„მონაკოსა“ და კოლუმბიის ნაკრების თავდამსხმელი რადამელ ფალკაო იმედოვნებს, რომ იანვარში მიღებულ ტრავმას მსოფლიოს ჩემპიონატის დაწყებამდე მოიშუშებს და პლანეტი პირველობაში მონაწილეობის მიღებას მოახერხებს.
„ჩემი აღდგენითი პროცესი ნორმალურ ტემპში მიმდინარეობს. იმედია, მსოფლიოს ჩემპიონატისთვის უკვე მზად ვიქნები“, – განაცხადა კოლუმბიელმა.
ცნობისთვის, აქამდე არსებული ვარაუდით, „მონაკოს“ ფორვარდი ბრაზილიაში ჩასატარებელი ტურნირისთვის ვერ გამოჯანმთელდება.
ალექსანდრე მატევოსოვი
გამოვიდა Fanebi.com-ის ინტერნეტ-ჟურნალის მეცხრე ნომერი, რომლის დიდი ნაწილიც საფეხბურთო კლუბ „ბარსელონას“ ეხება.
ნომერში წაიკითხავთ:
სტუმრად „ბარსას“ მუზეუმში;
გარიცხავენ რუსეთს ფიფადან?
კვირის კარიკატურები;
დამსახურებული დასვენება.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
9 მარტის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
გამოვიდა Fanebi.com-ის ინტერნეტ-ჟურნალის მერვე ნომერი, რომელიც მთლიანად 2016 წლის ევროპის ჩემპიონატის შესარჩევი ეტაპის წილისყრის შედეგების შეფასებას ეხება.
ნომერში წაიკითხავთ:
ევრო-2016-ის შესარჩევი ეტაპი — გუნდების თავკაცების შეფასებები;
ევრო-2016-ის შესარჩევი ეტაპი — ჩვენი კალენდარი;
ისტორია, სტატისტიკა, შანსები.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
2 მარტის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
ზაფხულის სატრანსფერო ფანჯრის დროს „ტოტენჰემ ჰოთსპურისა“ და საფრანგეთის ნაკრების მეკარე უგო ლორისი, შესაძლოა, „მონაკოში“ გადაბარგდეს.
გავრცელებული ინფორმაციით, ლორისი ლიგა 1-ში მოასპარეზე კლუბის ერთ-ერთი მთავარი სამიზნე იქნება.
როგორც 27 წლის გოლკიპერმა აქამდე აღნიშნა, მას ჩემპიონთა ლიგაზე თამაშის სურვილი აქვს. შესაბამისად, იმ შემთხვევაში, თუ „ტოტენჰემი“ მიმდინარე სეზონში ევროპის ყველაზე პრესტიჟულ საკლუბო ტურნირზე ვერ გავა, ლორისის „მონაკოში“ გადასვლის შანსი უფრო გაიზრდება. თავის მხვრივ, „მონაკოს“ ჩემპიონთა ლიგაზე დაბრუნების ძალიან კარგი შანსი აქვს.
აქვე შეგახსენებთ, რომ უგო ლონდონურ კლუბს 2012 წელს შეუერთდა.
ალექსანდრე მატევოსოვი
გამოვიდა Fanebi.com-ის ინტერნეტ-ჟურნალის მეშვიდე ნომერი, რომელშიც გაეცნობით შემდეგ მასალებს:
ნეიმარი: „არ ველოდი, თუ „ბარსელონასთან“ ადაპტაციას ასე მალე გავივლიდი“ (ინტერვიუ);
„ქართველი იბრაჰიმოვიჩი“ ევროჩემპიონატის შესარჩევი ეტაპის ყველაზე ახალგაზრდა მეგოლეთა შორის;
კვირის ახალი ამბები მოკლედ;
კვირის კარიკატურები;
ჟუნინინოს უმაღლესი სტანდარტი.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
23 თებერვლის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
დღეს კვირა დღეა, შესაბამისად, გამოვიდა Fanebi.com-ის ინტერნეტ-ჟურნალის მეექვსე ნომერი, რომელიც ოდნავ სახეცვლილია. ვიფიქრეთ და გადავწყვიტეთ, რომ ჩვენი ჟურნალი ამიერიდან აღარ შემოგთავაზებთ ცნობილი ფეხბურთელების ფერად პოსტერებს. ორი ალტერნატივა გვქონდა: ან ეს შუა ორი გვერდი უნდა გაგვეუქმებინა და ჟურნალის ფორმატი შეგვემცირებინა, ან პოსტერის ნაცვლად თქვენთვის სხვა რუბრიკა შემოგვეთავაზებინა. ამ ეტაპზე გადაწყდა, რომ პოსტერის ნაცვლად ეს ორი გვერდი დაეთმობა კვირის საფეხბურთო ამბებსა და ომარ მომანის კვირის კარიკატურების განხილვას. საერთოდ კი, დღევანდელ ნომერში წაიკითხავთ:
მანუელ ნოიერი: „კარში დგომა არ მინდოდა“ (ინტერვიუ)
ქართული ფეხბურთის განვითარების პროგრამა
კვირის ამბები მოკლედ
კვირის კარიკატურები
ფეხბურთოლოგია
რამდენი წლისაა ჯოზეფ მინალა?
კიდევ ერთხელ შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
16 თებერვლის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
რამდენიმე ფრანგული კლუბი „მონაკოსა“ და საფრანგეთის ფეხბურთის ფედერაციას შორის გაფორმებული შეთანხმების გასაჩივრებას აპირებს.
„მონაკო“ მზად არის, საფრანგეთის ფეხბურთის ფედერაციას 50 მილიონი ევრო გადაუხადოს იმისთვის, რომ კლუბის შტაბ-ბინამ საფრანგეთის ტერიტორიაზე არ გადაინაცვლოდ და გადასახადების გადახდა საფრანგეთის კანონებით არ მოუწიოს.
ფრანგულ კლუბთა პრეზიდენტების უმრავლესობა თვლის, რომ „მონაკოს“ შეღავათიან პირობებს სთავაზობენ, რადგან ასეთი შეთანხმება არ ითვალისწინებს იმ სარგებლის კომპენსირებას, რომელსაც „წითელ-თეთრები“ დააგროვებენ სხვა ფრანგული კლუბებისგან განსხვავებით. ამიტომ, ფრანგული კლუბების პრეზიდენტები მოითხოვენ, რომ „მონაკოს“ შტაბ-ბინამ საფრანგეთში გადმოინაცვლოს და გადასახადების გადახდაც იმ ოდენობით დაეკისროს, რომელსაც საფრანგეთის ჩემპიონატში მოასპარეზე სხვა კლუბები იხდიან. ჯერჯერობით შვიდი ფრანგული კლუბია მზად, აღნიშნულ საჩივარზე ხელი მოაწეროს: „ბორდო“, „კანი“, „ლილი“, „ლორიანი“, „მარსელი“, „მონპელიე“, „პარი სენ-ჟერმენი“.
ბექა დოგრაშვილი
ფრანგული ,,მონაკოს” თავდამსხმელი რადამელ ფალკაო მკურნალობის მეორე ეტაპზე გადავა, რომელიც მუხლის ოპერაციის შემდეგ დაიწყება. – იუწყება უცხოური პრესა.
,,მონაკოს” ექიმები ადასტურებენ, რომ 28 წლის თავდამსხმელი, რომელსაც ჯერ კიდევ აქვს იმედი მსოფლიო ჩემპიონატში მონაწილეობაზე, უფრო და უფრო იზრდება მისი შანსები მონაწილეობის მიღებაზე.
აღდგენით მეორე ეტაპს ფალკაო მადრიდის ერთ-ერთ სპორტულ კლინიკაში, ,,მონაკოს” ექიმების მეთვალყურეობით გაივლის.
,,ჩვენი მიზანი ჩემპიონთა ლიგაზე მოხვედრაა, ამისთვის ყველაფერი უნდა გავაკეთოთ ამ სეზონში. ყველას უნდა ვაჩვენოთ, რომ შეგვიძლია ,,პსჟ-ს” დიდი კონკურენცია გავუწიოთ. გუშინ ჩვენთვის მნიშვნელოვანი იყო, რომ პსჟ-ს დიდი სხვაობით არ ჩამოვრჩენოდით. ჩვენ შორის დიდი ინტერვალი არ არის, ამიტომ ყველაფერი შეიძლება მოხდეს.” – ციტირებს ,,მონაკოს” მცველი უცხოურ პრესასთან ინტერვიუში.
გუშინ ,,პსჟ-ს” და ,,მონაკოს” დაპირისპირებაში ანგარიში პასტორემ გახსნა მე-9 წუთზე. 74-ე წუთზე ტიაგო სილვამ საკუთარ კარში გაიტანა გოლი (1-1).
საფრანგეთის ჩემპიონატის 24-ე ტურის ცენტრალური მატჩი მონაკოს „ლუი მეორის“ სტადიონზე შედგა, სადაც ადგილობრივმა კლუბმა გათამაშების ლიდერი „პარი სენ-ჟერმენი“ მიიღო.
ანგარიში პარიზელებმა გახსნეს. მე-8 წუთზე სტუმართა შემტევმა ნახევარმცველმა ხავიერ პასტორემ ზუსტი დარტყმით „პსჟ“ წინ გაიყვანა. ლორამ ბლანის გუნდს დიდი ხნის განმავლობაში ჰქონდათ უპირატესობა, თუმცა მატჩის დასრულებამდე დაახლოებით 15 წუთით ადრე ტიაგო სილვამ ბურთი საკუთარ კარში ჩაჭრა და ანგარიშიც გათანაბრდა. საბოლოოდ, მატჩი ფრედ, ანგარიშით 1:1 დასრულდა.
მასპინძელთა რიგებში დებიუტი ჰქონდა ბულგარელ თავდამსხმელ დიმიტარ ბერბატოვს, რომელიც მოედანზე 64-ე წუთზე შევიდა.
გუნდებმა სატურნირო ცხრილში პოზიციები შეინარჩუნეს. „პარი სენ-ჟერმენი“ გათამაშებას 55 ქულით ლიდერობს, მადევარ „მონაკოს“ 50 ქულა აქვს.
საფრანგეთის ჩემპიონატი
24-ე ტური
„მონაკო“—„პარი სენ-ჟერმენი“ 1:1 (0:1)
გოლები: ტიაგო სილვა 74′ (ა.გ.) — პასტორე 8′.
გაფრთხილებები: რიკარდუ კარვალიუ 36′, როდრიგესი 38′ — ვერატი 40′.
ბექა დოგრაშვილი
საფრანგეთის ჩემპიონატის 24-ე ტურის ცენტრალური მატჩი მონაკოში შედგება, სადაც ადგილობრივი კლუბი „პარი სენ-ჟერმენს“ მიიღებს. მოგეხსენებათ, ტიტულისთვის ბრძოლაში ეს ორი გუნდი ეცილება ერთმანეთს. პარიზელებს 54 ქულა აქვთ და სატურნირო ცხრილს ზევიდან დაჰყურებენ, მეორეადგილოსანი „მონაკო“ ლიდერს 5 ქულით ჩამორჩება და დღეს სხვაობის შემცირების შანსი ეძლება.
„პარი სენ-ჟერმენის“ ფეხბურთელები უკვე მონაკოში არიან და პორტში გასეირნებაც მოასწრეს.
მატჩი „მონაკოსა“ და „პსჟ“-ს შორის დღეს, თბილისის დროით 00:00 საათზე აიღებს სტარტს.
ბექა დოგრაშვილი
,,მონაკოს” მთავარი მწვრთნელი კლაუდიო რანიერი ფიქრობს, რომ მისი გუნდის თავდამსხმელი რადამელ ფალკაო გადალახავს რთულ ტრავმას და მსოფლიო ჩემპიონატზე გაემგზავრება.
კოლუმბიელმა თავდამსხმელმა სერიოზული დაზიანება იანვარში მიიღო. ექიმები ვარაუდობენ, რომ რადემელი მუნდიალამდე გამოჯნამრთელებას ვერ მოასწრებს.
,,მე ვესაუბრე ფალკაოს. იგი ძალიან გახარებული იყო რადგან ხედავს, რომ მუხლზე სწრაფი აღდგენა მიმდინარეობს. მე ვფიქრობ, რომ მას მსოფლიოზე წასვლის შანსი აქვს. ეს სასწაული იქნება” – განაცხადა რანიერიმ.
