პორტუგალიის ეროვნული ნაკრების მთავარმა მწვრთნელმა პაულო ბენტუმ მსოფლიოს 2014 წლის ჩემპიონატისათვის 23-კაციანი განაცხადი წარადგინა.
მეკარეები: რუი პატრისიო, ბეტო, ედუარდო.
მცველები: ანდრე ალმეიდა, ბრუნო ალვეში, ფაბიო კოენტრაო, ჟოაო პერეირა, ნეტო, პეპე, რიკადრო კოშტა.
ნახევარმცველები: ჟოაო მოუტინიო, მიგელ ველოზუ, რაულ მეირელეში, რუბენ ამორიმი, უილიამ კარვალიო.
თავდამსხმელები: კრიშტიანო რონალდუ, ედერი, ჰელდერ პოშტიგა, უგო ალმეიდა, ნანი, რაფა, ვარელა, ვიერინია.
მადრიდის „რეალის“ ლიდერმა კრიშტიანუ რონალდუმ ესპანეთის პრიმერადივიზიონის 38-ე ტურში „ესპანიოლის“ წინააღმდეგ გამართულ მატჩამდე გახურებისას ტრავმა მიიღო.
შეგახსენებთ, რომ პორტუგალიელმა ფეხბურთელმა 7 მაისს, „ვალიადოლიდთან“ გამართული მატჩის მიმდინარეობისას მყესი დაიზიანა და შესაცვლელი შეიქნა, თუმცა მალევე მომჯობინდა და პრიმერადივიზიონის უკანასკნელ ტურში სათამაშოდ ემზადებოდა. გახურებისას რონალდუმ თავი შეუძლოდ იგრძნო და მინდორი დატოვა, სასტარტო შემადგენლობაში კი ის ისკომ ჩაანაცვლა.
პრიმერადივიზიონის ბოლო ტურის მატჩის გამოტოვებით პორტუგალიელმა „ოქროს ბუცის“ ერთპიროვნულად დაუფლების შანსიც დაკარგა, ვინაიდან, მის მსგავსად, 31 გოლი „ლივერპულის“ თავდამსხმელ ლუის სუარესს აქვს გატანილი. ახლა ეს საპატიო ჯილდო ამ ორ ფეხბურთელს შორის განაწილდება.
გარდა ამისა, რონალდუს თამაში ჩემპიონთა ლიგის ფინალურ მატჩშიც კითხვის ნიშნის ქვეშ დადგა. რაც შეეხება მსოფლიოს ჩემპიონატს, წესით და რიგით, პორტუგალიის ნაკრების კაპიტანმა მუნდიალამდე მომჯობინება უნდა მოასწროს.
ბექა დოგრაშვილი
გამოვიდა Fanebi.com-ის ინტერნეტ-ჟურნალის მეთვრამეტე ნომერი, რომელშიც წაიკითხავთ:
გვ. 2 — სპორტის სამინისტრომ ფეხბურთის განვითარების პროგრამა წარადგინა;
გვ. 3 — ჩემპიონთა ლიგის ფინალის მსაჯი – საინტერესო ფაქტები;
გვ. 4-6 — სუპერმენი მანჩესტერიდან;
გვ. 6 — კვირის ახალი ამბები;
გვ. 7-8 — კვირის კარიკატურები
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
11 მაისის ნომრის გაცნობა აქვე შეგიძლიათ
ჟურნალის მთავარი რედაქტორი: ბექა დოგრაშვილი
პორტუგალიის ნაკრების ლიდერმა კრიშტიანუ რონალდუმ მოახლოებული მსოფლიოს ჩემპიონატის შესახებ საკუთარი აზრი დააფიქსირა.
„მსოფლიოს ჩემპიონატზე ბევრი ნაკრებია, რომელთაგანაც შეიძლება ველოდოთ გამარჯვებას: საფრანგეთი, იტალია, გერმანია, არგენტინა. თუმცა, მე ტურნირის ფავორიტად ბრაზილიისა და ესპანეთის ნაკრებებს ვთვლი. ბრაზილიის მოედნებზე მსოფლიოს ჩემპიონატის თამაში უდიდესი გამოცდილებაა. იმედი მაქვს, ნაკრებთან ერთად მაქსიმალურად შორეულ ეტაპზე გავალ. შეგვიძლია თუ არა ფინალში გასვლა? მატჩიდან მატჩამდე ვითამაშებთ, ფეხბურთში ყველაფერი შესაძლებელია“, – რონალდუს სიტყვები „ტუტომერკატომ“ გამოაქვეყნა.
შეგახსენებთ, რომ პორტუგალიას G ჯგუფში მეტოქეებად გერმანიის, განისა და ამერიკის შეერთებული შტატების ნაკრებები ჰყავს.
გეტყვით იმასაც, რომ მსოფლიოს ჩემპიონატის დაწყებამდე 33 დღე დარჩა.
გამოვიდა Fanebi.com-ის ინტერნეტ-ჟურნალის მეჩვიდმეტე ნომერი, რომელშიც წაიკითხავთ:
გვ. 2 — პიარკამპანია ბანანით — დანი ალვესის მოქმედება დაგეგმილი იყო
გვ. 3 — ცხოვრება ოთხ ფერში
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 7-8 — ლევან კობიაშვილი: „ჩემს თავს ქართულ ფეხბურთში ვხედავ“ (ინტერვიუ)
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
4 მაისის ნომრის გაცნობა აქვე შეგიძლიათ
ჟურნალის მთავარი რედაქტორი: ბექა დოგრაშვილი
მიმდინარე სეზონში იტალია უეფა-ს კოეფიციენტთა ცხრილში მეხუთე ადგილზე დაქვეითდა.
პორტუგალიის მეოთხე ადგილზე გადასვლამ „ბენფიკას“ ევროპის ლიგის ფინალში გასვლამ განაპირობა.
აღსანიშნავია, რომ ცხრილში მომხდარი ცვლილებები ყოველი ქვეყნიდან ევროტურნირებზე კლუბთა რაოდენობაზე არ იმოქმედებს – როგორც პორტუგალიიდან, ასევე იტალიიდან, ჩემპიონთა ლიგაზე სამი კლუბი იასპარეზებს.
ალექსანდრე მატევოსოვი
გამოვიდა Fanebi.com-ის ინტერნეტ-ჟურნალის მეთექვსმეტე ნომერი, რომელშიც წაიკითხავთ:
გვ. 2-3 — ტიტო ვილანოვა (1968 – 2014)
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 8 — ვინ იქნება „მანჩესტერის“ მწვრთნელი?
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
27 აპრილის ნომრის გაცნობა აქვე შეგიძლიათ
ჟურნალის მთავარი რედაქტორი: ბექა დოგრაშვილი
რაც დრო გადის, მსოფლიოს 2014 წლის ჩემპიონატი მით უფრო გვიახლოვდება. ბრაზილიურმა გაზეთა Lance-მ კი საკმაოდ საინტერესო სტატია გამოაქვეყნა, რომელშიც ბრაზილიაში ჩასატარებელ მუნდიალზე მონაწილე გუნდების მოთხოვნებია თავმოყრილი.
ალჟირი: ნაკრების ყველა ფეხბურთელისა და ოფიციალური წარმომადგენლის ოთახში უნდა იდოს ყურანი.
ჩილეს: ყველა ოთახში ახლადშეძენილი საწოლი და ბრტყელეკრანიანი ტელევიზორი უნდა იყოს.
ეკვადორის: ყველა ოთახში ბანანებით სავსე კალათები უნდა იდოს.
კოლუმბია: კოლუბმბიელებმა “სან პაულუს” ხელმძღვანებლობას თხოვეს, რომ კლუბის თხუტმეტ ახალგაზრდა ფეხბურთელს ნაკრების ვარჯიშში მონაწილეობა მიეღო.
ურუგვაი: ურუგვაელები ითხოვენ, რომ ყველა ოთახში იყოს ისეთი კონდიციონერი, რომელსაც ხმა არ ექნება.
საფრანგეთი: ფრანგები ყველა სააბაზანო ოთახში თხევად საპონს ითხოვენ, ისინი სხვა სახის საპონს არ გამოიყენებენ.
ჰონდურასი: ჰონდურასელები ექვს ესპანურ და ორ ჰონდურასულ სატელევიზიო არხს ითხოვენ.
იაპონია: იაპონელები ყველა ოთახში ჯაკუზის ითხოვენ.
ავსტრალია: ავსტრალიელები მსოფლიოს ყველა კუთხიდან გაზეთებს ითხოვენ.
შვეიცარია: ორი მთავარი მოთხოვნა – სწრაფი ინტერნეტი და შვეიცარიული სატელევიზიო არხები.
პორტუგალია: პორტუგალიელებს ექვსი ადამიანი დაიცავს, აქედან ოთხი კი კრიშტიანო რონალდუს.
19 აპრილს, პორტუგალიის რანგით მეორე დივიზიონში, “ტონდელასა” და “სანტა კლარას” შორის გამართულ მატჩში (2:1), რაფაელ ბატატინიამ მეტოქეს ულამაზესი გოლი გაუტანა.
2014 წლის U18 ევროპის ჩემპიონატის ელიტ დივიზიონის მესამე, ფინალურ ტურში, მატჩში მეშვიდე ადგილისათვის საქართველოს ნაკრები პორტუგალიელ თანატოლებს დაუპირისპირდა. შეხვედრა პოლონეთის ქალაქ ოპალენიცას სტადიონზე გაიმართა და თბილისის დროით 13:00 საათზე დაიწყო. მიუხედავად იმისა, რომ ორგანიზატორებს ტურნირის ოფიციალურ ვებ-გვერდზე მატჩის პირდაპირ ეთერში სტრიმი ჰქონდათ დაანონსებული, ბმულზე შესვლისას ქომაგებს პარალერულად მიმდინარე იტალიისა და შოტლანდიის მატჩი დახვდათ. ორგანიზატორებმა მოგვიანებით, 16:00 საათზე ჩვენი 18 წლამდელების მატჩის ჩანაწერი დაუშვეს ვებგვერდზე.
მატჩის შესახებ – მესამე შეხვედრა, პირველი მოგება
პირველი ტაიმის დაწყებიდან რამოდენიმე წუთი იყო გასული, როდესაც პორტუგალიელებმა ანგარიშის გახსნა ჯარიმით შეძლეს. მოპოვებულ 3 ქულას მოწინააღმდეგემ ვეღარაფერი შემატა და შესაბამისად დადგა ქართველი 18 წლამდელების ჯერი – პორტუგალიის ნაკრებს ჯერ ბესიკ გოგოლაძემ დაუდო ლელო, ხოლო მოგვიანებით, ბექა გორგაძემ იყოჩაღა. ორივე ლელო დავით ლობჟანიძემ გარდასახა და საქართველო 14-3 დაწინაურდა. მოგვიანებით პორტუგალიელები გიორგი კოშაძემ დაამწუხრა. გარდასახვა ამჯერად გუნდის კაპიტანმა, ირაკლი სვანიძემ შეასრულა და პირველი ნახევარი, საქართველო 18 წლამდელთა ნაკრებმა 21-3 დაასრულა. მეორე ნახევარში უმცროს ბორჯღალოსნებს რამოდენიმეჯერ მიეცათ ანგარიშის გაზრდის შესაძლებლობა, რომელიც ლელოთი ვერ დასრულდა. თამაშისათვის განკუთვნილი დრო უკვე იწურებოდა, როდესაც მესამე ხაზელმა თორნიკე ზოიძემ მატჩის მეოთხე ლელო დადო. ამჯერად გარდასახვა არა ზუსტი აღმოჩნდა და მალევე გაისმა ფინალური სასტვენი. საქართველოს 18 წლამდე მორაგბეთა ნაკრებმა 26-3 დაამარცხა პორტუგალიის ნაკრები და ელიტ დივიზიონში ზედიზედ ორჯერ მეექვსე ადგილის მოპოვების შემდეგ, წელს ტურნირი მეშვიდე ადგილზე დაასრულა.
ელიტა ინგლისელმა 18 წლამდელებმა მოიგეს
წინა ტურში საქართველოს ნაკრებზე გამარჯვება, ელიტ დივიზიონის წლევანდელ გათამაშებაში ბოლო აღმოჩნდა იტალიისათვის, მუხუთე ადგილისათვის მატჩი მათ ილრანდიასთან 21-15 დათმეს და შესაბამისად მეექვსეზე გავიდნენ. უელსელმა 18 წლამდელებმა მესამე ადგილი საფრანგეთზე 31-30 მოგებით დაიკავეს. წლევანდელი ელიტ დივიზიონის ჩემპიონები კი ინგლისელი 18 წლამდელები გახდნენ, რომლებმაც ფინალში 30-14 დაამარცხეს ირლანდიის ნაკრები.
კომენტარი
დავით ჩავლეიშვილი, საქართველოს 18 წლამდელთა ნაკრების მთავარი მწვრთნელი
„ეს თამაში ბევრად უკეთესად ვითამაშეთ ვიდრე პირველი ორი. აქ უკვე გამოჩნდა, რომ გუნდში ნერვიულობა მოისპო და შესაბამისად ბიჭებმა უფრო ლაღად ითამაშეს. სამწუხაროდ ეს მხოლოდ ბოლო თამაშზე მოხდა. ბიჭები დარწმუნდნენ, რომ მაღალ დონეზე თამაში შეუძლიათ და მოიგეს.
„დღეს გუნდმა ის თამაში ანახა რაც შეუძლია. მთლიანობაში მიმაჩნია, რომ სათამაშო გამოცდილების ნაკლებობის ხარჯზე ვერ დავდეთ კარგი შედეგი და მეშვიდეზე გავედით. რაც მთავარია ხარვეზები და შეცდომები შევისწავლეთ, თბილისში ჩამოვალთ და ყველაფერს გავითვალისწინებთ.“
Rugby.GE
პორტუგალიის ჩემპიონატის 28-ე ტურში „ბენფიკამ“ „ოლიანენსე“ მიიღო და მეტოქე ანგარიშით 2:0 დაამარცხა. „ეშტადიუ და ლუჟზე“ გამართულ მატჩში ორივე გოლი ლისაბონელთა ბრაზილიელმა თავდამსხმელმა როდრიგო ლიმამ გაიტანა.
ამ გამარჯვებით „ბენფიკამ“ პორტუგალიის ჩემპიონატის გამარჯვებულის ტიტული გაინაღდა. ჩემპიონატის დასრულებამდე ორი ტურით ადრე ჟორჟე ჟეზუშის გუნდი მადევარ „სპორტინგს“ 7 ქულით უსწრებს და ამ სხვაობის აღმოფხვრის თეორული შანსიც აღარ არსებობს.
შეგახსენებთ, რომ უკანასკნელი სამი წელია, პორტუგალიის ჩემპიონი „პორტუ“ ხდებოდა, „ბენფიკა“ კი მეორე ადგილს იკავებდა.
„ბენფიკა“ პორტუგალიის ჩემპიონი 33-ედ გახდა, რაც ამ ტურნირის საუკეთესო მაჩვენებელია. „პორტუს“ პორტუგალიის ჩემპიონატი 27-ჯერ აქვს მოგებული.
ბექა დოგრაშვილი
გამოვიდა Fanebi.com-ის ინტერნეტ-ჟურნალის მეთხუთმეტე ნომერი, რომელშიც წაიკითხავთ:
გვ. 2 — ჯენიფერ ლოპესი: „ფეხბურთი გვაერთიანებს“ (ინტერვიუ);
გვ. 3 — მუნდიალის თასი მსოფლიოს უკლებლივ ყველა ნაკრებს;
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 8 — ბექა გოცირიძე: „უმაღლესი ლიგის რამდენიმე გუნდმა სავარჯიშოდაც კი არ მიმიღო“ (ინტერვიუ).
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
20 აპრილის ნომრის გაცნობა აქვე შეგიძლიათ.
ჟურნალის მთავარი რედაქტორი: ბექა დოგრაშვილი
