1894 წლის 14 ივლისს უკრაინაში პირველი საფეხბურთო მატჩი გაიმართა. მაშინ ლვოვში ერთმანეთს უკრაინისა და პოლონეთის გუნდები დაუპირისპირდნენ.
იმ დღეებში ლვოვში იმდროისთვის ახალი ტექნოლოგიური მიღწევების გამოფენა ტარდებოდა. ქალაქის სტუმრების მიერ ტრამვაის ახალი ხაზის დემონსტრირებისას საერთაშორისო საფეხბურთო მატჩის გამართვა გადაწყდა, რომელშიც ერთმანეთს ქალაქ ლვოვისა და კრაკოვის წარმომადგენლები დაუპირისპირდნენ.
10 ათასი ტევადობის მქონე სტადიონზე დაახლოებით 3 ათასი მაყურებელი შეიკრიბა. მატჩი 7 წუთის განმავლობაში გაგრძელდა — პირველ გატანილ გოლამდე. მაშინ თამაშის კონკრეტული წესები არ იყო შემუშავებული. ერთი ძირითადი წესი კარში ბურთის გატანა გახლდათ. კარის ძელების მაგივრობას მიწაში ჩარჭობილი ალმები ასრულებდნენ.
უკრაინის ფეხბურთის ფედერაციის პრეზიდენტმა ანატოლი კონკოვმა 120 წლის იუბილე გულშემატკივრებს მიულოცა.
„დარწმუნებული ვარ, რომ უკრაინული ფეხბურთის მთავარი გამარჯვებები ჯერ კიდევ წინ არის. ჩვენი ნაკრების დონე, რომელიც პლანეტის მასშტაბით 20 საუკეთესო გუნდს შორისაა, ევროპულ ასპარეზზე ჩვენი კლუბების გამოსვლა ადასტურებს, რომ უკრაინული ფეხბურთი კონკურენტუნარიანია და კარგი პერსპექტივა აქვს“, – განაცხადა კონკოვმა.
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: 
