ჰოლანდია – გვერდი 11 – Fanebi.Com – ფეხბურთი, კალათბურთი, რაგბი, სხვა

ესპანეთი — ჰოლანდია (სასტარტო შემადგენლობები)

Posted on ივნისი 13, 2014 by ბექა დოგრაშვილი

სულ ცოტა დრო რჩება 2014 წლის მსოფლიოს ჩემპიონატის B ჯგუფის გახსნითი მატჩის დაწყებამდე, რომელიც ესპანეთისა და ჰოლანდიის ნაკრებებს შორის შედგება.

გთავაზობთ გუნდების სასტარტო შემადგენლობებს.

ესპანეთი: კასილასი, სერხიო რამოსი, პიკე, ასპილიკუეტა, ჟორდი ალბა, ინიესტა, ჩავი ალონსო, ჩავი, დავიდ სილვა, ბუსკეტსი, დიეგო კოსტა.
მთავარი მწვრთნელი: ვისენტე დელ ბოსკე.

ჰოლანდია: სილესენი, ვლაარი, იანმაატი, ბლინდი, დე ვრეი, მარტინს ინდი, რობენი, სნეიდერი, დე იონგი, დე გუზმანი, ვან პერსი.
მთავარი მწვრთნელი: ლუი ვან გაალი.

მთავარი მსაჯი: ნიკოლა რიცოლი (იტალია).

პრევიუ: ესპანეთი – ჰოლანდია

Posted on ივნისი 13, 2014 by Levan

მუნდიალის მეორე დღე ფეხბურთის გულშემატკივრებს ჯგუფური ეტაპის ერთ-ერთ ცენტრალურ დაპირისპირებას შესთავაზებს.

4 წლის წინ ესპანეთის ნაკრებმა მსოფლიო ჩემპიონატის ფინალში ჰოლანდიელებს დამატებით დროში სძლია. ახალი მუნდიალის მეორე დღეს ჰოლანდიელებს მცირე რევანშის შანსი ეძლევათ.

ამ ნაკრებების დაპირისპირების ისტორია 10 მატჩს ითვლის. ესპანელებმა 5 მოიგეს, ჰოლანდიელებაც – 4. ერთი შეხვედრა კი ფრედ დასრულდა.

ესპანეთის ნაკრების წამყვან ძალას 4 წლის წინანდელი შემადგენლობის ლიდერები შეადგენენ. დიდი ალბათობით, ნახევარდაცვის ცენტრი 2012 წლის ევროპის ჩემპიონატის ფინალური მატჩის და 2010 წლის მუნდიალის ფინალის ანალოგი იქნება – ჩავი, ბუკეტსი და ხაბი ალონსო. თუმცა, ისიც აღსანიშნავია, რომ ბოლო ამხანაგურ მატჩებში დელ ბოსკემ გარკვეულ ექსპერიმენტებსაც მიმართა.

დაცვაში რამოსის, პიკე და ალბას გამოჩენის პროგრნოზირება შეიძლება. მარჯვენა ფლანგს კი ხუანფრანი ან ასპილიკუეტა ჩაიბარებენ.

შეტევაში დელ ბოსკეს ნამდვილად ფართო არჩევანი და დიდი კონკურენცია აქვს.

ლუი ვან გაალის გუნდი მიმდინარე მუნდიალზე გამოცდილი და ახალგაზრდა ფეხბურთელების ნაზავით წარსდგება. გამოცდილება განსაკუთრებით შეტევაში იგრძნობა, სადაც მთავარი როლები რობენს, ვან პერსის და სნეიდერს ენიჭებათ.

მოედნის ცენტრში დომინანტი ნაიჯელ დე იონგი იქნება, რომელსაც ზურგს ახალგაზრდა პარტნიორები გაუმაგრებენ.

ევროპაბეთის კოეფიციენტები აღნიშნულ მატჩზე:

ჰოლანდიელი სნაიპერები

Posted on ივნისი 12, 2014ივნისი 11, 2014 by -

ინტერნეტ-სივრცეში გავრცელდა ვიდეო, რომელშიც ჰოლანდიის ნაკრების ფეხბურთელების მიერ ვარჯიშზე შესრულებული ჯარიმებია აღბეჭდილი.

რობენი: „ესპანელთა წინააღმდეგ 5-3-2 სქემით ვემზადებით“

Posted on ივნისი 8, 2014 by ბექა დოგრაშვილი

ჰოლანდიის ნაკრების ერთ-ერთმა ლიდერმა არიენ რობენმა განაცხადა, რომ მსოფლიოს ჩემპიონატის ჯგუფურ ეტაპზე ესპანეთის ნაკრების წინააღმდეგ გასამართ სასტარტო შეხვედრაში გუნდი ხუთი მცველით ითამაშებს.

„მარტში საფრანგეთის ნაკრებთან განცდილი მარცხის შემდეგ მწვრთნელმა 5-3-2 ტაქტიკა მოგვარგო. ვფიქრობთ, რომ კარგი გეგმა გვაქვს. ასეთ სქემაშიც შემიძლია, რომ ჩემი შესაძლებლობები გამოვავლინო. ჩვენ მაინც შევინარჩუნებთ ჰოლანდიური სკოლისთვის დამახასიათებელ უპირატესობებს, თუმც დაცვაში ზედმეტად არ უნდა გავიხსნათ. ახალი ტაქტიკის მომზადებაზე ბევრი ვიმუშავეთ. ასე რომ, არაფერი არ გვაღელვებს“, – რობენის სიტყვებს Football Espana ციტირებს.

ესპანეთისა და ჰოლანდიის ნაკრებებს შორის მატჩი 13 ივნისს, თბილისის დროით 23:00 საათზე დაიწყება.

ბექა დოგრაშვილი

ვან გაალი: „ბრაზილიაში უბრალოდ ჩასვლას არ ვაპირებთ“

Posted on ივნისი 6, 2014 by Alix

ჰოლანდიის ნაკრები მოახლოებული მსოფლიოს ჩემპიოანტის მოგებისთვის ბრძოლას შეეცდება, რის შესახებაც გუნდის მთავარმა მწვრთნელმა ლუი ვან გაალმა განაცხადა.

„სამხრეთ ამერიკაში უბრალოდ ტურნირში მონაწილეობის მისაღებად არ ჩავდივართ. გვსურს, კარგად გამოვიდეთ და რატომღაც მგონია, რომ ყველაფერი გამოგვივა.

გუნდში კარგი ატმოსფეროა, გრძელვადიანი სამწვრთნელო შეკრების შედეგად, გუნდი კიდევ უფრო დაახლოვდა.

რა თქმა უნდა, რთულ ჯგუფში ვართ. თუმცა, არ მგონია, რომ ტურნირი რამდენიმე მატჩის შემდეგ უნდა დავტოვოთ. ასე რომ, ექსპერტთა აზრის მიუხედავად, ჩვენი მდგომარეობა არც ისე საგანგაშოა“, – განუცხადა ვან გაალმა „FourFourTwo“-ს.

ალექსანდრე მატევოსოვი

უესლი სნეიდერმა სალი მუნტარის შორტი ჩახადა

Posted on ივნისი 2, 2014ივნისი 1, 2014 by -

31 მაისს, ჰოლანდიისა და განის ეროვნულ ნაკრებებს შორის გამართულ მატჩში (1:0), საკმაოდ სახალისო რამ მოხდა.

შოთა არველაძემ ფერნანდო რიქსენისადმი მიძღვნილ მატჩში ითამაშა

Posted on მაისი 26, 2014მაისი 26, 2014 by ბექა დოგრაშვილი

საქართველოს ნაკრების ყოფილმა თავდამსხმელმა და თურქული „ქასიმფაშას“ ამჟამინდელმა მთავარმა მწვრთნელმა შოთა არველაძემ ფერნანდო რიქსენისადმი მიძღვნილ მატჩში მიიღო მონაწილეობა.

არველაძე და რიქსენი ერთად გლაზგოს „რეინჯერსში“ თამაშობდნენ. გარდა ამისა, ჰოლანდიელი ფეხბურთელი თავის დროზე სიტარდის „ფორტუნას“, „ალკმაარისა“ და სანკტ-პეტერბურგის „ზენიტის“ ღირსებას იცავდა. ჰოლანდიის ნაკრებში ჩატარებული აქვს 12 მატჩი.

აღნიშნული გამოსათხოვარ-საქველმოქმედო მატჩი რიქსენის მეგობრებსა და სიტარდის „ფორტუნას“ შორის გაიმართა და ის ფერნანდოს გუნდმა ანგარიშით 5:2 მოიგო. არველაძემ, რა თქმა უნდა, რიქსენის გუნდში ითამაშა.

როგორც მოგახსენეთ, მატჩი საქველმოქმედო ხასიათისა იყო. გასული წლის ოქტომბერში რიქსენმა განაცხადა, რომ მას ამიოტროფული გვერდითი სკლეროზის დიაგნოზი დაუსვეს, რაც პროგრესიული, ხშირად ფატალური, ნეიროდეგენერაციული დაავადებაა. ფერნანდო რიქსენი ამჟამად 37 წლის გახლავთ.

შეხვედრის მთავარმა გმირმა ემოციური საღამოს ბოლოს ცრემლები ვეღარ შეიკავა. შოთას გარდა, მატჩში მონაწილეობა მიიღეს რონალდ დე ბურმა, მარკ ვან ბომელმა, ჯოვანი ვან ბრონკჰორსტმა, როი მაკაიმ, ნაჩო ნოვომ, დენი ლანძაატმა და სხვებმა.

ბექა დოგრაშვილი

ვან დერ სარი: „ჰოლანდიის ნაკრებს რთული დროება უდგას“

Posted on მაისი 24, 2014მაისი 24, 2014 by ბექა დოგრაშვილი

ჰოლანდიის ნაკრების ყოფილი მეკარე ედვინ ვან დერ სარი თვლის, რომ „ნარინჯისფერებს“ ოსტატობა არ ეყოფათ იმისთვის, რომ მსოფლიოს ჩემპიონატზე წარმატებით იასპარეზონ.

„ახლა ჩვენს გუნდს რთული დროება უდგას. ჰოლანდიის ნაკრებს მსოფლიო დონის 10-11 მოთამაშეც კი არ ჰყავს. გუნდში ასეთი მხოლოდ სამი თუ ოთხი ფეხბურთელია, თან მათ ასაკიც ემატებათ. ასეთ დროს ძველი თაობა ახალგაზრდა მოთამაშებმა უნდა ჩაანაცვლონ. იმედი მაქვს, რომ ახალგაზრდები თავს გამოიჩენენ ჯერ კლუბში, შემდეგ კი ნაკრებში. ვიმედოვნებ, ისინი უფრო მეტს მიაღწევენ, ვიდრე უკანასკნელი სამი-ოთხი წლის მონაგარი. ოთხი წლის წინათ ვითამაშეთ ფინალში“, – ვან დერ სარის სიტყვები ფიფას ოფიციალურმა გვერდმა გამოაქვეყნა.

შეგახსენებთ, რომ ჰოლანდიის ნაკრებს მსოფლიოს ჩემპიონატის ჯგუფურ ეტაპზე მეტოქეებად ესპანეთის, ჩილესა და ავსტრალიის ნაკრებები ჰყავს. ლუი ვან გალის გუნდი პირველ მატჩს 13 ივნისს ესპანეთის ნაკრების წინააღმდეგ ჩაატარებს.

ბექა დოგრაშვილი

ვან პერსიმ, შესაძლოა, მუნდიალი გამოტოვოს

Posted on მაისი 22, 2014 by Alix

„მანჩესტერ იუნაიტედის“ თავდამსხმელმა რობინ ვან პერსიმ, შესაძლოა, ბრაზილიაში ჩასატარებელი მსოფლიოს ჩემპიონატი გამოტოვოს.

როგორც გაირკვა, 30 წლის ფორვარდმა ჰოლანდიის ნაკრების ვარჯიშზე მუხლი დაიზიანა.

ტრავმის სირთულის შესახებ კი ამჟამად არაფერია ცნობილი. დეტალურ ინფორმაციას ჰოლანდიელთა სამედიცინო შტაბის წარმომადგენლები მოგვიანებთ გაავრცელებენ.

ალექსანდრე მატევოსოვი

ჰოლანდიელმა ფეხბურთელმა მეტოქეს გოლი ცენტრიდან, მე-3 წამზე გაუტანა

Posted on მაისი 20, 2014მაისი 19, 2014 by -

ჰოლანდიაში, სამოყვარულო ლიგის ერთ-ერთი ტურის მატჩში მე-3 წამზე საკმაოდ ლამაზი გოლი გავიდა.

ჰოლანდიის ნაკრების გაფართოებული სამუნდიალო განაცხადი

Posted on მაისი 14, 2014 by ბექა დოგრაშვილი

ჰოლანდიის ნაკრების მთავარმა მწვრთნელმა ლუი ვან გალმა გაფართოებული სამუნდიალო განაცხადი გამოაქვეყნა.

მეკარეები: იასპერ სილესენი („აიაქსი“), მიშელ ვორმი („სუონსი“), იერუნ ზუტი („პსვ“), ტიმ კრული („ნიუკასლი“);
მცველები: დალეი ბლინდი, ჟოელ ველტმანი (ორივე „აიაქსი“), კარიმ რეკიკი („პსვ“), დარილ იანმატი, მარტინს ინდი, ტერენს კონგოლო, სტეფან დე ვრეი (ყველა „ფეინოორდი“), რონ ფლარი („ასტონ ვილა“), პატრიკ ვან ანჰოლტი („ჩელსი“), პოლ ვერჰაგი („აუგსბურგი“);
ნახევარმცველები: იორდი კლასი, ტონი ვილჰენი (ორივე „ფეინოორდი“), ჯონათან დე გუზმანი („სუონსი“), ლარუა ფერი („ნორვიჩი“), ნაიჯელ დე იონგი („მილანი“), კუინსი პრომესი („ტვენტე“), არიენ რობენი („ბაიერნი“), უესლი სნეიდერი („გალათასარაი“), რაფაელ ვან დერ ვარტი („ჰამბურგი“), გეორგინიო ვეინალდუმი („პსვ“);
თავდამსხმელები: ჟან-პოლ ბოეტიუსი („ფეინოორდი“), მემფის დეპაი („პსვ“), ჯერმეინ ლენსი („დინამო“ კიევი), რობინ ვან პერსი („მანჩესტერ იუნაიტედი“), დირკ კიუიტი („ფენერბაჰჩე“), კლას-იან ჰუნტელარი („შალკე“).

ჰოლანდიელთა საბოლოო შემადგენლობა 2 ივნისამდე გაირკვევა.

Fanebi.Com-ის ჟურნალის მე-18 ნომერი გამოქვეყნდა

Posted on მაისი 11, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეთვრამეტე ნომერი, რომელშიც წაიკითხავთ:

გვ. 2 — სპორტის სამინისტრომ ფეხბურთის განვითარების პროგრამა წარადგინა;
გვ. 3 — ჩემპიონთა ლიგის ფინალის მსაჯი – საინტერესო ფაქტები;
გვ. 4-6 — სუპერმენი მანჩესტერიდან;
გვ. 6 — კვირის ახალი ამბები;
გვ. 7-8 — კვირის კარიკატურები

შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal

ნომრის PDF ვერსია

11 მაისის ნომრის გაცნობა აქვე შეგიძლიათ

ჟურნალის მთავარი რედაქტორი: ბექა დოგრაშვილი