ევროპა – Fanebi.Com – ფეხბურთი, კალათბურთი, რაგბი, სხვა

გრიზმანის პრესკონფერენცია ევროპა ლიგის ფინალის წინ

Posted on მაისი 16, 2018მაისი 16, 2018 by კახა ყიფიანი

დღეს მადრიდის “ატლეტიკო” ევროპის ლიგის ფინალში მარსელის “ოლიმპიკს” დაუპირისპირდება. ესპანელთა ლიდერმა, ანტუან გრიზმანმა წინასამატჩო პრესკონფერენცია გამართა.

“ეს იქნება ჩემი პირველი მნიშვნელოვანი ტიტული მას შემდეგ, რაც ესპანეთის სუპერთასი მოვიგე. ახლა, შესაძლებლობა მაქვს, ევროპა ლიგის თასი მოვიპოვო. ეს ძალიან მსურს. ყველაფერს გავაკეთებ, რათა ჩემს გუნდელებს დავეხმარო. ხოლო, კლუბისთვის, უბრალოდ, კიდევ ერთი ტიტულია. მოუთმენლად ველი შეხვედრის დაწყებას. ფანტასტიკური თამაში გველის ლიონში, რომელიც ჩემი ქალაქიდან (მაკონი, ავტ.) მხოლოდ 45 წუთის სავალზეა. ბევრი ოჯახის წევრი დაესწრება შეხვედრას,” – ამბობს გრიზმანი.

რობერტო კარლოსი: “რეალს” ჩემპიონთა ლიგის ზედიზედ ხუთჯერ მოგება შეუძლია”

Posted on ოქტომბერი 20, 2017 by კახა ყიფიანი

მადრიდის “რეალმა” 2015/2016 და 2016/2017 წლების სეზონებში ზედიზედ ორჯერ მოიგო ჩემპიონთა ლიგა. ეს უპრეცედენტო ფაქტი იყო ევროპის ყველაზე პრესტიჟული ტურნირის ისტორიაში.

“ბლანკოსის” ლეგენდა, რობერტო კარლოსი თვლის, რომ ესპანელებს ზედიზედ ხუთჯერ შეუძლიათ აღნიშნული ტიტულის მოგება.

“დიახ, ამ კლუბს ამის გაკეთება შეუძლია. მის ფეხბურთელებსა და მწვრთნელს შესწევთ ძალა, რომ ხუთჯერ, პაუზის გარეშე, ასწიონ ჩემპიონთა ლიგის თასები. ისინი ძალიან მაღალ დონეზე თამაშობენ. ეს ის საფეხურია, რომელზეც სხვა არცერთი გუნდი არ იმყოფება.”

“როცა 1996 წელს კლუბთან კონტრაქტი გავაფორმე, კიდევ ვერ ვხვდებოდი, რაოდენ დიადი იყო ეს გუნდი. როცა აქ ჩამოვედი, მითხრეს, “შენ უნდა მოიგო ევროპის თასი და გულშემატკივრები გაახარო,” – აცხადებს კარლოსი.

ენერ ვალენსიამ, პოლიციისგან გასაქცევად, თავი მოიკატუნა, რომ ტრავმა მიიღო (ვიდეო)

Posted on ოქტომბერი 7, 2016ოქტომბერი 7, 2016 by კახა ყიფიანი

გუშინ რუსეთის 2018 წლის მსოფლიოს ჩემპიონატის მატჩები გაიმართა. ერთ-ერთ მათგანში ეკვადორის ნაკრები ჩილეს დაუპირისპირდა და მეტოქე, ანგარიშით, 3-0 დაამარცხა.

მატჩის გამორჩეული მომენტი იყო, როცა მეორე ტაიმში ეკვადორელმა ფეხბურთელმა, ენერ ვალენსიამ თავი მოიკატუნა, რომ მას ჯანმრთელობის პრობლემა ჰქონდა; მოედანზე დაწვა და საკაცით გაყვანა მოითხოვა.

რეალურად, საქმე იმაში იყო, რომ ვალენსიას გაქცევა უნდოდა პოლიცილებისგან, რომლებიც მის დასაკავებლად იყვნენ სტადიონზე. ვალენსიას ბრალად ედება მისი ხუთი წლის გოოგნას ალიმენტის გადაუხდელობა (17 000 დოლარის ოდენობით).

საბოოლოდ, ენერს ნება დართეს, გასახდელში მოწესრიგებულიყო და ისე ჩაბარებოდა პოლიციას.

FIFA 17: საჯარიმო დარტყმების შემსრულებელების საუკეთესო ათეული

Posted on სექტემბერი 17, 2016 by კახა ყიფიანი

Fanebi.Com-ი გთავაზობთ ცნობილ საფეხბურთო თამაშში, FIFA 17-ში საჯარიმო დარტყმების შემსრულებლების საუეკთესო ათეულს.

10.გილფი სიგურდსონი

9.შუნსუკე ნაკამურა

8.ფრანჩესკო ლოდი

7.მემფის დეპაი

6.ლიონელ მესი

5.მეჰმედ ეკიჩი

4.დიმიტრი პაიე

3.მირალემ პიანიჩი

2.ჰაქან ჩალხანოღლუ

1.ანდრეა პირლო

ჩემპიონთა ლიგა: I ტურის სიმბოლური ნაკრები (ფოტო)

Posted on სექტემბერი 15, 2016სექტემბერი 15, 2016 by კახა ყიფიანი

გუშინ ჩემპიონთა ლიგის ცხრა შეხვედრა გაიმართა და ამით დასრულდა ჯგუფური ეტაპის პირველი ტურიც.

Goal.Com-ი ამ კვირის საუკეთესო თერთმეტეულს გვთავაზობს.

იან ობლაკი; ლუკას პისჩეკი, ზანკა, სოკრატისი, ალექსანდერ კოლაროვი; ჯოშუა კიმიხი, ანდრე გომეში; მარკ ობრაიტონი, ლიონელ მესი, ნეიმარი; სერხიო აგუერო.

რას წერს პრეზიდენტი მარგველაშვილი პარაოლიმპიადაზე გოგოჭურის გამარჯვებაზე? (ფოტო)

Posted on სექტემბერი 11, 2016 by კახა ყიფიანი

დღეს პარაოლიმპიადაზე საქართველოს სახელით მოასპარეზე ძიუდოისტმა, ზვიად გოგოჭურმა ჩვენს ქვეყანას ოქროს მედალი მოუტანა. ამ დიდ წარმატებას საქართველოს პრეზიდენტი, გიორგი მარგველაშვილი გამოეხმაურა.

“დინამო” – პაოკ-ი: მატჩზე დასასწრები ბილეთის ფასი ცნობილია!

Posted on აგვისტო 12, 2016 by კახა ყიფიანი

18 აგვისტოს 20.00 საათზე დინამო არენაზე უეფას ევროპა ლიგის პლეი-ოფის პირველი მატჩი გაიმართება. თბილისის “დინამო” საბერძნეთის პაოკ-ს უმასპინძლებს. შეხვედრის ბილეთები “დინამო არენას” სალაროებში 14 აგვისტოდან 18 აგვისტოს ჩათვლით გაიყიდება. სალაროები 11.00 საათიდან 19.00 საათამდე, ხუთშაბათს კი მატჩის დაწყებამდე იმუშავებს.

ბილეთის ფასი: 5 და 10 ლარი

სქაი ბოქსის ბილეთები: 25 ლარი

წყარო: Fcdinamo.Ge

ნანი ინგლისურ პრემიერ ლიგაში აპირებს დაბრუნებას

Posted on აპრილი 6, 2016 by იაკობ კაპანაძე

“მანჩესტერ იუნაიტედის” ყოფილი ვინგერი, პორტუგალიელი ნანი პრემიერ ლიგაში აპირებს დაბრუნდებას. ამ ინფორმაციას transfermarketweb ავრცელებს.

პორტუგალიელის “ფენერბახჩეში” გატარებულმა სეზონმა (სადაც ზაფხულში გადავიდა) ყველა გააკვირვა, მათ შორის “ევერტონის” ხელმძღვანელობაც, რომელიც უკვე განიხილავს მისი დამატების შესაძლებლობას.

“კამფეტების” ბოსებს პორტუგალიის ეროვნული ნაკრების წევრის გადაბირება 8 მილიონ ევროდ სურს, რაც გუნდში მომავალი ცვლილებების დასაწყისი იქნება.

სტადიონის ფუნქციადაკარგული უსაფრთხოების სამსახური (ფოტოები)

Posted on მარტი 30, 2015მარტი 30, 2015 by ბექა დოგრაშვილი

ევროპის 2016 წლის ჩემპიონატის საკვალიფიკაციო ეტაპზე საქართველოსა და გერმანიის ნაკრებებს შორის გამართული მატჩი (0:2) არასაფეხბურთო მოვლენებითაც დაგვამახსოვრდება. კერძოდ, სტადიონის უსაფრთხოების სამსახურმა დაკისრებულ მოვალეობას თავი ღირსეულად ვერ გაართვა. ხუმრობა ხომ არ არის, ერთი მატჩის მიმდინარეობისას მოედანზე შვიდი (!) ქომაგის შეჭრა. აქედან სამი გულშემატკივარი მინდორზე ერთდროულად შევარდა. ზოგი ჯაბა კანკავას ბუცს ემთხვია, ზოგი გიორგი ლორიასკენ გაეშურა, ზოგი კი სულაც გერმანელებთან ჩასაკონად იყო მოედანზე გამოსული. შეიქმნა შთაბეჭდილება, რომ მოედანზე ნებისმიერ მსურველს შეეძლო “გასეირნება”.

ზედმეტი საუბარი არ სჭირდება იმას, რომ როდესაც ამ დონის შეხვედრას მასპინძლობ, უსაფრთხოების სამსახური მოწოდების სიმაღლეზე უნდა იყოს. არ დაგვავიწყდეს ისიც, რომ ეს ყველაფერი დღეს არ დაწყებულა. ჯერ კიდევ გერმანელთა წინასამატჩო ვარჯიშზე შევარდა მოედანზე ახალგაზრდა მამაკაცი ბასტიან შვაინშტაიგერთად შესახვედრად. სტადიონზე ყველას კარგად უნდა ჰქონდეს თავისი ფუნქცია გათვითცნობიერებული და პირველ რიგში, სწორედ უსაფრთხოების სამსახურის პერსონალს. ურიგო არ იქნებოდა მათთვის ამ მატჩამდე გარკვეული ტრენინგის ჩატარება იმის სასწავლად, რომ ისინი სტადიონზე მხოლოდ გამოსაჩენად არ დგანან. როგორც ჩანს, ესაჭიროებათ. უეჭველია, ამის გამო საქართველოს ფეხბურთის ფედერაცია გარკვეულ სანქციებს მიიღებს. მათთვის კი, ვისაც სტადიონზე უსაფრთოების უზრუნველყოფა ევალება, იმედია, ეს ჩავარდნა კარგ გაკვეთილად იქცევა.

გერმანიის ნაკრებმა თბილისიდან სამი ქულა წაიღო (ვიდეო)

Posted on მარტი 29, 2015 by ბექა დოგრაშვილი

ევროპის 2016 წლის ჩემპიონატის შესარჩევ ეტაპზე საქართველოსა და გერმანიის ეროვნულ გუნდთა შორის ბორის პაიჭაძის სახელობის “დინამო არენაზე” გამართული მატჩი “ბუნდესთიმის” გამარჯვებით, ანგარიშით 0:2 დასრულდა. სტუმრებმა ორივე გოლი შეხვედრის პირველ ნახევარში გაიტანეს: 39-ე წუთზე მარიო გიოტცეს მშვენიერი თამაშის შემდეგ გოლი მარკო როისმა გაიტანა, ზუსტად ხუთ წუთში კი საქართველოს ნაკრების კარის ბადე ტომას მიულერმა შეარხია. ორივე გოლი ცენტრალური ზონიდან მივიღეთ.

ამრიგად, გერმანიის ნაკრებმა თბილისიდან მნიშვნელოვანი სამი ქულა წაიღო.

ევროპის 2016 წლის ჩემპიონატის საკვალიფიკაციო ეტაპი
D ჯგუფი, V ტური
საქართველო — გერმანია 0:2 (0:2)

საქართველო: ლორია, ამისულაშვილი (დვალი 4′), კვერკველია, კაშია, ლობჟანიძე, მახარაძე (ყენია 63′), კანკავა, ნავალოვსკი, კობახიძე, ოქრიაშვილი (ჭანტურია 46′), მჭედლიძე.
მთავარი მწვრთნელი: კახა ცხადაძე.

გერმანია: ნოიერი, რუდი, ჰექტორი, ჰუმელსი, ბოატენგი, შვაინშტაიგერი, იოზილი, კროოსი, როისი, გიოტცე (პოდოლსკი 87′), მიულერი (შიურლე 86′).
მთავარი მწვრთნელი: იოახიმ ლიოვი.

გოლები: როისი 39′, მიულერი 44′.
გაფრთხილებები: მახარაძე 32′, კანკავა 74′, ჭანტურია 82′ — შვაინშტაიგერი 74′.

მთავარი მსაჯი: კლემან ტურპენი (საფრანგეთი).

გულშემატკივართა დასწრების მხრივ საუკეთესო ევროპული კლუბები

Posted on ივლისი 22, 2014 by ბექა დოგრაშვილი

Footballeconomy-მ იმ ევროპულ კლუბთა სია გამოქვეყნა, რომელთა სტადიონებსაც 2013/14 წლების სეზონში ყველაზე მეტი მაყურებელი სტუმრობდა.

რეიტინგს სათავეში უდგას დორტმუნდის „ბორუსია“. მათ მატჩებს საშუალოდ 80 ათასი (!) გულშემატკივარი ესწრებოდა. საერთოდაც, წინა წელთან შედარებით პირველი ხუთეული არ შეცვლილა: „მანჩესტერ იუნაიტედი“, „ბარსელონა“, „რეალი“ და „ბაიერნი“.

აღსანიშნავია, რომ 25-ე ადგილზე გავიდა გლაზგოს „რეინჯერსი“, რომელიც შოტლანდიის რანგით მესამე დივიზიონში გამოდიოდა.

სათქმელია ისიც, რომ „მილანი“ სიაში 32-ე ადგილზეა, „იუვენტუსი“ კი — 34-ე. პირველ 30-ეულში ვერ მოხვდნენ ისეთი კლუბები, როგორებიცაა: „ლილი“ (33); „მარსელი“ (35); „ევერტონი“ (36); „ვალენსია“ (37); „ტოტენჰემი“ (39); „ლიონი“ (41); „ვესტ ჰემი“ (42), „გალათასარაი“ (47), „ბილბაო“ (48); „ფიორენტინა“ (49), „ლაციო“ (50), „სევილია“ (54), „პორტუ“ (60); „ლევერკუზენი“ (61).

სიის პირველი 30-ეული ასე გამოიყურება:

2013/14	2012/13	კლუბი	ქვეყანა	საშუალო დასწრება
1	1	„დორტმუნდი“	გერმანია	80 295
2	2	„მანჩესტერ იუნაიტედი“	ინგლისი	75 205
3	3	„ბარსელონა“	ესპანეთი	72 115
4	5	„რეალი“	ესპანეთი	71 565
5	4	„ბაიერნი“	გერმანია	71 000
6	6	„შალკე“	გერმანია	61 750
7	7	„არსენალი“	ინგლისი	60 015
8	12	„მიუნხენგლადბახი“	გერმანია	52 240
9	36	„ჰერტა“	გერმანია	51 890
10	8	„ჰამბურგი“	გერმანია	51 825
11	10	„აიაქსი“	ჰოლანდია	50 905
12	11	„შტუტგარტი“	გერმანია	50 500
13	9	„ნიუკასლი“	ინგლისი	50 395
14	14	„მანჩესტერ სიტი“	ინგლისი	47 074
15	13	„აინტრახტი“ (ფრანკფურტი)	გერმანია	47 055
16	15	„სელტიკი“	შოტლანდია	46 810
17	16	„ინტერი“	იტალია	46 245
17	22	„ატლეტიკო“	ესპანეთი	46 245
19	30	„კიოლნი“	გერმანია	46 235
20	19	„ფეინოორდი“	ჰოლანდია	45 755
21	21	„ჰანოვერი“	გერმანია	45 635
22	24	„პარი სენ-ჟერმენი“	საფრანგეთი	45 420
23	20	„ლივერპული“	ინგლისი	44 670
24	26	„ბენფიკა“	პორტუგალია	43 615
25	18	„რეინჯერსი“	შოტლანდია	42 935
26	28	„ჩელსი“	ინგლისი	41 480
27	33	„სანდერლენდი“	ინგლისი	41 090
28	31	„ვერდერი“	გერმანია	40 655
29	37	„ნაპოლი“	იტალია	40 630
30	35	„რომა“	იტალია	40 435

Fanebi.Com-ის ჟურნალის მე-18 ნომერი გამოქვეყნდა

Posted on მაისი 11, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეთვრამეტე ნომერი, რომელშიც წაიკითხავთ:

გვ. 2 — სპორტის სამინისტრომ ფეხბურთის განვითარების პროგრამა წარადგინა;
გვ. 3 — ჩემპიონთა ლიგის ფინალის მსაჯი – საინტერესო ფაქტები;
გვ. 4-6 — სუპერმენი მანჩესტერიდან;
გვ. 6 — კვირის ახალი ამბები;
გვ. 7-8 — კვირის კარიკატურები

შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal

ნომრის PDF ვერსია

11 მაისის ნომრის გაცნობა აქვე შეგიძლიათ

ჟურნალის მთავარი რედაქტორი: ბექა დოგრაშვილი