სენეგალში ახალ საფეხბურთო სტადიონს “ლივერპულის” თავდამსხმელ სადიო მანეს სახელს უწოდებენ.
კვირას, აფრიკის ერთა თასის ფინალურ მატჩში სენეგალმა ეგვიპტის ნაკრები თერთმეტმეტრიანი დარტყმების სერიაში დაამარცხა. გადამწყვეტი პენალტი სწორედ მანემ გაიტანა, სენეგალის ნაკრები კი აფრიკის ჩემპიონი ისტორიაში პირველად გახდა.
სტადიონი ამ ეტაპზე მშენებლობის პროცესშია. არენის გახსნა 2023 წელს არის დაგეგმილი.
ფიფამ აფრიკის ფეხბურთის კონფედერაციის პრეზიდენტ აჰმად აჰმადის საქმეზე განაჩენი გამოიტანა. დამოუკიდებელი კომიტეტის სასამართლო პალატამ აფრიკული ფეხბურთის ხელმძღვანელი კორუფციასა და სამსახურებრივი უფლებამოსილების ბოროტად გამოყენებაში დამნაშავედ ცნო.
მსოფლიო ფეხბურთის მმართველმა ორგანომ 60 წლის ჩინოსანი ნებისმიერ საფეხბურთო საქმიანობას ხუთი წლის ვადით ჩამოაშორა. გარდა ამისა, აჰმედ აჰმედს ჯარიმის სახით 200 ათასი შვეიცარიული ფრანკის გადახდა დაეკისრა.
ცნობისათვის, აჰმედ აჰმედი აფრიკული ფეხბურთის მმართველ ორგანოს სამწელიწადნახევრის განმავლობაში ხელმძღვანელობდა. ის ფიფას ვიცე-პრეზიდენტის ფუნქციებსაც ასრულებდა.
სამტრედიას რიგებს ახალი ლეგიონერი შეემატა, ანრი ნდონგი სამტრედიას დღეს ეწვია.
24 წლის მცველი გაბონის ეროვნული ნაკრების წევრია, სამტრედიაში კი საფეხბურთო კლუბ “სუდუვადან” გადმოვიდა. იგი მანამდა “ოსერში” გამოდიოდა. საგულისხმოა, რომ ქალაქ ბითამში დაბადებული მოთამაშე 2012 წლიდან 2016 წლამდე ირიცხებოდა ფრანგულ კლუბში. იგი 2014/2015 წლების სეზონში საფრანგეთის თასის ფინალშიც კი გავიდა, სადაც “პსჟ”-სთან მინიმალური ანგარიშით დამარცხდა.
ნდონგის სანაკრებო კარიერა 2012 წელს დაიწყო. იგი ამჟამად რუსეთის მსოფლიო ჩემპიონატის საკვალიფიკაციო ეტაპზე ასპარეზობს.
გუშინ აფრიკის თასის ფინალში კამერუნმა, ანგარიშთ, 2-1 დაამარცხა ეგვიპტის ეროვნული ნაკრები.
ომარ მომანიმ ამასთან დაკავშირებით კარიკატურა შემოგვთავაზა.
გუშინ რუსეთის 2018 წლის მსოფლიოს ჩემპიონატის მატჩები გაიმართა. ერთ-ერთ მათგანში ეკვადორის ნაკრები ჩილეს დაუპირისპირდა და მეტოქე, ანგარიშით, 3-0 დაამარცხა.
მატჩის გამორჩეული მომენტი იყო, როცა მეორე ტაიმში ეკვადორელმა ფეხბურთელმა, ენერ ვალენსიამ თავი მოიკატუნა, რომ მას ჯანმრთელობის პრობლემა ჰქონდა; მოედანზე დაწვა და საკაცით გაყვანა მოითხოვა.
რეალურად, საქმე იმაში იყო, რომ ვალენსიას გაქცევა უნდოდა პოლიცილებისგან, რომლებიც მის დასაკავებლად იყვნენ სტადიონზე. ვალენსიას ბრალად ედება მისი ხუთი წლის გოოგნას ალიმენტის გადაუხდელობა (17 000 დოლარის ოდენობით).
საბოოლოდ, ენერს ნება დართეს, გასახდელში მოწესრიგებულიყო და ისე ჩაბარებოდა პოლიციას.
მაიკლ ესიენი
ლონდონის “ჩელსისა” და მადრიდის “რეალის” ყოფილი ფეხბურთელი მეგობრებთან ერთად, ქველმოქმედების მიზნით, მატჩებს ხშირად მართავს, შემოსული თანხით კი აფრიკელებს ეხმარება.
სამუელ ეტოო
კამერუნელი ფეხბურთელის ფონდი ცენტრალურ და დასავლეთ აფრიკაში სამედიცინო დაწესებულებებს პრეპარატებით ეხმარება. ასევე, ის ბავშვებს განათლების მიღებისა და სპორტში ჩართვის საშუალებას აძლევს.
დიდიე დროგბა
კოტდიუვარელმა ფეხბურთელმა თავის სამშობლოში ხუთი საავადმყოფო ააშენა.
ნვანკო კანუ
გულზე გადატანილი პრობლემების შემდეგ, კანუმ ნიგერიაში ფონდი შექმნა, რომელიც გულით დაავადებულ ადამიანებს ეხმარება. ამ დროისათვის, ფონდის დახმარებით 415 ოპერაცია ჩატარდა, ხოლო მათგან წარმატებით 98.5 პროცენტი დასრულდა.
სალომონ კალუ
კალუმ თავის სამშობლოში ფონდი ჩამოაყალიბა, რომელიც ადამიანებს სხვადასხვა პრობლემების მოგვარებაში ეხმარება.
ემანუელ ადებაიორი
ტოგოელმა თავდამსხმელმა თავის სამშობლოში გაკეთებული ბევრი კარგი საქმის გარდა, სუფთა წყლის წარმოება დაიწყო, რომელსაც მოსახლეობა მოიხმარს.
სპორტულმა პორტალმა Sportskeeda-მ ინგლისის პრემიერ ლიგაში მოთამაშე აფრიკელებისა და აზიელებისაგან შემდგარი სიმბოლური ნაკრები გამოაქვეყნა.
მეკარე – მარკ შვარცერი (“ლესტერი” / ავსტრალია)
ცენტრალური მცველი – კოლო ტურე (“ლივერპული” / კოტდიუვარი)
ცენტრალური მცველი – მაია იოშიდა (“საუთჰემპტონი” / იაპონია)
მარჯვენა მცველი – აჰმედ ელმოჰამადი (“ჰალ სიტი” / ეგვიპტე)
მარცხენა მცველი – იუნ სუკ-იანგი (“ქუინს პარკ რეინჯერსი” / სამხრეთ კორეა)
ცენტრალური ნახევარმცველი – მილე ედინაკი (“კრისტალ პალასი” / ავსტრალია)
ცენტრალური ნახევარმცველი – კი სუნგ იანგი (“სუონსი” / სამხრეთ კორეა)
ცენტრალური ნახევარმცველი – ალექს სონგი (“ვესტ ჰემი” / კამერუნი)
შემტევი ნახევარმცველი – იაია ტურე (“მანჩესტერ სიტი” / კორდიუვარი)
თავდამსხმელი – სადიო მანე (“საუთჰემტონი” / სენეგალი)
უილფრიდ ბონი (“მანჩესტერ სიტი” / კოტდიუვარი)
აფრიკის 2012 წლის საუკეთესო ქალ ფეხბურთელ ხენოვევა ანიონმას, რომელიც ეკვატორული გვინეის ნაკრებში თამაშობს, აიძულეს, დამეტკიცებინა, რომ მამაკაცი არ არის. აფრიკის ფეხბურთის ასოციაციის წარმომადგენლებმა მას გაშიშვლება მოსთხოვეს, რათა დარწმუნებულიყვნენ, რომ ანიონმა ნამდვილად მდედრობითი სქესისაა.
“გაშიშვლება მთხოვეს. ყველაფერი გავიხადე. ეს ძალზედ შეურაცხმყოფელი იყო”, – ციტირებს ანიონმას სიტყვებს BBC.
როგორც ჩანს, ეკვატორული გვინეის ნაკრების კარგი თამაში აფრიკის ფეხბურთის კონფედერაციაში ისე გაუკვირდათ, რომ გუნდის ლიდერს ასეთი რამ მოსთხოვეს.
შარშან ირანში ანალოგიურ თემასთან დაკავშირებით დიდი სკანდალი იყო აგორებული. ირანის ქალთა ნაკრების ოთხი წევრი სინამდვილეში მამრობითი სქესისა აღმოჩნდა, რომლებსაც სქესის შეცვლის ოპერაცია ბოლომდე დასრულებული არ ჰქონდათ.
19 ნოემბერს, განისა და ტოგოს ეროვნულ ნაკრებებს შორის გამართლ მატჩში ვაკასო მუბარაქმა მეტოქეს ულამაზესი გოლი გაუტანა.
მაროკოს ხელისუფლება ადასტურებს ინფორმაციას, რომლის მიხედვითაც, ქვეყანამ ფეხბურთში აფრიკის ერთა თასის მასპინძლობაზე უარი განაცხადა.
ტურნირი 2015 წლის 17 იანვარს უნდა დაწყებულიყო.
მაროკოს უარის მიზეზი “შავ კონტინენტზე” გავრცელებული ებოლას ეპიდემია გახდა. ქვეყნის ხელისუფლება ვირუსის გავრცელებას უფრთხის.
მაროკოელები ტურნირის 2016 წლამდე გადავადების ინიციატივით გამოვიდნენ, თუმცა ეს შეთავაზება შესაბამისმა ორგანომ უარით გაისტუმრა.
11 ნოემბერს, კაიროში აფრიკის ფეხბურთის კონფედერაციის სხდომა გაიმართება და გაირკვევა, თუ სად ჩატარდება 2015 წელს ტურნირი.
კამერუნის ნაკრების ფეხბურთელები ქვეყნის ფეხბურთის ფედერაციასთან მსოფლიოს ჩემპიონატის ფინალურ ეტაპზე გასვლისთვის გამოყოფილი პრემიის ოდენობასთან დაკავშირებული უთანხმოების გამო ბრაზილიაში გაფრენაზე უარს აცხადებენ.
კამერუნელ ფეხბურთელებს იმედი ჰქონდათ, რომ მუნდიალზე მოხვედრისთვის მათ გაცილებით მაღალ პრემიას მისცემდნენ, ვიდრე რასაც ახლა სთავაზობენ.
ნაკრები ამ დრომდე კამერუნის დედაქალაქ იაუნდეში იმყოფება და ჯერ კიდევ უცნობია, როდის გაემგზავრება ბრაზილიაში, ან საერთოდ გაემგზავრება თუ არა. შეგახსენებთ, რომ კამერუნის ნაკრებს ტურნირის პირველი შეხვედრა დამდეგ პარასკევს უწევს.
ცნობისათვის, ანალოგიური სიტუაცია კამერუნის ნაკრებს 2002 წლის მსოფლიოს ჩემპიონატის დაწყებამდე ჰქონდა. საბოლოოდ, მაშინ კამერუნელები ტურნირზე გაემგზავრნენ, თუმცა ჯგუფური ეტაპის დაძლევა ვერ შეძლეს.
ბექა დოგრაშვილი
გამოვიდა Fanebi.com-ის ინტერნეტ-ჟურნალის მეთვრამეტე ნომერი, რომელშიც წაიკითხავთ:
გვ. 2 — სპორტის სამინისტრომ ფეხბურთის განვითარების პროგრამა წარადგინა;
გვ. 3 — ჩემპიონთა ლიგის ფინალის მსაჯი – საინტერესო ფაქტები;
გვ. 4-6 — სუპერმენი მანჩესტერიდან;
გვ. 6 — კვირის ახალი ამბები;
გვ. 7-8 — კვირის კარიკატურები
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
11 მაისის ნომრის გაცნობა აქვე შეგიძლიათ
ჟურნალის მთავარი რედაქტორი: ბექა დოგრაშვილი
