფერები გაახსენა, რომლებიც დიდი შანსი იყო, განხორციელებულიყო, თუმცა სხვადასხვა მიზეზთა გამო, ვერ მოხერხდა.
დევიდ ბექჰემი – “ბარსელონა”
2003 წელს, როცა სერ ალექს ფერგიუსონმა ბექჰემის “მანჩესტერ იუნაიტედიდან” გაშვება მოინდომა, ფეხბურთელის შეძენის სურვილი “ბარსელონამაც” გამოთქვა. Guardian-ის ცნობით, კატალონიურ გრანდს ნახევარმცველში 25 მილიონი ფუნტი უნდა გადაეხადა.
საბოლოოდ, ტრანსფერი არ შედგა. ჟოან ლაპორტას მალე “ბარსელონას” საპრეზიდენტო არჩევნებში მონაწილეობა უნდა მიეღო და ის გულშემატკივრების მოხიბვლას სუპერვარსკვლავების შეძენით ცდილობდა. ბექჰემმა კი თქვა: “მე პოლიტიკურ თამაშში მონაწილეობას არ ვაპირებ”. რამდენიმე კვირის შემდეგ, ის მადრიდის “რეალს” შეუერთდა.
სტივენ ჯერარდი – “ჩელსი”
მიუხედავად იმისა, რომ ბავშვობაში “ევერტონის” გულშემატკივარი იყო, სტივენი, ცხრა წლის ასაკში, “ლივერპულში” მოხვდა.
2004 წელს, Daily Mail-ი იუწყებოდა, რომ ჯერარდი “ჩელსიში” გადასასვლელად მზად იყო. ლონდონელები “ლივერპულს” 30 მილიონ ფუნტს უხდიდნენ. საბოლოოდ, გავრცელებული ინფორმაციის თანახმად, ტრანსფერი იმის გამო ჩაიშალა, რომ “ლივერპულის” გაბრაზებული ფანები ჯერარდის ოჯახზე ზეწოლას ახდენდნენ.
ზლატან იბრაჰიმოვიჩი – “არსენალი”
ზლატანს ჰოლანდიის, იტალიის, ესპანეთისა და საფრანგეთის საუკეთესო კლუბებში თამაშის გამოცდილება აქვს, მაგრამ მას ინგლისის პრემიერ ლიგაში არასოდეს უთამაშია.
ბევრმა არ იცის, რომ როცა იბრაჰიმოვიჩი 16 წლის ასაკში, “მალმიოს” ღირსებას იცავდა, ლონდონის “არსენალში” გადასვლასთან ძალიან ახლოს იყო. შვედი თავდამსხმელი “არსენალის” ბაზასაც ესტუმრა და კლუბის მაისურში გამოწყობილმა ფოტოც გადაიღო.
არსენ ვენგერს იბრაჰიმოვიჩის სინჯებზე ყოფნა გადაეწყვიტა, რაც თავად ახალგაზრდა ფეხბურთელს არ მოეწონა და მან ლონდონი დატოვა.
დიეგო მარადონა – “შეფილ იუნაიტედი”
ყველაზე ცნობილი ადამიანი, რომელსაც “შეფილდის” ფორმა მოურგია, მსახიობი შონ ბინია. თუმცა, დიეგო მარადონა, რომ “შეფილდში” გადასულიყო, მაშინ სიტუაცია სხვაგვარად იქნებოდა.
Daily Mail-ის ცნობით, 1978 წელს, როცა დიეგო 17 წლის ასაკში, “არგენტინოს ხუნიორსის” ღირსებას იცავდა, “შეფილდ იუნაიტედის” მთავარ მწვრთნელს, ჰარი ჰასლემს ის ძალიან მოეწონა. თუმცა, ტრანსფერი მაინც არ შედგა, ხოლო ამის მიზეზი კი ის გახლდათ, რომ ინგლისელებმა არგენტინულ კლუბს 200 000 ფუნტი ვერ გადაუხადეს.
საბოლოოდ, “შეფილდმა” მალე, 176 000 ფუნტის სანაცვლოდ, “რივერ პლეიტიდან” ალექს საბელა შეიძინა, რომელმაც 76 მატჩში, 8 გოლის გატანა მოახერხა.
ზინედინ ზიდანი – “ბლექბერნი”
1995 წელს, “ბლექბერნი” ზიდანის შეძენასთან ძალიან ახლოს იყო. გუნდის მთავარ მწვრთნელ კენი დაგლიშს “ბორდოს” ახალგაზრდა ფეხბურთელი ძალიან მოსწონდა, ამიტომ მან თავისი კლუბის ხელმძღვანებლებს მოთამაშის შეძენა სთხოვა. მაშინ, “ბლექბერნს” საკმაოდ შეძლებული პრეზიდენტი ჰყავდა, რომელმაც განაცხადა:“რატომ უნდა ვიყიდოთ ზინედინ ზიდანი, როცა ჩვენ ტიმ შერვუდი გვყავს?”
ცნობისთვის, 2008 წელს, “ბლექბერნს” რობერტ ლევანდოსვკიც უნდა შეეძინა. პოლონელი თავდამსხმელი ინგლისში ჩასასვლელად მზად იყო, სადაც კლუბთან კონტრაქტს გააფორმებდა. თუმცა, ვულკანის ფერფლის ამოფრქვევის გამო, ის დიდ ბრიტანეთში ვეღარ ჩაფრინდა და უკან დაბრუნდა.
რობინიო – “ჩელსი”
თითქმის გადაწყვეტილი იყო, რომ 2008 წლის ზაფხულის სატრანსფერო ფანჯრის ბოლო დღეს, რობინიო ლონდონის “ჩელსის” შეუერთდებოდა. ბრაზილიელმა თავდამსხმელმა მადრიდის “რეალის” დატოვების სურვილი არაერთხელ გამოთქვა, “სამეფო კლუბი” კი მის გასაშვებად მზად იყო.
2008 წელს, “ჩელსის” ლუიშ ფელიპე სკოლარი თავკაცობდა. რობინიომ კი თქვა: “ჩემი ოცნება, ლუიშ ფელიპე სკოლარისთან ერთად მუშაობაა, ის მსოფლიოს ერთ-ერთი საუკეთესო მწვრთნელია”.
თუმცა, “მანჩესტერ სიტის” მფლობელმა შეიხებმა ყველაფერი გააკეთეს იმისათვის, რომ რობინიო მათ გუნდში გადასულიყო. “სიტიმ” ბრაზილიელ ფეხბურთელში 32.5 მილიონი ფუნტი გადაიხადა.
ალან შირერი – “მანჩესტერ იუნაიტედი”
ლეგენდარული ინგლისელი თავდამსხმელი სერ ალექს ფერგიუსონის ყურადღების სფეროში 1992 წელს მოექცა. მაშინ, ალანი “საუთჰემპტონის” ღირსებას იცავდა.
“მანჩესტერ იუნაიტედი” ჩემით დაინტერესებული იყო. თუმცა, მითხრეს, რომ სამი-ოთხი კვირა უნდა მომეცადა, რადგან მათ ამ დროის განმავლობაში, ფული უნდა მოეგროვებინათ. ჩემი აზრით კი, თუ მათ ჩემი შეძენა მართლაც ძალიან სურდათ, ბევრს აღარ მალოდინებდნენ”, – განაცხადა შირერმა.
საბოლოოდ, ალანმა “ბლექბერნში” გადასვლა არჩია, სადაც პრემიერ ლიგის მოგება მოახერხა. შირერმა კლუბში ჩატარებულ 138 მატჩში, 112 გოლის გატანა მოახერხა.
BBC იუწყებოდა, რომ 1996 წელს, “მანჩესტერ იუნაიტედმა” შირერის შეძენის სურვილი კვლავაც გამოთქვა, მაგრამ მოთამაშემ მშობლიურ გუნდში, “ნიუკასლში” გადასვლა არჩია.
დიტო ჭიჭინაძე
როგორც მოგეხსენებათ, ჩემპიონთა ლიგის მეოთხედფინალურ ეტაპზე დორტმუნდის „ბორუსიას“ მეტოქედ მადრიდის „რეალი“ ერგო.
ბევრმა შარშანდელი ტურნირის ნახევარფინალური ეტაპი გაიხსენა, როდესაც გერმანელებმა „სამეფო კლუბი“ ორი მატჩის ჯამში ანგარიშით 4:3 დაამარცხეს, თუმცა ტრავმირებული, დისკვალიფიცირებული და გუნდიდან წასული ფეხბურთელების გამო, „ბორუსია“ თითქმის სრულიად სახეცვლილი გუნდია.
სურათზე ხედავთ, შარშანდელი „ბორუსიას“ სასტარტო შემადგენლობას, საიდანაც შვიდი მოთამაშე, ტრავმის, დისკვალიფიკაციისა და გუნდიდან წასვლის გამო, წლევანდელი წყვილის პირველ (და მეორე) მატჩში ვერ ითამაშებს.
ცნობისათვის, „რეალსა“ და „ბორუსიას“ შორის პირველი მატჩი 2 აპრილს, „სანტიაგო ბერნაბეუზე“ გაიმართება, განმეორებითი კი – 8 აპრილს, „სიგნალ-იდუნა პარკზე“.
ბექა დოგრაშვილი
გამოვიდა Fanebi.com-ის ინტერნეტ-ჟურნალის მეათე ნომერი. აღსანიშნავია, რომ ამ საიუბილეო ნომრის გამოსვლა ვებ-პორტალ Fanebi.com-ის ექვსი წლის იუბილეს დაემთხვა.
ნომერში წაიკითხავთ:
ფეხბურთელთა კონტრაქტების ყველაზე საინტერესო პუნქტები;
ფეხბურთი, როგორც რაგბის საწყისი;
კვირის კარიკატურები;
აგრესია ქართულ სტადიონებზე;
Fanebi.Com-ი 6 წლისაა !!!
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
16 მარტის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
გამოვიდა Fanebi.com-ის ინტერნეტ-ჟურნალის მეცხრე ნომერი, რომლის დიდი ნაწილიც საფეხბურთო კლუბ „ბარსელონას“ ეხება.
ნომერში წაიკითხავთ:
სტუმრად „ბარსას“ მუზეუმში;
გარიცხავენ რუსეთს ფიფადან?
კვირის კარიკატურები;
დამსახურებული დასვენება.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
9 მარტის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
