გამოვიდა Fanebi.com-ის ინტერნეტ-ჟურნალის მეცამეტე ნომერი, რომელშიც წაიკითხავთ:
გვ. 2-3 — რის გამო უკრძალავს ფიფა „ბარსელონას“ ტრანსფერების განხორციელებას?
გვ. 4-5 — კვირის კარიკატურები;
გვ. 6-7 — კვირის ახალი ამბები;
გვ. 8 — რიბერი: „დღეს მე ჩემი სახეც მომწონს“.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
6 აპრილის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
ესპანურმა გამოცემა Mundodeportivo-მ ევროპის ათი ყველაზე სწრაფი ფეხბურთელი დაასახელა.
10. ალექსის სანჩესი – 30,1 კმ/სთ
9. არიენ რობენი – 30,4 კმ/სთ
8. ფრანკ რიბერი – 30,7 კმ/სთ
7. უეინ რუნი – 31,2 კმ/სთ
6. ლიონელ მესი – 32,5 კმ/სთ
5. ტეო ულკოტი – 32,7 კმ/სთ
4. კრიშტიანო რონალდუ – 33,6 კმ/სთ
3. აარონ ლენონი – 33,8 კმ/სთ
2. გარეტ ბეილი – 34,7 კმ/სთ
1. ანტონიო ვალენსია – 35,1 კმ/სთ
ლონდონის „არსენალის“ მთავარი მწვრთნელი თვლის, რომ „ბარსელონა“ ფიფასგან სასჯელს ნამდვილად იმსახურებს.
„სასჯელს ვეთანხმები. კატალონიელებმა წესების მიმართ უპატივცემულობა გამოიჩინეს. ძალიან მარტივი წესია: 16 წლამდე უცხოელ ფეხბურთელს ვერ გაიფორმებ, თუ მას მშობლები პროფესიული მიზეზით არ ჩამოყვებიან სხვა ქვეყანაში. საკითხავი მხოლოდ ის არის, როგორ გავიგოთ, პროფესიული მიზეზით ჩამოყვნენ მშობლები ახალგაზრდა ფეხბურთელს თუ არა? ეს არის დისკუსიის მთავარი მიზეზი. ფიფამ ჩათვალა, რომ „ბარსელონას“ მიერ გაფორმებული 16 წლამდე უცხოელი მოთამაშეების მშობლები ესპანეთში ფეხბურთის გამო ჩავიდნენ და არა – პროფესიული მიზეზით. „ბარსელონას“ სწორედ ამის გამო სჯიან, კატალონიელებმა წესებს პატივი არ სცეს“, – ვენგერის სიტყვები „სპორტ მოლმა“ გამოაქვეყნა.
შეგახსენებთ, რომ „ბარსელონა“ ფიფას გადაწყვეტილების გასაჩივრებას აპირებს. თუ საბოლოო ვერდიქტი არ შეიცვლება, კატალონიურ კლუბს უახლოესი ორი სატრანსფერო ფანჯრის განმავლობაში ახალი ფეხბურთელის გაფორმება არ შეეძლება. გარდა ამისა, „ბარსელონა“ 450 ათასი შვეიცარული ფრანკით ჯარიმდება.
ბექა დოგრაშვილი
არავისთვისაა ახალი ის, რომ დღესდღეობით, მსოფლიოს წამყვანი კლუბები თავიანთი მაისურების გაყიდვით დიდ ფინანსურ შემოსავალს იღებენ.
საფეხბურთო პორტალმა FTBPRO-მ დაასახელა ის ათი კლუბი, რომელთა მაისურებიც ყველაზე ხშირად იყიდება.
10. “მილანი”
9. “ინტერი”
8. “იუვენტუსი”
7. “არსენალი”
6. “ლივერპული”
5. “ბაიერნი”
4. “ჩელსი”
3. “ბარსელონა”
1-2. “რეალი”
1-2. “მანჩესტერ იუნაიტედი”
გამოვიდა Fanebi.com-ის ინტერნეტ-ჟურნალის მეთორმეტე ნომერი, რომელშიც წაიკითხავთ:
გვ. 2-3 — КГБ — World Cup 2018;
გვ. 4 — ფიფას რჩევები ტურისტებს — რამ გამოიწვია ბრაზილიელთა უკმაყოფილება?
გვ. 5 — მსოფლიოს ყველაზე მხიარული მეკარე;
გვ. 6-7 — კვირის ახალი ამბები;
გვ. 8 — კითხვები, რომლებზეც პასუხი ყველას აინტერესებს.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
30 მარტის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
როგორც იცით, 6 სექტემბერს, საქართველოსა და საფრანგეთის ნაკრებებს შორის გამართული შეხვედრა ფრედ, 0:0 დასრულდა.
თამაშის მიმდინარეობისას, ქართველთა ნახევარმცველმა, ჯანო ანანიძემ გულშემატკივრებს რამდენიმე ლამაზი ეპიზოდი შესთავაზა. ერთხელ კი, მან ლონდონის “არსენალის” მცველი, ბაქარი სანია ოსტატურად ჩამოიცილა.
გთავაზობთ ვიდეოს, რომელიც “Georgian Football & Footballers”-მა გაავრცელა:
Fanebi.Com-ის არქივიდან
გამოვიდა Fanebi.com-ის ინტერნეტ-ჟურნალის მეთერთმეტე ნომერი, რომელიც უპრეცენდენტოდ დიდი მოცულობისაა. დღევანდელი ნომერი 10 გვერდს მოიცავს.
ნომერში წაიკითხავთ:
მოტივაციის ნაკლებობა თუ დაუსჯელობის სინდრომი?
ლაშა წამალაშვილი: „მთავარი პრობლემა ბავშვების აღზრდა და მომავალია თაობაა“;
კვირის კარიკატურები;
კვირის ახალი ამბები;
ქარიზმატული მაესტრო.
კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal
23 მარტის ნომრის გაცნობა აქვე შეგიძლიათ.
ჟურნალის რედაქტორი: ბექა დოგრაშვილი
“ჩელსის” მწვრთნელმა ჟოზე მოურინიომ “არსენალთან” დიდი ანგარიშით მოგებული მატჩი შეაფასა. “არისტოკრატებმა” “მეთოფეებს” ექვსი უპასუხო გოლი გაუტანეს.
“მატჩის ბედი სადებიუტო შვიდ წუთში გატანილმა 2 ბურთმა გადაწყვიტა. შემდეგ კი “არსენალი” უმცირესობაში დარჩა, მაგრამ გადამწყვეტი მაინც ჩვენი სწრაფი გოლები იყო.
საჯარიმოშ ბევრი მოთამაშე იყო და დავინახეთ, რომ ერთ-ერთმა ხელით ითამაშა. ჩემი პოზიციიდან ნამდვილად არ ჩანდა თუ რომელმა ფეხბურთელმა დაარღვია თამაშის წესი. სამწუხაროა, რომ მსაჯმა შეცდომით სხვა მოთამაშე გააძვა” – განაცხადა მოურინიომ.
ინგლისის პრემიერლიგის 31-ე ტურში ლონდონის „ჩელსისა“ და „არსენალს“ შორის გამართული მატჩი „პენსიონერთა“ დამაჯერებელი გამარჯვებით, ანგარიშით 6:0 დასრულდა. ამ სამარცხვინო მარცხზე პასუხისმგებლობა სრულად აიღო საკუთარ თავზე „მეთოფეთა“ მთავარმა მწვრთნელმა არსენ ვენგერმა, რომლისთვისაც ეს „არსენალის“ თავკაცის პოსტზე მე-1000 მატჩი გახლდათ.
როგორც გაზეთ „თაიმსის“ ჟურნალისტმა ოლივერ ქეიმ გვაცნობა, ვენგერი მატჩისშემდგომ პრესკონფერენციაზე იმ მიზეზით არ მივიდა, რომ მას გუნდის ავტობუსზე აგვიანდებოდა. თუმცა, ფეხბურთის ფრანგმა სპეციალისტმა „ბი ბი სის“ კორესპოდენტთან მაინც გააკეთა მცირე კომენტარი.
„ჩელსისთან“ მარცხი ჩემი ბრალია. ჩემს თავზე სრულად ვიღებ პასუხისმგებლობას. არა მგონია, აზრი ჰქონდეს ჩვენს მიერ დღეს დაშვებულ შეცდომებზე საუბარს.
ეს ჩემი კარიერის ერთ-ერთი ყველაზე ცუდი დღეა. პირველ 20 წუთში ყველაფერი ვნახეთ, თუმცა მას შემდეგაც ბევრი რამ მოხდა. ასეთი გამოცდისთვის გუნდს მთელი კვირის განმავლობაში არ ამზადებენ.
იმედგაცრუებულები ვართ, თუმცა მომდევნო მატჩის მოგება გვინდა“, – აღნიშნა ვენგერმა.
ბექა დოგრაშვილი
ბევრი ვერ წარმოიდგენდა, რომ ინგლისის პრემიერლიგის 31-ე ტურში ლონდონის „ჩელსისა“ და „არსენალს“ შორის გამართული მატჩი ერთი გუნდის ამხელა უპირატესობით წარიმართებოდა. ეს არსენ ვენგერის თავკაცობით „მეთოფეთა“ მე-1000 შეხვედრა იყო. ფეხბურთის ფრანგ სპეციალისტს ჟოზე მოურინიო არასდროს ჰყოლია დამარცხებული და ამის გაკეთებას აღნიშნულ საიუბილეო მატჩზე აპირებდა, მაგრამ ნურას უკაცრავად! შეიძლება ითქვას, რომ „ჩელსიმ“ დღევანდელ შეხვედრაში გამარჯვება საწყისს 17 წუთში გაინაღდა.
მე-5 წუთზე ანდრე შიურლეს მიერ წამოწყებული სწრაფი კონტრიერიში სამუელ ეტოომ დააგვირგვინა, რომელმაც მალევე ტრავმა მიიღო და შესაცვლელი შეიქნა. შოკირებულ „არსენალს“ აზრზე მოსვლა იმავე შიურლემ არ აცალა და მე-7 წუთზე ვოიცეხ შჩესნის კარის ბადე მეორედ შეარხია. მატჩის მე-15 წუთზე მთავარმა არბიტრმა ანდრე მარინერმა უხეში ტექნიკური შეცდომა დაუშვა. ერთ-ერთ ეპიზოდში ალექს ოქსლეიდ-ჩემბერლენმა საკუთარ საჯარიმო მოედანზე განზრახ ხელით ითამაშა და სტუმართა კარის მიმართულებით გამოცდილმა მსაჯმა თერთმეტმეტრიანი დარტყმა დანიშნა, თუმცა მარინერს აერია, თუ ვინ დაარღვია თამაშის წესი და წითელი ბარათი ოქსლეიდ-ჩემბერლენის ნაცვლად, კირან გიბსს უჩვენა. „მეთოფეებმა“ არბიტრის ვერდიქტი გააპროტესტეს და მიუთითეს, რომ ხელით ოქსლეიდ-ჩემბერლენმა ითამაშა, თუმცა მსაჯმა გადაწყვეტილება არ შეცვალა. პენალტი ზუსტად ედენ აზარმა შეასრულა და მე-17 წუთისთვის ტაბლოზე უკვე გამანადგურებელი ანგარიში ენთო — 3:0. ამის შემდეგ მასპინძლები ცოტაოდენ დამშვიდნენ, სტუმრებმაც სული მოითქვეს, თუმცა დროებით… 42-ე წუთზე ფერნანდო ტორესის პასით ოსკარმა ანგარიშში სხვაობა კიდევ უფრო გაზარდა — 4:0.
მეორე ტაიმში მატჩის სცენარი არ შეცვლილა, უპირატესობას კვლავ „პენსიონერები“ ფლობდნენ. 66-ე წუთზე ოსკარმა დუბლი გაიფორმა. ერთ წუთში ახალგაზრდა ბრაზილიელი ნახევარმცველის ნაცვლად მოედანზე „ჩელსის“ ახალწვეული მოჰამედ სალაჰი გამოვიდა. ეგვიპტელი ფეხბურთელი აქტიურად ჩაერთო თამაშში და 71-ე წუთზე გოლი მანაც გაიტანა — 6:0.
საბოლოო ჯამში, „ჩელსიმ“ „არსენალი“ ანგარიშით 6:0 დაამარცხა. აი, ასე ჩაუმწარდა საიუბილეო მატჩი არსენ ვენგერს.
მიმდინარე წელს „არსენალი“ ასე სამარცხვინოდ უკვე მეორედ დამარცხდა. მანამდე „მეთოფეები“ „ენფილდზე“ დაეცნენ, როდესაც „ლივერპულთან“ ანგარიშით 1:5 განადგურდნენ.
პირველადგილოსან „ჩელსის“ აქტივში 69 ქულა აქვს, მესამე პოზიციაზე მყოფ „არსენალს“ კი 62 ქულა დარჩა.
ინგლისის პრემიერლიგა
31-ე ტური
„ჩელსი“ — „არსენალი“ 6:0 (4:0)
„ჩელსი“: ჩეხი, კეჰილი, ტერი, ივანოვიჩი, ასპილიკუეტა, დავიდ ლუისი (ობი მიკელი 72′), მატიჩი, ოსკარი (სალაჰი 67′), შიურლე, აზარი, ეტოო (ტორესი 10′).
მთავარი მწვრთნელი: ჟოზე მოურინიო.
„არსენალი“: შჩესნი, სანია, მერტეზაკერი, კოსელნი (ჯენკონსონი 46′), გიბსი, არტეტა, როსიცკი, კაზორლა, ოქსლეიდ-ჩემბერლენი (ფლამინი 46′), პოდოლსკი (ვერმალენი 24′), ჟირუ.
მთავარი მწვრთნელი: არსენ ვენგერი
გოლები: ეტოო 5′, შიურლე 7′, აზარი 17′ (პენ), ოსკარი 42′, 66′, სალაჰი 71′.
გაფრთხილება: როსიცკი 52′.
გაძევება: გიბსი 15′.
მთავარი მსაჯი: ანდრე მარინერი.
ბექა დოგრაშვილი
Bleacher Report-მა გულშემატკივრებს ის შესაძლო დიდი ტრანსფერები გაახსენა, რომლებიც დიდი შანსი იყო, განხორციელებულიყო, თუმცა სხვადასხვა მიზეზთა გამო, ვერ მოხერხდა.
დევიდ ბექჰემი – “ბარსელონა”
2003 წელს, როცა სერ ალექს ფერგიუსონმა ბექჰემის “მანჩესტერ იუნაიტედიდან” გაშვება მოინდომა, ფეხბურთელის შეძენის სურვილი “ბარსელონამაც” გამოთქვა. Guardian-ის ცნობით, კატალონიურ გრანდს ნახევარმცველში 25 მილიონი ფუნტი უნდა გადაეხადა.
საბოლოოდ, ტრანსფერი არ შედგა. ჟოან ლაპორტას მალე “ბარსელონას” საპრეზიდენტო არჩევნებში მონაწილეობა უნდა მიეღო და ის გულშემატკივრების მოხიბვლას სუპერვარსკვლავების შეძენით ცდილობდა. ბექჰემმა კი თქვა: “მე პოლიტიკურ თამაშში მონაწილეობას არ ვაპირებ”. რამდენიმე კვირის შემდეგ, ის მადრიდის “რეალს” შეუერთდა.
სტივენ ჯერარდი – “ჩელსი”
მიუხედავად იმისა, რომ ბავშვობაში “ევერტონის” გულშემატკივარი იყო, სტივენი, ცხრა წლის ასაკში, “ლივერპულში” მოხვდა.
2004 წელს, Daily Mail-ი იუწყებოდა, რომ ჯერარდი “ჩელსიში” გადასასვლელად მზად იყო. ლონდონელები “ლივერპულს” 30 მილიონ ფუნტს უხდიდნენ. საბოლოოდ, გავრცელებული ინფორმაციის თანახმად, ტრანსფერი იმის გამო ჩაიშალა, რომ “ლივერპულის” გაბრაზებული ფანები ჯერარდის ოჯახზე ზეწოლას ახდენდნენ.
ზლატან იბრაჰიმოვიჩი – “არსენალი”
ზლატანს ჰოლანდიის, იტალიის, ესპანეთისა და საფრანგეთის საუკეთესო კლუბებში თამაშის გამოცდილება აქვს, მაგრამ მას ინგლისის პრემიერ ლიგაში არასოდეს უთამაშია.
ბევრმა არ იცის, რომ როცა იბრაჰიმოვიჩი 16 წლის ასაკში, “მალმიოს” ღირსებას იცავდა, ლონდონის “არსენალში” გადასვლასთან ძალიან ახლოს იყო. შვედი თავდამსხმელი “არსენალის” ბაზასაც ესტუმრა და კლუბის მაისურში გამოწყობილმა ფოტოც გადაიღო.
არსენ ვენგერს იბრაჰიმოვიჩის სინჯებზე ყოფნა გადაეწყვიტა, რაც თავად ახალგაზრდა ფეხბურთელს არ მოეწონა და მან ლონდონი დატოვა.
დიეგო მარადონა – “შეფილ იუნაიტედი”
ყველაზე ცნობილი ადამიანი, რომელსაც “შეფილდის” ფორმა მოურგია, მსახიობი შონ ბინია. თუმცა, დიეგო მარადონა, რომ “შეფილდში” გადასულიყო, მაშინ სიტუაცია სხვაგვარად იქნებოდა.
Daily Mail-ის ცნობით, 1978 წელს, როცა დიეგო 17 წლის ასაკში, “არგენტინოს ხუნიორსის” ღირსებას იცავდა, “შეფილდ იუნაიტედის” მთავარ მწვრთნელს, ჰარი ჰასლემს ის ძალიან მოეწონა. თუმცა, ტრანსფერი მაინც არ შედგა, ხოლო ამის მიზეზი კი ის გახლდათ, რომ ინგლისელებმა არგენტინულ კლუბს 200 000 ფუნტი ვერ გადაუხადეს.
საბოლოოდ, “შეფილდმა” მალე, 176 000 ფუნტის სანაცვლოდ, “რივერ პლეიტიდან” ალექს საბელა შეიძინა, რომელმაც 76 მატჩში, 8 გოლის გატანა მოახერხა.
ზინედინ ზიდანი – “ბლექბერნი”
1995 წელს, “ბლექბერნი” ზიდანის შეძენასთან ძალიან ახლოს იყო. გუნდის მთავარ მწვრთნელ კენი დაგლიშს “ბორდოს” ახალგაზრდა ფეხბურთელი ძალიან მოსწონდა, ამიტომ მან თავისი კლუბის ხელმძღვანებლებს მოთამაშის შეძენა სთხოვა. მაშინ, “ბლექბერნს” საკმაოდ შეძლებული პრეზიდენტი ჰყავდა, რომელმაც განაცხადა:“რატომ უნდა ვიყიდოთ ზინედინ ზიდანი, როცა ჩვენ ტიმ შერვუდი გვყავს?”
ცნობისთვის, 2008 წელს, “ბლექბერნს” რობერტ ლევანდოსვკიც უნდა შეეძინა. პოლონელი თავდამსხმელი ინგლისში ჩასასვლელად მზად იყო, სადაც კლუბთან კონტრაქტს გააფორმებდა. თუმცა, ვულკანის ფერფლის ამოფრქვევის გამო, ის დიდ ბრიტანეთში ვეღარ ჩაფრინდა და უკან დაბრუნდა.
რობინიო – “ჩელსი”
თითქმის გადაწყვეტილი იყო, რომ 2008 წლის ზაფხულის სატრანსფერო ფანჯრის ბოლო დღეს, რობინიო ლონდონის “ჩელსის” შეუერთდებოდა. ბრაზილიელმა თავდამსხმელმა მადრიდის “რეალის” დატოვების სურვილი არაერთხელ გამოთქვა, “სამეფო კლუბი” კი მის გასაშვებად მზად იყო.
2008 წელს, “ჩელსის” ლუიშ ფელიპე სკოლარი თავკაცობდა. რობინიომ კი თქვა: “ჩემი ოცნება, ლუიშ ფელიპე სკოლარისთან ერთად მუშაობაა, ის მსოფლიოს ერთ-ერთი საუკეთესო მწვრთნელია”.
თუმცა, “მანჩესტერ სიტის” მფლობელმა შეიხებმა ყველაფერი გააკეთეს იმისათვის, რომ რობინიო მათ გუნდში გადასულიყო. “სიტიმ” ბრაზილიელ ფეხბურთელში 32.5 მილიონი ფუნტი გადაიხადა.
ალან შირერი – “მანჩესტერ იუნაიტედი”
ლეგენდარული ინგლისელი თავდამსხმელი სერ ალექს ფერგიუსონის ყურადღების სფეროში 1992 წელს მოექცა. მაშინ, ალანი “საუთჰემპტონის” ღირსებას იცავდა.
“მანჩესტერ იუნაიტედი” ჩემით დაინტერესებული იყო. თუმცა, მითხრეს, რომ სამი-ოთხი კვირა უნდა მომეცადა, რადგან მათ ამ დროის განმავლობაში, ფული უნდა მოეგროვებინათ. ჩემი აზრით კი, თუ მათ ჩემი შეძენა მართლაც ძალიან სურდათ, ბევრს აღარ მალოდინებდნენ”, – განაცხადა შირერმა.
საბოლოოდ, ალანმა “ბლექბერნში” გადასვლა არჩია, სადაც პრემიერ ლიგის მოგება მოახერხა. შირერმა კლუბში ჩატარებულ 138 მატჩში, 112 გოლის გატანა მოახერხა.
BBC იუწყებოდა, რომ 1996 წელს, “მანჩესტერ იუნაიტედმა” შირერის შეძენის სურვილი კვლავაც გამოთქვა, მაგრამ მოთამაშემ მშობლიურ გუნდში, “ნიუკასლში” გადასვლა არჩია.
დიტო ჭიჭინაძე
16 მარტს, ინგლისის პრემიერ ლიგაში, “ტოტენჰემსა” და “არსენალს” შორის გამართულ მატჩში (0:1), ტომაშ როსიცკიმ მეტოქის კარი უძლიერესი დარტყმით დალაშქრა.
