ჭდე: თემურ ქეცბაია

საქართველოსა და ირლანდიის მატჩის დასრულების შემდეგ შეხვედრა საქართველოს ნაკრების მთავარმა მწვრთნელმა, თემურ ქეცბაიამ შეაფასა.

თემურ ქეცბაია: „დღევადელ შეხვედრაში წაგებას არ ვიმსახურებდით. ჩემი აზრით ფრე ლოგიკური შედეგი იქნებოდა. დღეს ნაჩვენებმი თამაში ის არ არის, რაც ყველას გვსურს, თუმცა, როცა ნაკრების დონეზე ფეხბურთელთა ფიზიკურ მზადყოფნაზე გვიწევს მუშაობა ამით ყველაფერია ნათქვამი. ფაქტია, რომ დღეს ქართულ ფეხბურთს ძალიან უჭირს.

ფეხბურთელებმა დავალებები 90 პროცენტით შეასრულეს, მაგრამ მატჩის ბედი ბოლო წუთზე დაშვებულმა შეცდომამ გადაწყვიტა. ოქრიაშვილის გაყვანას გაშვებულ გოლთან არანაირი კავშირი არ აქვს.

შეტევაში მეტი მოძრაობა გვსურდა და ამიტომ არჩევანი გელაშვილზე შევაჩერეთ, რომელმაც საკმოად კარგად ითამაშა. მჭედლიძე უფრო სტატიკური ფორვარდია, რომელიც ძირითადად საჯარიმოში თამაშობს.

დარწმუნებული ვარ ირლანდიელები დღევანდელი თამაშით უკმაყოფილოები არიან, თუმცა მათ სასურველ შედეგს მიაღწიეს. ეიდენ მაკგიდიმ მწვრთნელის დავალება ბოლომდე შეასრულა და საკუთარ გუნდს გამარჯვებაც მოუტანა. 

არიან ფეხბურთელები ვისგანაც წლების განმავლობაში პროგრესს ველით, თუმცა ისინი ჯერჯერობით მოლოდინს ვერ ამართლებდნენ. საქართველოს ჩემპიონატში კატასტროფული მდგომარეობაა. არ გვყავს შემტევი ფეხბურთელები, რომლებიც ნაკრებს პირველ ნომრად ათამაშებენ და გუნდის ლიდერის ფუნქციას იტვირთებენ. წინა ხაზში ოქრიაშვილის იმედზე ვიყავით, თუმცა ისიც დაიღალა. ბოლო წუთებზე უბრალოდ ვეღარ შევუტიეთ.  

ალბათ უკვე დროა, რომ ნაკრებიდან წასვლაზე დავიწყო ფიქრი. შემდეგ ორ თამაშს ჩავატარებთ და ყველაფერი ამის შემდეგ  გაირკვევა. ქართულ ფეხბურთში ისეთი ვითარებაა, რომ შედეგის მიღწევა ძალიან რთულია და თუ ჯგუფიდან გასვლის შანსი აღარ დაგვრჩება, არც ჩემს აქ ყოფნას ექნება აზრი.”

დღეს, საქართველოს ნაკრები ირლანდიასთან გასამართი მატჩისთვის შეიკრიბა და “დინამო არენაზე” პირველი ვარჯიშიც გამართა. მანამდე კი, ეროვნული გუნდის თავკაცმა თემურ ქეცბაიამ ჟურნალისტების კითხვებს უპასუხა.

თემურ ქეცბაია: “ახალ შესარჩევ ციკლს 7 სექტემბერს ირალანდიასთან მატჩით ვიწყებთ. ფეხბურთელთა უმრავლესობა უკვე ჩვენთან ერთად არის. დანარჩენები კი ხვალ შემოგვიერთდებიან და ერთად გავაგრძელებთ მზადებას მოახლოებული მატჩისთვის.

მოგეხსენებათ, საქართველოს ჩემპიონატჩი მოთამაშე ფეხბურთელებთან ერთად ერთი კვირაა ვემზადებოდით. უღრმესი მადლობა ყველას, ვინც ამ შეკრების ორგანიზებაში მიიღო მონაწილეობა, რომლითაც ძალიან კმაყოფილები ვართ. ორი ტესტ-მატჩითაც ვისიამოვნეთ და ყველაფერმა კარგად ჩაიარა. იმედი მაქვს, რომ ასე გავაგრძელებთ და ყველაფერი კარგად იქნება.

რევიშვილის საკითხთან დაკავშირებით, სიმართელე გითხრათ ალბათ მეტის ღირსიც ვარ. სულ რაღაც სამი თვის წინ “ტოსნოს” ხელმძღვანელობასთან მქონდა შეხვედრა, რომელზეც მთხოვეს, რომ რევიშვილი არ გამომეძახა, რადგან კლუბს ჩემპიონატჩი საკმაოდ მნიშვნელოვანი თამაშები უწევდა. იქიდან გამომდინარე, რომ რევიშვილს პირველ ნომრად არ მოვიაზრებ, ამ წინადადებაზე დავთანხმდი. ამ საკითხზე  “ტოსნოს” კიდევ ერთ ქართველ ფეხბურთელთან მქონდა საუბარი, რომელმაც ნაკრებში თამაშზე თანხმობა განაცხადა და ესპანური შეკრებისთვის ორივეს გამოძახება მსურდა. თუმცა, რევიშვილთან დაკავშირება ძალიან გვიან შევძელით და ის შეკრებაზე ვერ წამოვიდა. ინციდენტის შემდეგ რევიშვილი მაინც გამოვიძახე, თუმცა მან ჩამოსვლაზე უარი თქვა და თავი საკლუბო თამაშებით გაიმართლა. საბოლოოდ კი მაინც ყველაფერი ქეცბაიას ბრალდება.

ჩვენ ნაკრებში კვერკველიას ნაირი ხალხი გვჭირდება. ამ ბიჭს რუსეთის ნაკრებში ჰქონდა თამაშის საშუალება, თუმცა მან ყველაფერზე უარი თქვა და საქართველო აირჩია. საქართველოს ნაკრებში ითამაშებენ მხოლოდ ისინი, ვისასც ამის სურვილი აქვს.

რაც შეეხება ჩვენთან ერთად შეკრებაზე მყოფი ახალგაზრდული ნაკრების წევრებს. მათთვის უკეთსი იქნება თავის ასაკში ითამაშონ სანაკრებო დონეზე. სწორედ ისინი წარმოადგენენ ჩვენს მომავალს.

ორი წლის წინ ასაპრეზი ახალგაზრდა ფეხბურთელებს მივეცით. სიმართლე გითხრათ ამას საკმაოდ ბევრი კრიტიკა მოჰყვა. თუმცა, თუ მოკლე პერსპექტივაში შედეგს ვერ ხედავ გათვლა გრძელვადიან გეგმაზე უნდა გააკეთო, რაც ჩვენ განვახორციელეთ კიდეც. ეს ქართული ფეხბურთისთვის აუცილებელი იყო.

ჩვენი ნაკრების მოთამშეები თავიანთ კლუებშიც კი არ არიან წამყვან როლებზე. ქართულ ფეხბურთში მდგომარეობა საკმაოდ მძიმეა. სეზონის წინ საკმაოდ ბევრი ფეხბურთელი უგუნდოდ დარჩა და ჩვენი დახმარებით ამ მოთამაშეებმა კლუბები მონახეს. ნაკრების შეკრებაზე ფოფხაძე გამოვიძახეთ, რომელიც ამჟამად უგუნდოდ არის, რაც დაუშვებელია. სამწუხაროდ, ძალიან ბევრ მოთამაშეს აქვს მსგავსი პრობლემა. ჩვენი მეტოქე კი პრემიერლიგის გუნდების ფეხბურთელებით არის დაკომპლექტებული.

ნაკრებში ორი თავდამსხმელია გამოძახებული, რაც სრულიად საკმარისია. მოხარული ვარ, რომ მჭედლიძეს სათამაშო პრაქტიკა აქვს. ნაკრები ერთ ფორვარდით თამაშობს და ამ ეტაპზე მეტი შემტევი არ გვჭირდებოდა. ჭანტურია ახალგაზრდულ ნაკრებშია, ხოლო ვაწაძე დანიის მეორე ლიგაში ასპარეზობს. ამ ქვეყნის წამყვან კლუბებს ჩვენი გუნდები ევროთასებზე ამარცხებენ.

ირლანდიასთან წარამტების მიღწევის ერთადერთი შანსი მოედნის ყველა მონაკვეთზე ბოლომდე ბრძოლაა. თუ მეტოქეს ამ კომპონენტში ვაჯობეთ, შედეგი ჩვენთვის სასიკეთო იქნება.

ახალ შესარჩევს ციკლს დიდი იმედებით ვხვდებით. გავიდა დრო, გავაკეთეთ გარკვეული სამუშაო და ამბიციებიც გაიზარდა. ჩვენი სურვილია, რომ ამ ჯგუფიდან ფინალურ ეტაპზე მოვახერხოთ გასვლა.”

 

მარიამ ნიშნიანიძის ფოტოები

დღეს, სფფ-ის ტექნიკურ ცენტრ „ბასაზე“ საქართველოს ეროვნული ნაკრების შეკრება დაიწყო. თემურ ქეცბაიას გადაწყვეტილებით, ამ ეტაპზე, საქართველოს ჩემპიონატში მოთამაშე ფეხბურთელები სპეციალურ შეკრებას გაივლიან. ნაკრების ახალწვეულები დღეს, დღის 12 საათისთვის „ბასაზე“ შეიკრიბნენ:

მეკარები: ომარ მიგინეიშვილი („დინამო“ თბილისი), მაქსიმე ქვილითაია(„ჩიხურა“ საჩხერე), გიორგი ბეგაშვილი („სამტრედია“), გიორგი ნადირაძე(„სპარტაკი“, ცხინვალი)

მცველები: თედორე გრიგალაშვილი („ზესტაფონი“), თემურ ღონღაძე(„ჩიხურა“ საჩხერე), დავით კვირკველია („სამტრედია“), ნიკა ჭანტურია,გიორგი გველესიანი (ორივე „დინამო“ თბილისი), გიორგი ფოფხაძე (უგუნდოდ)

ნახევარმცველები: გიორგი პაპავა, გიორგი პაპუნაშვილი, ლაშა პარუნაშვილი, მათე ცინცაძე, ირაკლი ძარია (ყველა „დინამო“თბილისი), ჯამბულ ჯიღაური („ჩიხურა“ საჩხერე), ლევან შარიქაძე, ვახტანგ ჭანტურიშვილი (ორივე „ზესტაფონი“), გრიგოლდოლიძე („სამტრედია“)

თავდამსხმელები: გიორგი გაბედავა („სამტრედია“), გიორგი ჩირგაძე („დინამო“ თბილისი)

ნაკრებს ბევრი დებიუტანტი ჰყავს. ეროვნულ გუნდში დაწინაურდნენ საქართველოს ასაკობრივი ნაკრებების ახალგაზრდა ფეხბურთელები.

რაც შეეხება ლეგიონერებს, მათი საბოლოო სია მიმდინარე კვირის ბოლოს გახდება ცნობილი. ეროვნული გუნდის ოფიციალური შეკრება 1 სექტემბერს დაიწყება და ლეგიონერებთან ერთად, საქართველოს ჩემპიონატში მოთამაშე ფეხბურთელებიც მოემზადებიან.

1 სექტემბრამდე კი, ახლანდელ შეკრებაზე მყოფი ფეხბურთელები, 29 და 30 აგვისტოს ორ ამხანაგურ მატჩს გამართავენბოლნისის „სიონთან“ და ცხინვალის „სპარტაკთან“.

სამზადისის შესახებ, თემურ ქეცბაიამ მედიასთან ვრცლად ისაუბრა.

თემურ ქეცბაია: „დღეს, დავიწყებთ მზადებას საქართველოს ჩემპიონატში მოასპარეზე ფეხბურთელებთან ერთად. მინდა, დიდი მადლობა გადავუხადო კლუბებს, რომ მხარი დაგვიჭირეს და ნაკრების სამზადისის გამო, ჩემპიონატის ტური გადაიდო. 1 სექტემბრის შემდეგ, ეს ფეხბურთელები ლეგიონერებთან ერთად გააგრძელებენ შეკრებას და ვარჯიშს. ვინც თავს გამოიჩენს და დაამტკიცებს, რომ ნაკრებში თამაშს იმსახურებს, გუნდთან ერთად დარჩება. ძალიან კარგი ვქენით, ეს ფეხბურთელები რომ შევკრიბეთ. თუ დანაკლისი გვექნება, საძებარი არ გვეყოლება არავინ და გამოუვალ მდგომარეობაში არ ჩავვარდებით, რადგან რეზერვი მუდმივად იქნება.

ბევრი ახალგაზრდა ფეხბურთელი გამოვიძახეთ და ეს ძალიან კარგია. ამ ზაფხულს, ბევრი ქართველი ახალგაზრდა წავიდა ევროპაში სათამაშოდ. ახლა, მთავარია, გუნდებში ითამაშონ, რომ ამით ნაკრებსაც გამოადგნენ. ახლა, ეროვნულ გუნდში ერთად მომზადების შემდეგ, ამ ფეხბურთელების ნაწილი 21-წლამდე ნაკრებში ითამაშებს. ჩვენთან ერთად არიან 19-წლამდე ნაკრების ფეხბურთელები. შვეიცარიაში ჩატარებული ელიტრაუნდის შემდეგ, მათ მართლაც დაიმსახურეს ყურადღება. მიუხედავად იმისა, რომ ევროპის ჩემპიონაზე ვერ გავიდნენ, საქართველოს ნაკრები იქ მართლაც საუკეთესო იყო და ახლა ამ ბიჭებმა უკვე დიდ ნაკრებებში უნდა გამოიჩინონ თავი.

ისიც ძალიან კარგია, ქართული კლუბები ახალგაზრდებს რომ ათამაშებენ. ბოლოს, ზესტაფონი-დინამოს თამაშს დავესწარი და კმაყოფილი დავრჩი. ამას მე წლებია ვითხოვ, მაგრამ არავინ დამიჯერა და ახალგაზრდებს შანსი არ ეძლეოდათ. თუმცა, გუნდიდან ფეხბურთელების მასიური გაშვება და უგუნდოდ დატოვებაც ძალიან არ მომწონს. 16-გუნდიანი ჩემპიონატიც ნელ-ნელა ლაგდება. პირადად მე, ის მინდა, რომ  ყველა რაიონს ჰყავდეს გუნდი და ყველა ქალაქში იყოს ფეხბურთი. გვედავებოდნენ, სპორტული პრინციპიო… სპორტი აღარაა და რა პრინციპზე მელაპარაკებით?!

ჩვენ მაქსიმალურად კარგად მოვემზადებით და ყველაფერს გავაკეთებთ, რომ ეს შესარჩევი წარმატებით დავიწყოთ.

ისე, ძალიან უცნაური დამოკიდებულება გვაქვს – რა არის შოტლანდია, რა გუნდია ირლანდია, პოლონეთი ხომ საერთოდ! ასე არ შეიძლება… მიდგომა უნდა შეიცვალოს და ყველა მოწინააღმდეგე დავაფასოთ ჩვენც და გულშემატკივრებმაც.

ირლანდიელი ფეხბურთელები უმაღლეს დონეზე თამაშობენ. მაგრამ დადგა დრო, რომ ურთიერთშეხვედრებში ჩვენ მოვიგოთ. დღეს ვერავის ვერაფერს დაუმალავ; ერთმანეთზე ყველამ ყველაფერი იცის. როგორც ირლანდიელთა მწვრთნელი უყურებს ჩვენს თამაშებს, ისე მე ვადევნებ თვალს ყველაფერს. სწორი ანალიზი უნდა გააკეთო შენი და მოწინააღმდეგე გუნდის, რომ თამაშიდან სარგებელი შენ ნახო.

არ მიყვარს წინასწარ ლაპარაკი. ჩემთვის მთავარი შედეგია. რომ მკითხონ, კარგ თამაშს აირჩევ თუ მოგებასო, რა თქმა უნდა, მოგებას ავირჩევ!“

საქართველოს ეროვნული ნაკრები ყოველდღიურ ვარჯიშებს ტექნიკურ ცენტრ „ბასაზე“ გამართავს.

სფფ-ის პრესსამსახური

დადგა დრო, რომ ირლანდიას მოვუგოთ, – ამის შესახებ საფეხბურთო ცენტრ “ბასაში” გამართულ პრესკონფერენციაზე საქართველოს ნაკრების მთავარმა მწვრთნელმა, თემურ ქეცბაიამ განაცხადა. მისი თქმით, საქართველოს ირლანდიასთან ხუთი თამაში აქვს ჩატარებული და მათგან არც ერთი არ მოუგია.
“იმედი მაქვს, რომ ჩვენი ბიჭები გააკეთებენ იმას, რაც გასაკეთებელია და გაახარებენ გულშემატკივარს. ირლანდია საკმაოდ მაღალი დონის გუნდია. ყველა ფეხბურთელი მაღალ დონეზე თამაშობს. აქამდე 5 თამაში ვითამაშეთ და ვერც ერთი ვერ მოვუგეთ. დადგა დრო, რომ მოვუგოთ”, – განაცხადა თემურ ქეცბაიამ.
მისივე თქმით, ირლანდიის დონის გუნდებთან მხოლოდ საქართველოს ეროვნული ჩემპიონატის ფეხბურთელებით თამაში რთული იქნება.
“ირლანდიის დონის გუნდებთან მხოლოდ საქართველოს ეროვნული ჩემპიონატის ფეხბურთელების თამაში ძნელია. აქედან გამომდინარე,  უპირატესობა მიენიჭებათ ლეგიონერებს, რომლებიც უკვე თამაშობენ მაღალ დონეზე და არიან უფრო გამოცდილები. თუმცა შემადგენლობაში დარჩებიან ის ფეხბურთელებიც, რომლებიც თავს გამოიჩენენ”, – განაცხადა თემურ ქეცბაიამ.
ევროპის ჩემპიონატის შესარჩევი ეტაპის პირველი მატჩში საქართველო ირლანდიას თბილისში, “დინამო არენაზე” 7 სექტემბერს დაუპირისპირდება.

“ინტერპრესნიუსი”