მიუნხენის „ბაიერნის“ თავდამსხმელმა რობერტ ლევანდოვსკიმ თავის ყოფილ კლუბთან გერმანიის სუპერთასის ანგარიშით 2:0 წაგებულ შეხვედრაზე ისაუბრა.
„რთლი წინასასეზონო მომზადების შემდეგ ეს მძიმე მატჩი იყო. ჩვენ მოგება გვსურდა, თუმცა დღეს „ბორუსია“ უფრო ძლიერი იყო. ახლა შემდეგ მატჩზე უნდა ვიფიქროთ, რომელიც გერმანიის თასზე გველის. ვფიქრობ, მას გაცილებით კარგად ჩავატარებთ. იმედია, ხავი მარტინესის ტრავმა სერიოზული არ არის“, – განაცხადა პოლონელმა ფორვარდმა.
ოდესღაც ეს მოთამაშეები ერთმანეთს ჩემპიონთა ლიგაზე უპირისპირდებოდნენ, დღეს კი, ისინი მხოლოდ ამხანაგური მატჩებით შემოიფარგლებიან.
მიუნხენის „ბაიერნისა“ და „მანჩესტერ იუნაიტედის“ ლეგენდებით დაკომპლექტებული გუნდების დაპირისპირება უხვგოლიანი გამოდგა, „ალიანც არენაზე“ მოსულმა გულშემატკივრებმა ექვსი გოლი იხილეს.
„ბაიერნის“ – „მაქნჩესტერ იუნაიტედი“ 3:3
გოლები: პაულო სერჟიო 11′, ელბერი 21′, ციკლერი 38′ – კოული 9′, სკოულზი 26′, კოული 83′
„ბაიერნის“ ლეგენდათა შემადგენლობაში შემდეგმა ფეხბურთელებმა ითამაშეს: ბუტი, იუნგანსი, ბაბელი, პფლიუგერი, კროიცერი, რობერტ კოვაჩი, ჩერნი, ვიტეჩეკი, ბრაიტნერი, ელბერი, ტონი, რუმენიგე, პაულო სერჟიო, შტერნკოპფი, გაუდინო, ციმერმანი, ვან ბომელი, შუპი, ციკლერი
„მანჩესტერ იუნაიტედის“ განაცხადი კი ასე გამოიყურებოდა: კუშჩაკი, მარტინი, ირვინი, იონსენი, სილვესტრი, ფილ ნევილი, ბრაიან რობსონი, ტორნლი, ბლუმკვისტი, სკოულზი, ფორჩუნი, ენდი კოული, იორკი, დაბლინი
ავტორიტეტული ესპანური გამოცემის „მარკას“ ცნობით, მიუნხენის „ბაიერნი“ მადრიდის „რეალის“ ნახევარმცველის სამი ხედირას შეძენას ეცდება. კლუბის ხელმძღვანელობა მზადაა, ფეხბურთელს ის ხელფასი გადაუხადოს, რომელსაც იგი მოითხოვს.
„ბლანკოსის“ მოთამაშეს გერმანიის ჩემპიონები ტონი კროოსის შემცვლელად მოიაზრებენ, რომელიც არც ისე დიდი ხნის წინ სწორედ „რეალში“ გადაბარგდა.
შეგახსენებთ, რომ ხედირას შეძენით აქტიურად ლონდონის „არსენალი“ ინტერესდებოდა, თუმცა მხარეებმა შეთანხმება ვერ შეძლეს.
ცნობილი გერმანელი ნახევარმცველის მარიო გიოტცეს უმცროსი ძმა, 16 წლის ფელიქს გიოტცე დორტმუნდის „ბორუსიადან“ მიუნხენის „ბაიერნში“ გადაბარგდა.
„ფელიქსმა „ბორუსია“ ნამდვილად დატოვა და „ბაიერნს“ შეუერთდა“, – განაცხადა მიუნხენური კლუბის წარმომადგენელმა მიხაელ ტარნატმა.
ამრიგად, მომავალში ფელიქსს თავის ძმასთან ერთ გუნდში თამაშის შანსი გაუჩნდა.
ჰოლანდიის ნაკრებისა და მიუნხენის „ბაიერნის“ ნახევარმცველმა არიენ რობენმა უეფა-ს ჩემპიონთა ლიგის მოახლოებული ფინალის შესახებ ისაბრა.
„ხვალ ჩემპიონთა ლიგის ფინალის ყურება ტელევიზორში მომიწევს. ამის გაკეთება რთული იქნება, თუმცა უნდა შევეჩვიო.
სხვა მხვრივ, დასვენებით მსოფლიოს ჩემპიონატისთვის სათანადოდ მოვემზადები. ამის მიუხედავად, თუ არჩევანის უფლება მექნებოდა, რა თქმა უნდა, ხვალ ლისაბონში თამაშს ვამჯობინებდი“, – განაცხადა ჰოლანდიელმა შუახაზელმა.
ალექსანდრე მატევოსოვი
მიუნხენის „ბაიერნის“ სამედიცინო შტაბმა მეკარე მანუელ ნოიერისა და მცველ ფილიპ ლამის ტრავმები შეაფასა. შეგახსენებთ, რომ ორივე ფეხბურთელი დორტმუნდის „ბორუსიასთან“ თასის ფინალურ მატჩში დაშავდა.
როგორც გაირკვა, მიუნხენური კლუბის სამედიცინო შტაბმა ნოიერსა და ლამს ბრაზილიაში ჩასატარებელ მსოფლიოს ჩემპიონატზე თამაშის უფლება მისცა. ორივე მათგანი „ბუნდესტიმს“ უკვე შეკრებაზე შეუერთდება.
ნოიერს მხრის პრობლემა დაუდგინდა, რის გამოც მას სპეციალური სამკლაურიც გაუკეთეს. რაც შეეხება ლამს, მან ფეხი იტკინა, რის გამოც 5-7 დღის განმავლობაში დაისვენებს.
ალექსანდრე მატევოსოვი
გამოვიდა Fanebi.com-ის ინტერნეტ-ჟურნალის მეთვრამეტე ნომერი, რომელშიც წაიკითხავთ:
გვ. 2 — სპორტის სამინისტრომ ფეხბურთის განვითარების პროგრამა წარადგინა;
გვ. 3 — ჩემპიონთა ლიგის ფინალის მსაჯი – საინტერესო ფაქტები;
გვ. 4-6 — სუპერმენი მანჩესტერიდან;
გვ. 6 — კვირის ახალი ამბები;
გვ. 7-8 — კვირის კარიკატურები
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
11 მაისის ნომრის გაცნობა აქვე შეგიძლიათ
ჟურნალის მთავარი რედაქტორი: ბექა დოგრაშვილი
დორტმუნდის „ბორუსიას“ თავდამსხმელი რობერტ ლევანდოვსკი, რომელიც მიმდინარე სეზონის შემდეგ კლუბს დატოვებს, აცხადებს, რომ მას გერმანიის თასის მოახლოებულ ფინალში თავისი მომავალი კლუბის მიუნხენის „ბაიერნის“ დამარცხება სურს.
„დორტმუნდში ბევრი ვისწავლე და ვიცი, რომ ახლა გაცილებით უკეთესი ფეხბურთელი ვარ, ვიდრე ოთხი წლის წინ ვიყავი. თუმცა მიმდინარე სეზონში სათამაშო კიდევ დაგვრჩა. დორტმუნდში, „ბორუსიას“ ფეხბურთელის სტატუსით, ჩემი ბოლო შეხვედრა უკვე ჩავატარე, თუმცა ბერლინში თამაში ორჯერ მომიწევს. ამ კლუბში გატარებული ოთხი წელიწადი ჩემთვის ფანტასტიკური იყო. აქ ბევრი გოლი გავიტანე და დადებითი ემოციებიც მივიღე. ბუდესლიგა ორჯერ მოვიგეთ და, იმედია, გერმანიის თსსაც მეორედ მოვიპოვებთ. „ბორუსიაში“ ჩემი ისტორია ჯერ არ დასრულებულა“, – განაცხადა ლევანდოვსკიმ.
ალექსანდრე მატევოსოვი
გამოვიდა Fanebi.com-ის ინტერნეტ-ჟურნალის მეჩვიდმეტე ნომერი, რომელშიც წაიკითხავთ:
გვ. 2 — პიარკამპანია ბანანით — დანი ალვესის მოქმედება დაგეგმილი იყო
გვ. 3 — ცხოვრება ოთხ ფერში
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 7-8 — ლევან კობიაშვილი: „ჩემს თავს ქართულ ფეხბურთში ვხედავ“ (ინტერვიუ)
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
4 მაისის ნომრის გაცნობა აქვე შეგიძლიათ
ჟურნალის მთავარი რედაქტორი: ბექა დოგრაშვილი
მიუნხენის „ბაიერნის“ გენერალურმა დირექტორმა კარლ-ჰაინც რუმენიგემ მიმდინარე სეზონი შეაფასა.
„ხოსეპ გვარდიოლა ჩვენი კლუბის ერთ-ერთი შემადგენელი ნაწილია. იგი ჩინებული და წარმატებული მწვრთნელია. მას თავისი ფისოლოსოფია და საფეხბურთო ხედვა გააჩნია. გარდა ამისა, გვარდიოლა კარგი ადამიანიცაა.
ძალიან გაგვიმართლა, რომ არჩევანი მან ჩვენ სასარგებლოდ გააკეთა.
ბოლო დღეებში საკმაოდ ბევრი ნეგატივი გადავიტანეთ. ამის მიუხედავად, „ბაიერნმა“ ამ მოთამაშეებითა და სისტემით ჩინებული სეზონი ჩაატარა. ჩემპიონთა ლიგის 1/2 ფინალში მარცხი კი საპირისპიროს არ ამტკიცებს. ასე რომ, დიდი ტრაგედია არ მომხდარა“, – განაცხადა რუმენიგემ.
ალექსანდრე მატევოსოვი
„მუნდო დეპორტივოს“ ცნობით, მიუნხენის „ბაიერნის“ ნახევარმცველი ხავი მარტინესი „ბარსელონაში“ გადასვლაზე თანახმაა.
ბასკი ფეხბურთელი კატალონიურ კლუბში გადასვლასთან ახლოს იყო მანამ, სანამ ბილბაოს „ატლეტიკიდან“ გერმანიაში გადაბარგდებოდა, თუმცა, საბოლოო ჯამში, ის „ალიანს არენაზე“ აღმოჩნდა.
გავრცელებული ინფორმაციით, 25 წლის ფეხბურთელი „ბაიერნში“ კმაყოფილია, თუმცა თუ ბავარიელები მის „ბარსელონაში“ გაყიდვას გადაწყვეტენ, მარტინესი სიხარულის მიაშურებს კატალონიას, სადაც ბევრი მეგობარი ეგულება.
მადრიდის „რეალთან“ ანგარიშით 0:4 წაგებული შეხვედრის შემდეგ მიუნხენის „ბაიერნის“ მთავარმა მწვრთნელმა ხოსეპ გვარდიოლამ განაცხადა, რომ კლუბის დატოვება არ სურს.
„რამდენიმე ტაქტიკურ მომენტში შეცდომა დავუშვი, ამიტომაც ეს მარცხი ჩემი ბრალია. როდესაც ძლიერ მეტოქესთან თამაშობ, შეცდომები ადვილად ჩნდება.
„რეალს“ ვულოცავ, რადგან ეს გუნდი ფინალში გასვლას ნამდვილად იმსახურებდა. ჩემი მოთამაშეები ამჟამად თავს ცუდად გრძნობენ, თუმცა ამ ადამიანებით ვამაყობ.
მე არ დავღლილვარ, ამიტომაც „ბაიერნის“ დატოვებაზე არ ვფიქრობ. ეს კლუბი წარმატებას გულშემატკივართათვის კიდევ არაერთხელ მიაღწევს. ტიტულების ყოველთვის მოგება შეუძლებელია. ასეთი ცუდი თამაშისთვის ბოდიშის მოხდა მსურს“, – განაცხადა ესპანელმა სპეციალისტმა.
ალექსანდრე მატევოსოვი
